~因為唔知乜嘢原因呢篇blog睇唔到，
唯有copy咗再開一篇啦~
2008開平珠海澳門之旅(二)
我地間23號別墅!兩層高架!上面間大房仲有個大露台架!
每間別墅仲有私人溫泉架，不過唔知點解唔放水?
26-Dec-2008(五)晚
第一晚，我地係入住香江溫泉渡假村!
呢間渡假村都好耐啦，不過最近重新裝潢過，
接待香港團!
不過，佢地啲服務水準真係唔掂!
個個服務員態度都好差!
我地十一人分到一楝別墅，唔需要同人share，
如果唔係都好唔方便，
因為每楝別墅祇有一台電動麻雀枱，一部有卡拉OK!
如果同其他團友share，咁就唔知邊個用好啦!
亦都無咁盡興!!!!!!
房間都唔錯，我地呢楝有五間房，
下層有三間，上層有兩間!
我地擾攘一陣後，分配好房間之後!
本來想浸溫泉，但又夜又凍，
諗住聽朝食完早餐仲有時間浸!
就出咗去買煙花玩，大人同小朋友都玩得好開心!
細佬妹夫同老豆媽子打麻雀，
我地三姊妹就唱K，
我地唱足成晚，唱到1點先瞓，夠晒皮!
今次先知三妹唱粵曲咁得嘅!
佢可以同一時唱男聲同女聲!
27-Dec-2008(六)
我地好早去咗食早餐，
不過經過噚晚嘅經驗，都無乜期望，
諗住食飽個肚算啦!
點知又見啲服務小姐又同人嗌交，
見人地係跟團都知包早餐啦，俾早餐卷又唔俾話講就得，
咁啲爸媽帶住啲細路梗係一間房，唔通啲細路唔使食咩?
又唔係佢啲大陸人，邊個呃佢地呀?
咁嘅服務水準，超唔掂!!!
食早餐時，
原來係人都可以入去參觀，唔使住客証架!
我地都入咗去睇下環境先決定浸唔浸，
見到好多個池都無乜水，
8點開始都未入水?咁點浸呀?浸腳都唔夠啦!
最後我地都決定唔浸啦，好似表演咁咪攪!
睇下呢度啲別墅先啦!
10點半交匙出發，
第一站~赤坎歐陸風情街~關氏書院
呢條街係電視劇~"東山飄兩西闗情"嘅拍攝場地之一。
又係一條好普通嘅街，有啲攤檔咁，都買咗少少小零食!
(知唔知邊個係呀?)
Christina又被美食吸引啦~麥芽糖
呢個南瓜餅又熱又新鮮，幾好食，媽子仲教我點整添!
~關氏書院~
一間好細嘅房，唔知有乜好睇，
又無人介紹!
第二站~雅居樂休閒會所HI-TEA
呢個行程係去雅居樂會所內一間西餐廳飲杯奶茶，
跟住同啲小朋友去睇咗兩場4D電影$50，
睇完就一齊去揼骨，我地按咗一個鐘腳!
啲水準唔掂，
今晚晚餐係"豬肚雞"
豬肚雞係一個湯底，仲有啲配菜用來打邊爐!
呢幾日呢餐最正，個湯好好飲!
食飽飽返酒店~華廈國際商務酒店~
唔知係咪我地乖呢，領隊Joey俾咗間connect room我地，
我同二妹一人一間，
講真，無老公係度，
(我同兩個細妹，每人都有個女)
佢地有佢地玩，我有我瞓囉!
明天繼續...........
