2013香港書展

 

2 0 1 3 香 港 書 展

今年書展對我來說

好特別

因為會有我兩本書出售

四月出版的甜品書

《Made by Love甜品之速成》

 

及新推出的

《光波爐晚餐》

 

本來出版社說

新書會趕得切17號書展當天發售

結果令我失望

因送貨安排的問題延遲了

好彩昨天早上趕得切入貨
終於可以係書展見到本新書
我都未親眼見過印好的新書

一早係七仔買咗書展票
唔使排完隊入場又要排隊買票
好方便

其實

兩次出書

出版社都無安排宣傳
所有宣傳都係我在facebook同yahoo blog度提一提
無法子喇
當人人都宣傳緊新書的時候

我仲未知趕唔趕得切出書

係比較弱
無法子
出版社比較小規模
自已又唔上鏡
又唔係咩少年廚神
攪乜鬼宣傳吖
唯有靠自己實力

★★★★★★★★★★★★

昨天放了下午假

在灣仔食個lunch
(呢個豬扒米線好好食架)

跟住行上灣仔天橋
跟著人潮慢慢行
沿途多人但唔迫
又唔使行下停下
唔錯呀


雖然要好轉接咁上上落落
都好快便入到會場
好順利

香港書展2013
上到去要在1E入口進入會場
入到會場
人多但秩序好好
祇係邊位多人少少
中間其實好鬆動
一點也不擠迫

 

我本新書
安排在發行商攤位擺賣

 “春華發行”

1B-B16

大家有興趣可以去看看捧下場
兩本書也放在同一位置
大家可以一次過買晒兩本
全部都有8折
抵買

春華位置好易搵
入場後行至中間
再沿左手邊行
行到見到呢個"阿呢"
中間肥妹行入去便會見到
綠色的春華攤位


我間出版社攤位

 

昨日我也到書展一敞

目的係去行下買下心頭好

最想買的是小王子媽咪同Vanlily的新作
不過搵咗好耐都搵唔到Vanlily的書
朋友仔出的書都差不多買齊


沿途有好多書減價

仲有隻血手派咭片



呢間仲得意
攪到成間麵包鋪咁
原來係買微型書籍
仲有些少微型展

行到清袋($)都要走人
唔係間間有咭簽
連想用八達通都無增值服務

咁多書好鬼c重
慢慢行出會場
便會見到有紅VAN出旺角
記得舊年都有
$20都殺
因為如果跟指示行出灣仔
又要行個大圈
攞住咁多書
死得架

我都買咗唔少書
仲幫細妹買咗幾本光波爐晚餐
簽埋名
佢話送俾朋友呢!!!

號外：《小家庭的光波爐晚餐》

 

號外
《☆MOONmoon~My Book☆》

我的第二個Baby快將出世喇

給大家先賭為快

現在趕製中

預計7月17日發行

 

我的第二本食譜書

《小家庭的光波爐晚餐》
一本以健康至上的光波爐食譜書

【以光波爐煮出 50 款營養十足的美食】

要改變大家對光波爐的誤解

光波爐不單祇得烤焗功能

動動腦筋

一台光波爐就可做出

「烤」、「煮」、「燻」、「蒸」、「焗」、「煎」… 等千變萬化的烹飪方式

健康多了
【為上班一旅，提供好好的食譜選擇】

讓繁忙的都巿人

放工後

也能以30 分鐘煮美味晚餐

祇要活用光波爐及配件

30 分鐘便能煮出適合一家大小的美味晚餐

上班族也能輕鬆變身「大廚師」

以後無藉口出街食了!

 

【Party Time】

 良朋共聚

可以一邊聊天，一邊品嘗熱辣小吃

光波爐無煙無火

可在客廳與一邊友人聊天

一邊表演光影魔法

將粟米、雞蛋、腸仔、米飯與麵包等材料

變化出意想不到的熱辣小吃

無需躱在廚房煮到滿身油煙味！

[精彩內容包括]
逾 50 款精美食譜

肉類、海鮮、蔬菜與湯水樣樣有
[初入廚，不用怕]

教你選購食材精明之道
[靈活運用光波爐]

配件活用與爐溫操控心得教學!

《小家庭的光波爐晚餐》
售價 $78
發售日期  2013 年 7 月 17 日

14個鐘!!!

《☆MOONmoon之My Book☆》

今日攰到無嘢講

為了今日之拍攝

昨日已經請假去買材料

好彩買齊

今朝唔使再出動

有充裕時間俾我預備

唔係仲辛苦

不過買齊料都好多問題

雪柜得一個

咁多嘢要雪

點算???

攪咗好耐加埋冰袋才勉強攪掂

好想多個雪柜呀!

今朝較好鬧鐘

5點鐘起鐘

做好預備功夫

9點攝影師來到

一直踩到6點半

無停過手無出去食飯

祇係要老公執咗盒點心

一路煮一路食
終於完成最後25個食譜

真係辛到無嘢講

 

現在

大老爺正努力去做清潔工作

再次多謝他的默默幫忙

書的主要拍攝工作完成了

後期工作仲有好多

期待呢本食譜書

可以係8月同大家見面!!!

★★★★★★★★★★★★
各位睇完呢一篇
喜歡的話
請在題目下方的"f讚"度讚一讚

讓你們的fb朋友也能看到你的好介紹
★★★★★★

8個鐘22味餸!!!

《☆MOONmoon~My Book☆》

My Book

My New Book

拍攝日

一直有個心願

好想出本食譜書

甜品書已出過兩本

一本ebook一本《Made by Love》

出甜品書期間

出版社編輯已構思出食譜書

問我有沒有興趣

梗係有啦

出咗甜品書

即刻籌備呢本食譜書

至於係邊類???

買個“瓜”子先......

唔想請假

約定星期六或星期日開工

上星期已拍攝好封面

祇係預備四個餸

噚日先入正題

聽到攝影師話可以一日影到30個餸

有點可怕

得唔得架?

★★★★★★★★★★★★

唯有照吩咐

分幾日去買齊材料

星期六去九龍城買泰國食材

個腦掛住諗嘢

俾咗錢攞埋張單

唔記得拎袋嘢

仲去埋吉豬買嘢

返到屋企仲未知

執好嘢出去食飯

又諗下啲材料

才醒起剛材執嘢

好似唔見啲泰國食材
心諗呢次死喇
明天早上又沒有時間去買
已經8點半唔知佢地關門未?
去好定唔去呢?
最終決定博一博
原來佢地收11點
好彩攞得番包食材
一早再去買材料
跟住趕返屋企執好位置給攝影師
由早上十點影到六點幾
總共煮了22個餸
估計呢場仗仲要打多兩場.........
個廚房好似打完仗咁
好彩有後勤支援部長~大老爺
唔該晒

★★★★★★★★★★★★
各位睇完呢一篇
喜歡的話
請在題目下方的"f讚"度讚一讚

讓你們的fb朋友也能看到你的好介紹
★★★★★★★★★★★

我的第一本甜品實體著作面世了
《Made by Love 甜品之速成》
一本以簡易為主的甜品書
希望人人都能以愛心
做出健康美味甜品給至愛

此書已於在各大書局發售

大眾、三聯、商務、page one、誠品等等

★★★★★★★★★★★
★★★★★★★★★