~消暑湯~西洋參冬瓜薏米湯~

成日睇報紙，有好多有用嘅資訊，好想同大家分享下!

~西洋參冬瓜薏米湯~

材料：西洋參適量，冬瓜1斤半(連皮)，生薏米$5，乾蓮葉1塊，瘦肉$10。

製法：把西洋參洗淨切片，冬瓜切厚片，乾蓮葉以濾袋包裹(可買新鮮蓮葉)，瘦肉汆水，再把所有材料加水煲1小時即可。

功效：清熱解暑益氣。

西洋參味甘微苦，性微涼，有清熱生，益氣養胃的功效；

冬瓜(連皮)性味甘淡微寒，能消暑生津；

生薏米性味甘平，生有利水滲濕的功效；

蓮葉性味微苦、平，有消暑利濕的功效；

 

~Holiday~Holiday~Holiday~Holiday~Holiday~

今日天氣

雖然無乜太陽，但係都好焗!

點解有咁多個~Holiday~?

因為我放成五日假呀(計埋星期六同星期日)!

食完晏同亞囡出發去我地嘅目的地!

睇下我同囡囡對腳~~~~隻手係囡囡架!

我最唔鍾意假期出街，成街都係人﹐

睇下今日我同囡囡包咗架巴士呀!

途經呢個地方，令我想起囝囝囡囡細個時，每個星期日都會係呢度玩架!

囡囡係呢度讀幼稚園同小學嘅架!

過海啦!

MOON's Office!

到啦到啦!

今日嘅目的地!

亞囡可能平時小搭巴士，有啲暈車浪!

不過唔緊要啦!有咁好嘅收穫!

我一出街點會無收穫呀!我係購物天后!

呢啲都係美味棧買架!我未去過架!

買咁多好重呀!

$12兩樽呀!今晚啲排骨都係用佢地!

呢種梅菜好耐無見，以前係寫字樓訂架!

今晚都試咗，幾爽呀又甜甜地!OK喎!

爽口榨菜~唔知會唔會好食過大陸嗰啲呢?

遲啲話你知!

無鉛應該會好啲，不過未試唔知口感點?

各位師奶，靈感嚟啦!

都未試過未到八點已經食完晚飯呀!

平時就算我放假，大老爺都無咁早返!

今日大老爺都放假，所以唔使等人!

Moon's 晚餐

~梅菜蒸茄子~

點解有肉絲?孤寒師奶嘅作風，噚日食淨啲榨菜肉絲!

呢個餸係噚晚係blogger"主管"度偷師架!

~蝦仁炒蛋~

唔知係咪放假呢?炒碟蛋都好味啲咁呀!

可能有心機啲啦!

真係好好味呀!

~蒜茸豆豉辣椒蒸排骨~

蒜茸豆豉醬都係無自己整咁香囉!

~蒜茸炒菜心~

我的減肥日誌：

第八日

早餐：大家樂套餐(腸仔2條+多士1片+雞肉漢堡1件+奶茶(無糖))

午餐：雲吞(3粒)+水餃(2粒)+米線+菜心全走

下午茶：車厘子20粒

晚餐：白飯半碗+菜心半碗+排骨1件+梅菜2湯匙

仲有飯後果呀!

 

~梅菜蒸茄子~

"歡迎來到MOON's Kitcken"

~梅菜蒸茄子~

[梅菜4條，茄子1條]

調味汁：生抽2茶匙，黃糖1湯，水半碗，生粉1茶匙

1. 梅菜浸水半小時，切碎搓乾水，用少許糖拌勻。

2. 茄子切段加少許油同鹽汆水，唔需要太熟，灼一灼就得，瀝水。

3. 將茄子排好於碟上，上面鋪上梅菜碎，(喜歡嘅可以加肉絲)

4. 隔水蒸5-8分鐘(如果加肉絲蒸10分鐘)，取出。

5. 用1湯油起鑊﹐倒入調汁料煮滾，淋上梅菜茄子上即成。

**亦可以用油起鑊煮滾，熄火加入3茶匙生抽都得**

~熱~熱~熱~

我同囡囡而家仲好close架，我成日都會搣佢塊面!

佢又成日瞓係我背脊

，話好舒服喎!

梗係啦，咁多肉

，佢都叫我唔好減肥!

如果瘦得滯無肉俾佢攬呀!

再過多兩年都唔會有咁嘅情景啦!

近日成屋都好亂，都唔知執到幾時!

天氣又熱，郁都唔想郁呀!

諗起明日開始放假，真係開心!

唔使係office成日俾人鬧，

呢個世界都唔公平，

你幫咗人，人地仲惡過你!

其實我每日post晚餐的餸出嚟，目的唔係要做廚神，

我係一個普通師奶，祇係想俾小小靈感有需要嘅blogger啫，

日日煮有時都好難諗到煮啲乜，

睇下睇下或者可以諗到煮乜呢!

我都係咁所以入咗blogger呢個行列!

今日晩餐

~薯仔牛肉餅~

個樣係咪好肉酸呢，但食落好好味喎!蘸沙律醬仲好味呀!

但係其中發生咗小問題

，煮咗啲薯仔，但整唔爛喎，

點算呀!咁咪用麵粉囉，但又唔甘心，

無理由浪費咗啲薯仔，好用細刨來刨碎，

又OK喎!

**以下的餸嘅食譜會有另外的網誌**

~煎釀四寶~

~炸菜蒸肉絲~

~節瓜金菇煮肥牛~

夏天都係食瓜好味啲!

我的減肥日誌：

第七日：無磅到!

早餐：奶茶麥皮。

小食：瑪莉一包(今次我食一塊停一陣再食第二塊)，蘋果一個。

午餐：四餸車仔麵加菜+凍檸茶走甜。

下午茶：蘋果一個，小食3包。

晚餐：粟米湯，半碗飯，釀豆泡2粒，釀青椒2隻，牛肉飯1件。