第一次，真係第一次!
今年我都有好多嘅第一次!
第一次開始寫blog!
第一次學整麵包!
第一次學整月餅!
第一次同blog友相聚!
感覺既新鮮又興奮!之前你會好緊張!
大家個樣子同blog度見到嘅係咪一樣呢?
佢地見咗我之後個感覺會點呢?
一連串嘅問題出現我腦袋!
點知早得滯，9點就攪掂晒，點好呢?
算啦，就咁企係度等啦，
見到circle k又入咗去買咗兩樣俾Rachel，
終於見到我個目標車輪，上前同Frances相認!
再等咗一陣，Mommy Dearest出現啦，
今次我都好多謝Frances一早諗好今日嘅行程，
仲有個好好嘅司機~林生~
~第一站~牧場
牛奶牧場，呢度有好出名嘅牛奶，薑汁撞奶!
可惜時間尚早，我地都係食早餐先!
聽講呢隻牛奶係city-super先有得買，
仲有好多熟客揸車嚟買牛奶!
估唔到嗰度有羊仔餵，睇下Mommy Dearest幾開心!
我同小Rachel好friend呀!
~第二站~林村許願樹
住係香港咁耐都好少周圍去!
呢度睇電視就睇得多，真係未嚟過，
我都許咗個願，試下咁啦!
~第三站~塱原濕地農莊
呢度有好多嘢玩，不過今日天氣太熱啦，好似有32度呀!
我仲係隔離嘅豆品廠，買咗啲醬料，
呢度8蚊就可以任食豆腐花呀!
~第四站~元朗B仔涼粉
呢一站係我要求Frances帶我去架，
成日睇雜誌都有介紹，要我專登入嚟食我就唔會啦，
有人車我梗係要試下啦，
好大碗甜品呀，差不多四個人先食得晒!
仲有Frances介紹嘅雞翼尖，好好味，可惜我唔係好食得辣!
最後見有時間，同Mommy去咗深水埗shopping，
hahaha........居然有好大收穫喎!(唔得影相添)
晚上，返咗媽咪屋企做節!
睇下幾好餸!
Mommy Dearest好多謝你嘅禮物呀!
估唔到我可以食到你親手整嘅曲奇同鳳梨酥!
個杏仁曲奇好鬆脆好好味，
鳳梨酥好好味呀，唔會好甜!
仲有呢個可以整鳳梨酥嘅工具，我會搵日交功課架!
囡囡好鍾意呢個禮物，好多謝你!!!
大家中秋節快樂!!!
中 秋 節 快 樂 !
回覆刪除[版主回覆09/15/2008 08:11:00]中秋節快樂呀，你噚晚又去咗邊度食嘢?
(Empty)
回覆刪除[版主回覆09/15/2008 08:11:00]你仲瞓呀?我好倦呀!
嘩 ! 節目好豐富呀 ! 一定玩得好開心 ! 可唔可以幫我問下 Mommy Derest 個鳳梨卷模係邊樹有得買呀 ? thank you very much !
回覆刪除[版主回覆09/15/2008 08:12:00]好豐富呀!我遲啲幫你問，佢今日飛返新加坡!
好緊密既行程 同BLOG友見面好開心喎
回覆刪除[版主回覆09/15/2008 08:10:00]好緊密呀!不過，祇怪天氣太熱啦!
估唔到你們真係見到面了，好替你們開心呀！好豐富又開心的一天！如果加埋我，多好!!
回覆刪除[版主回覆09/15/2008 08:09:00]哈哈............我都係咁話，加埋你就好啦! 不過，frances架車就載唔到咁多人喎，如果要搭巴士就去唔到咁多地方啦! 不過真係好想同你見面呀!
好正
回覆刪除[版主回覆09/15/2008 08:07:00]好謝你嚟呀! 感覺真係好正呀!我地玩得好開心!
嘩, 行程好豐富呀!! 除咗許願樹我時不時會去之外, 其他地方都無去過呀!
回覆刪除許願樹埋邊有間叫做 "荷曄庭" 嘅餐廳, d 野好好食嫁, 特別係個豬扒飯, 下次可以試吓呀!!
[版主回覆09/15/2008 10:26:00]荷曄庭~我有影呀，不過無post出嚟，你係咪住係新界?可以成日去許願樹? 要我搭車都唔知搭乜車，可以教我嗎?等我妹妹返香港可以帶佢去食豬扒飯!
我都係因為成日有親戚朋友返嚟所以就將呢度變成景點囉!!
回覆刪除不過次次都係揸車去, 我都唔識搭車呀!
[版主回覆09/15/2008 10:57:00]所以話有車真係好方便!
好羨慕妳過了一個咁開心的中秋節,黎到大埔都唔探我? 講笑啫....哈哈我終於都冇整到冰皮月餅,因為未買夠材料,又冇時間去買.真係冇妳咁有恆心呀,月餅妳都整到,雖然唔係好成功,但都好似樣喎,我相信下次妳一定成功的.我地一齊努力!!!!!!!
回覆刪除[版主回覆09/15/2008 12:07:00]今年唔得出年再試過囉!個月餅50分，因為我食過都食得架!一齊努力!YEAH!我買咗車票啦!
好幸福呀!可以去咁多地方玩又有咁多禮物。
回覆刪除果然有其母必有其女,伯母整餸都有一手
[版主回覆09/15/2008 18:59:00]好多謝BLOG送嘅禮物! 媽子真係煮好多好餸架!
嘩!嘩!嘩!嘩!好正喎 可以同BLOG友見面真系開心呀
回覆刪除[版主回覆09/15/2008 18:58:00]一個好奇妙嘅約會!
嘩!!!真係好多第一次喎!!!
回覆刪除[版主回覆09/15/2008 18:59:00]係呀!好多第一次!
你地真係好開心喎！
回覆刪除Mommy Dearest整既 鳳梨酥 真係好好味我就快食完啦
[版主回覆09/15/2008 20:25:00]我估唔到我都有份，mommy dearest同佢先生都好好人! 我比較喜歡鳯梨酥!因為無咁甜!
妳做乜第一次唔留俾我呀
回覆刪除[版主回覆09/16/2008 08:34:00]時間唔夾囉! 都有第一次架，第一次入西貢食車仔麵呀!
仲有唔記得問藍色衫果個係咪妳黎架
回覆刪除[版主回覆09/16/2008 08:35:00]都話最肥嗰個囉，梗係啦!係咪好肥囉，記得點我相呀，唔係29號我唔識你架! 你地無一個夠我大隻!
It was SOOO nice to meet you and thanks for shopping with me ah!!! Will write longer when I have my Chinese Software!
回覆刪除The pineapple roll mold I bought from Singapore, does your friend want me to send over to her??? Just let me know, I have done that for many bloggers in HK already, so no problem!!!
[版主回覆09/16/2008 11:13:00]乜香港無得買咩?可以的話我問一問"師奶仔"佢方便方俾個地址我啦!遲啲覆你! 同你買到你需要嘅我都好開心，不過唔記得影相喎! 我係咪好肥呢?Rachel對我個大肚腩好有興趣呀!hahaha.........
As all Chinese say, it is a blessing to be "PLUMP", and we all are happy lovely plump ladies ah....
回覆刪除I only know that the pineapple mold is very difficult to get in HK, I was the first one who brought it over and one baking shop actually imported it, but now it is closed down la!
[版主回覆09/16/2008 14:56:00]哈哈....多謝你先! 我問咗blog友仔再覆你ha!
而你地的見面是郊外遊..小妹這邊相通常係d猫集會..
回覆刪除[版主回覆09/16/2008 19:18:00]哈哈..........大家唔同目的地啫!