30~Jan~2009(五)
新春Blog聚~漢和
人數有成十幾人，都算係最多嘅一次
仲罕有地有四五個小朋友
主席一家，師奶仔同兩個囝囝，
Jasmine同Carol，我同囡囡
本來係笨啦啦發起的，但佢今日唔舒服無嚟到
囡囡肯同我去係要有代價架
因為我話同佢行咗街，佢要陪番我一次
佢好怕生寶架，今次都算係咁啦
肯陪我去見咁多陌生人!
成功與失敗
本來唔想整嘢架，因為唔太舒服
但又忍唔住，想試下新產品
之前整咗個三色湯丸好成功，咁咪想攪攪新意思囉
諗住整個雙色蕃薯湯丸，點知靠自己諗係唔得架
整咗出嚟幾亁，仲搓唔到，散嘅
終於煮咗自己食，雖然佢樣醜但味道唔錯呀，都好煙un架!
同囡囡最早到達目的地
~漢和韓國料理~(詳細資料)
呢間以前舊店我地成日都去幫襯架
搬咗新店我都係第一次嚟
我地十一人要咗間貴賓房
房內有電視，都好正，不過出去攞嘢食會遠啲
係咪個個都想睇下主席嘅新髮型呢
Carol你有個星媽啦!
掂唔掂呀，你地自己話俾主席聽啦
Jasmine今次張相掂啦!
師奶仔同兩個仔仔，細佬顧住玩機添!
梗係唔少得我同囡囡啦
睇下遊戲機嘅魔力，兩個小朋友玩得幾投入!
我地食到2點幾就走
呢度環境唔錯，食物都同以前差不多
跟住我地跟師奶仔去咗呢間
~新信興~
旺角街巿隔離嘅深圳街
呢間店話係海味雜貨
居然有烘焙用品買，店子細細
貨品都幾整喎，好似平過二記添
原來佢有間分店係白布街，我都有去過
但呢度啲貨好似齊啲喎
大公司牛油$12咋，淡忌廉$17(百佳買$24.9)
我仲買咗好多
以後又多個地方買嘢啦!
之後同囡囡行咗馬健記
買咗我想買嘅呢本書
今次仲收到師奶仔嘅伴手禮
好好味呀!二姐你真係叻!
