~shopping day~baking day~

因為計來計去，

今日都應該唔夠時去整包，

所以一早起身整麵糰!

噚日成日係度search

"老麵"嘅製造方法，

以我個性格係唔等得嘅，

所以一早就開始整"老麵"，

我都未成功整過一個麵包，

就膽粗粗咁學人整，

個心好驚唔成功，但唔失敗過又點會成功呢?

因為我真係好想整到啲好好味嘅麵包!

過程都算順利，其間聽blog友嘅意見，

見到麵糰乾乾地，就加少少水咁，

係俾上次好少少，但個樣子都係唔夠滑!

~老麵~(可按-製作過程)

等我有時間(因為整麵包要3-4個鐘)，我會試咗再報告!

以前真係無諗過會自己整包!

係blog呢個世界，又令我學多樣嘢啦!

今日個街真係好熱，做完"老麵"就出咗去飲茶，

食完嘢同囡囡去咗荃灣行南豐，

超多人，我真係好怕咁鬼多人，

想行快都唔得，

收穫?

哈哈......我又點會無收穫呀!

最主要係囡囡想買份禮物俾佢老友，

但佢好心多，終於都係買唔到，

佢同我講下次再嚟過囉?

有無攪錯，點解你今次唔睇清楚?

兩個人入去荃灣成四十幾蚊架!

我個人真係好性急，樣樣都想整，

返到屋企又有少少時間，

好，整番盆曲奇先，

今次係整"棒子杏仁曲奇"，我有一半係無落杏仁粒，

~榛子杏仁曲奇~

結論，我覺得甜咗啲，榛子粉可以落少啲，

焗嘅時間可以短啲!

仲有都係唔好用呢個唧咀，用雪藏後切割嘅方法好啲!

有冇方法會令個曲奇鬆化啲呢?