28~Dec~2009(一)
放完個長假
今日要開工啦
仲要係最凍一天
得十度咋!!!
落到街人影都唔多個
真係好想做學生
放假唔使返工
返到公司
好意外
見到枱頭有兩份
~聖誕禮物~
一位好同事送咗支hand cream俾我
一份係現在我幫緊手嘅上司送的
係花茶
~錦上添花~
好溫馨
我覺得係雪中送炭就真
係佢先識得欣賞我
講真
呢排係公司都做得唔開心
好想快啲轉下工作環境
唔想再對住呢一班人
係原則同妥協之間
我仲未取得平衡
個人感覺好辛苦!!!
事實
肯做嘢肯付出肯蝕底
真係有回報
大老細都送咗份禮物俾我
佢話我好幫得手
呢份禮唔係個個都有架
佢都知我做得唔開心
可惜佢有難處
都幫唔到我!
呢份禮物我好鍾意呀
啲盒仔好靚好靚
我好鍾意儲埋啲盒仔
諗住將來裝晒啲自家製曲奇
送俾朋友!
原來仲有咁多人錫我
真係好開心
再捱落去都係值得嘅
識英雄重英雄
仲有人識得欣賞我
我嘅付出無白費
我係我
我會堅守我嘅原則
唔會太勉強自己
最緊要自己對自己好啲
咁每天都會活得開開心心!!!
26~Dec~2009(五)
Boxing Day
今日要去姑奶度開party
每年仔仔囡囡
都會和一起長大的表哥表姐們
係聖誕節攪番個party
年年我地都無份架!
今年有幸被邀請
梗係應承啦
為咗呢個party
我又大顯身手(唔知羞)
整咗幾樣甜品
因為佢地都預備咗好多嘢食
首先係應大老爺要求嘅
滑滑椰汁糕~(食譜按此)
呢款椰汁糕係MAmiPOHpoh教我的
大老爺十分喜愛
第二樣係Nana出名嘅(食譜自COKI)
豆漿芝士凍餅
我應大老爺嘅要求
將佢改咗少少
做咗個椰汁豆漿芝士凍餅
遲啲出番個譜譜(請留意)
第三樣係新嘗試
朱古力小蛋糕
(食譜遲少少出)
第四樣係桂花紅豆糕
pack好晒出發啦
去到姑奶屋企
好大盆壽司呀)))))))))))))
仲有三支酒(好少酒精架)
仲有炸物
姑奶整嘅雞翼
肉醬意粉~呢個我食咗好多
大老爺買番嚟嘅家鄉雞
食完嘢
小朋友開始玩遊戲
唔知姑奶係邊度搵番個咁得意嘅玩具
今晚預備去嘅豆漿芝士凍餅
最獲好評
我會再整嘅
真係好好味呢!!!
