Carrie
囡囡今日係你嘅生日，媽mi會好忙忙呀!
你order嘅食物，你喜歡嘅禮物我都會為你準備!
希望你開開心心，健健康康，勤勤力力!
有乜嘢可以令你開心，媽咪一定會盡量去做!
第一次整泡芙，都算成功，
淨係啲吉士餡唔知點解會出水呢?
仲自己諗到好似個間麵包鋪咁，入啲雪糕入去，
嗰間麵包店要買成$12個架，而家我整咗8個!
一早整完泡芙，上埋blog!
咁就出去買禮物同壽包俾囡囡!
出到花園街，買完禮物。
去咗間買雜貨店，睇下有冇我要嘅焗盆，
真係好，有好多款呀，又唔貴，咁又買咗幾個，
梗係幾個啦，我仲有好多嘢要學架!
睇下我送俾囡囡嘅禮物!
一共有三份，個背襄係佢想要嘅，
另外個兩份係我靜靜買俾佢架，唔知佢鍾唔鍾意?
而家啲女仔唔係你買就會用架，
唔鍾意就唔用架!
成日都好忙，希望佢會開心啦!
下晏就開整我個生日蛋糕，
講起呢個蛋糕，都係因為佢地太喜歡食壽司啦!
因為一本雜誌嘅關係，舊年我就整咗我第一個..........
~壽司蛋糕~
佢地鍾意食三文魚，我又用咗鰻魚做中間嗰層!
無人教架，但都唔會好難!
今次個樣仲好過上次呀!
囡囡生日餐單
媽mi煮到..........
囡囡食到......................
~壽司蛋糕~(可按-食譜)
~香蒜肉絲意~(可按-食譜)
之前煮過啦，不過上次無買火腿呀!
~蒜香芝士焗青口~(可按-食譜)
~黑椒焗雞翼~(可按-食譜)
~芝士焗雜菜~(可按-食譜)
~鮑魚壽司~
見有飯淨，咪整多幾件壽司囉!
~甜蝦~買嘅!
~雜果賓治~
我用咗七-up、soda drint、蒟蒻粒、什果，好易，
又係囡囡order嘅，收到之後咪上網search囉!
仲有五色壽包，賣架!
睇下成枱都係食物呀!
囡囡吹蠟燭，許個願先!
囡囡收咗禮物，睇下佢開唔開心?
囡囡生日快樂 ~ ~兼祝你與家人中秋節大大大大快活呀 ~ ~
回覆刪除圖片: 開心高人
[版主回覆09/04/2008 22:11:00]多謝!
你真係一個200分媽咪呀!!!!!
回覆刪除個蛋糕整我好靚, 好有心機呀!! 仲預備咗咁多囡囡中意食嘅野, 雖然佢無笑到見牙唔見眼, 但一定都係甜在心頭呀!!!
祝囡囡生日快樂, 每日都開開心心, 笑口常開呀!!!
[版主回覆09/04/2008 22:11:00]呢200分我收架! 食蛋糕食到厭，咪諗過第二樣囉! 因為囡囡鍾意食雪糕泡芙，就試下囉! 多謝你呀!我囡囡而家都似BB咁，要我將啲禮物收埋﹐俾佢攞喎!
祝囡囡生日快樂
回覆刪除個壽司蛋糕好靚呀！
[版主回覆09/05/2008 06:15:00]多謝晒!
世上只有媽媽好
回覆刪除好幸福呀!我好感動呀!我有耐都冇收個媽媽的禮物及蛋糕.
祝你個囡囡健康,快樂.
[版主回覆09/05/2008 06:14:00]我都無喎，最多係一封利是咋!你幾時生日呀，等我同你慶祝好唔好? 多謝晒!
果然係一個廿四孝媽咪,抵女女咁錫您呢~
回覆刪除[版主回覆09/05/2008 06:13:00]係呀，囡囡真係好鍚好鍚我架!
假如我媽咪甘叻就好了·哈哈···
回覆刪除[版主回覆09/05/2008 06:13:00]唔好咁講，佢會有第二個方法同你慶祝啫!
我祗可寫一个 服 字！
回覆刪除Carrie，生日快乐！
[版主回覆09/05/2008 06:12:00]你個服字好大喎 我係咁架，做到人地開心我就開心，唔理有幾辛苦!
真係好豐富, 好有心思呀 ! 個壽司蛋糕真係好有心沁思好靚呀 ! 囡囡收到媽媽既愛心晚餐同 d 禮物, 一定開心到訓唔著呀 !
回覆刪除HAPPY BIRTHDAY TO 妹妹 !
[版主回覆09/05/2008 06:11:00]我諗咗好耐啦，囡囡唔會開心到訓唔着架! 多謝晒!
HAPPY BIRTHDAY TO CARRIE..
回覆刪除真係好 有個廿四孝媽咪~
[版主回覆09/05/2008 06:09:00]我真係廿四、廿五、廿六.......孝添呀! 多謝晒!
你實在太勁勁勁勁喇!!!!!!!!!!!!!!!!!!!!!!!!!!!!!!!!!!!!!!!!!!!!!!
回覆刪除SUSHI蛋糕整得好靚好靚﹐yummy!
[版主回覆09/05/2008 06:08:00]唔好咁講啦 不過真係做到好倦!個蛋糕真係幾滿意!
哇))))))))))))))))))))
回覆刪除壽司好靚丫))))))))))))))
好豐富O既生日大餐丫)))))))
我都想坐埋去食丫~! 哈哈~!
嗯嗯~!(我要冷靜D先)
祝囡囡生日快樂丫~!
一日靚過一日丫~!
[版主回覆09/05/2008 06:07:00]氹得你咁開我都好開心，總之囡囡開心媽mi就開心...........多謝晒!
祝你女女生日快樂！開開心心！
回覆刪除[版主回覆09/05/2008 06:06:00]多謝晒，你咁有心真係多謝晒!
好特別好靚呀!三文魚壽司蛋糕,仲有甜虲撻,5色壽飽. 成枱美食仲有三份禮物,你真正你廿四孝媽咪呀! 祝你囡囡生日快樂.身體健康,開開心心. .
回覆刪除[版主回覆09/05/2008 06:17:00]真係幾特別架，除咗係壽司度食到之外，我諗無人自己整! 嗰啲壽包真係幾靚! 多謝晒!
如月~早晨~
回覆刪除[版主回覆09/05/2008 07:44:00]早晨呀，我剛剛先返到公司!今日你有乜嘢攪呀，又係瞓覺?
good morning如月,今朝都未食早餐就成朝見到d美食.依架個肚打古ing
回覆刪除[版主回覆09/05/2008 08:25:00]早呀!你咁早唔食就上網?囝囝返學未? 你要邊樣我打包俾你!
很多年前,(我19歲果陣)我在匡湖居的會所酒吧,做過半個月
回覆刪除初級調酒師(學師仔),果陣第一堂"大佬"也教過我整什果賓治的~
如果,您女女鐘意飲的話,不妨去超級市場買枝"紅糖水"
加入什果賓治中,就色香味俱全了~
今天沒甚麼搞作,下午一點便要接女兒車,今天有同學仔來我家,
老公收工後,會跟舊同事出去吔飯,我與女兒食自己,也許...........
晚點沒下雨的話,打比兩個家姐看看她們,今晚出不出去
葵芳陪我食飯,我想去葵涌廣場買少少野~
[版主回覆09/05/2008 09:36:00]紅糖水?乜嚟架?我加咗soda 汽水咋!唔係加橙咩?我今次加咗啲蒟蒻粒，又幾好味喎!
囡囡咁開心，媽咪辛苦左成日都值得啦！
回覆刪除[版主回覆09/05/2008 09:50:00]佢地話要乜我做得到我都會做!
"我係咁架，做到人地開心我就開心，唔理有幾辛苦!" YEAH, me too!!! GIVE ME FIVE!
回覆刪除[版主回覆09/05/2008 09:49:00]yeah!yeah!yeah! 我今日先覺得好倦呀!
唔怪得妳囡囡咁鍚妳啦!
回覆刪除[版主回覆09/05/2008 10:22:00](Empty)
紅糖水?乜嚟架?--->> 我以前在大型的超級廣場曾見過~
回覆刪除同果D LIME SODA或濃縮果汁放埋一堆的~
個玻璃樽外有寫明是Red Syrup的,有紅色或綠色的,
綠色的係用來做薄荷賓治(當時,如果是大人飲得酒精的,
便可以用"葫蘆樽薄荷酒代替")
一般外面"酒吧"做的雜果賓治係用
橙汁+菠蘿汁+梳打水+雜果+紅糖水做成的~
[版主回覆09/05/2008 11:45:00]你講得好清楚呀，等我遲啲再整俾囡囡試下先!
呢個牌子ROSE'S的紅糖水~有時在那些專賣東南亞產品的店舖
回覆刪除有得賣的,價錢仲平過連鎖超級市場
[版主回覆09/05/2008 11:46:00]你好犀利呀，連個圖都搵到!
除咗囡囡之外,樣樣都要D啊.THANKS!!!!!
回覆刪除[版主回覆09/05/2008 15:40:00]外賣地址呀，小姐?
囡囡,祝你生日快樂,學業進步.
回覆刪除[版主回覆09/05/2008 15:41:00]多謝晒!
呢個真係超水準之作，靚到爆！
回覆刪除祝你囡囡生日快樂愈大愈靚！
仲有，幫我話比你囡囡知，我好羨慕佢有個咁錫佢，整野食又咁叻的媽咪。
[版主回覆09/05/2008 21:54:00]多謝晒!我都幾滿意架! 多謝先! 唔使羨慕呀，個個亞媽都咁好，祇不過表達方式唔同啫!
哈哈~好靚喎 不過妳有幾多人食架
回覆刪除祝囡囡生日快樂呀
妳個囡係幾多號生日呀
[版主回覆09/06/2008 08:38:00]多謝先，乜你無起我底? 我囡囡個年份同生日係一樣嘅數字，佢9月4日生日!
唔洗客氣，見到你對女女份心思真係令人感動！
回覆刪除[版主回覆09/06/2008 10:49:00]自己囡囡梗係錫啦!
嘩!, 妳整左好多野食呀....雖然遲左D, 同囡囡講聲生日快樂呀!
回覆刪除[版主回覆09/08/2008 06:27:00]多謝你，唔遲唔遲!