九月一日
開學喇!
一早就見啲學生、媽咪、校車穿梭大小街道，
個個都忙著返學，返工!
反而我呢個媽咪，就唔使返工!
一早自己梳洗完，
點知佢自己起咗身喎!
如果日日佢都可以自己起身就好啦!
見佢咁乖，煮啲好嘢佢食啦!
上次係馬莎買咗啲好得意嘅意粉，
去街巿買餸煮俾佢食先!
朝早去街巿係好享受嘅，
因為樣樣都好新鮮，樣樣都想買!
睇下我買幾多嘢....好辛苦!
~鮮蕃牛肉花花意粉~(可按-食譜)
再加埋碟蒜茸炒BB露荀
呢味好簡單，祇係用蒜茸炒香啲露荀!
因為想趁呢個假期學整麵包，
所以食完晏出咗去荃灣"二德惠"買材料，
又買咗成300蚊呀!
明日明日一定整!
今日本來想整曲奇，
終於無時間!
未來幾日都好忙，有好多嘢要做!
9月4日就到啦......
"家常便飯"
~椒鹽焗小雞腿~(可按~食譜)
因為驚大少又話無肉食，咁多煮多一味，
~泰式甜梅醬雞翼~(可按-食譜)
~蒜香煎豬扒~(可按-食譜)
~梅菜肉餅~
~潮州白菜粉絲煮魚角~
~木瓜花生眉豆雞腳豬骨湯~(可按-食譜)
今日囡囡返學都幾開心，
雖然佢呢班同學大部份都唔識，
但佢收到中二個老友去台灣旅行啲手信，
你地睇下，勁得意呀!
微形字典
好得意呀，仲有個放大鏡添呀!
睇下有幾大，3CM呀!
柔棉體驗~~~~棉花糖
囡囡本來都唔係幾開心，以前中二嗰班有八個同學拆咗出嚟，
大部份都保留原班，佢就係個八個同學其中一人，
所以今年有大半班同學佢唔識，
佢有啲担心!因為有兩個同學係好壞嘅!
我祇有安慰佢話"咁咪可以識多啲新朋友"
一開學又要填好多好多................表!
而家囡囡會自己填咗啲佢識嘅，
但囝囝啋我都傻，全部我填!
當囡囡搵緊出世紙時，
居然俾佢搵到哥哥張幼稚園畢業相，
囝囝六歲個樣呀!
中間嗰行中間嗰個呀，今晚我問佢，佢都唔認得!
咁下面呢個又係邊個呀?????
登登登................
就係我啦.....hahaha..........，19XX年架!
亞女仲搵到我張幼稚園畢業証書!
堅架!無花無假!
靚唔靚啫!!!!!!!!!!!
睇下我個樣，都唔好差呀!
嘩, 你仲搵到張証書咁勁!!! 我嗰 d 全部留晒係外家呀!!
回覆刪除[版主回覆09/01/2008 22:02:00]我特登係外家攞返嚟，因為有紀念價值，所以保存得好好!
妳就好啦証書都有,我就連細個D相都無架
回覆刪除[版主回覆09/01/2008 22:54:00]我特登係亞媽度攞返嚟，驚佢地唔見咗!
仲有唔記得講我又想整曲奇,而家得緊亞仔番全日架,因為我有個好靚嘅餅模呀
回覆刪除原來二德惠荃灣都有架,我都好鍾意去架
[版主回覆09/01/2008 22:55:00]二德惠你成日去?咁你係咪識整蛋糕同曲奇呀?
哈哈~原來妳無去起我個底,我做咗貴師傅(佢係我個朋友)個入室弟子呀,都整過吓啦
回覆刪除我就算返亞媽屋企都唔會有我嘅相架,以前屋企好窮架相機都無,所以而家就成日同個囡影番夠本,其實係唔想佢好似我咁
[版主回覆09/02/2008 06:38:00]我邊有時間起你底呀?我平時返工，五月先學人寫BLOG! 成日聽你講貴師傳係邊個，係花名?咁我整蛋糕有乜唔明問你啦? 我以前屋企都好窮，每日祇得一個麵包，自已又大食，成日想食多個都無! 唔知係咪咁，而家鬼C咁鍾意食麵包，所以咁肥! 我地都無相機，每年全家都係新年時去相鋪影，細個時亞爸叫我地着好靚衫，我仲以為去街街添，點知原來去樓下影相咋!
個露筍好靚呀
回覆刪除[版主回覆09/02/2008 06:33:00]露筍仲好好食，仲係健康食品!
哇~今晚七餸一湯,真係好豐富呢~~
回覆刪除哇~未計D餸,仲有椰汁 (呢隻椰汁,我細個成日飲的 )
仲有呢D粉,點攞呀??仲攞住去跳舞呢~我真係佩服得五體投地
呢隻棉花糖,我在葵涌廣場頂樓都見過~仲有好多甚麼"喇叭正露丸",
毒藥..很多不同"好笑"包裝的糖果~
您個女真係好乖,自己搞得掂的,都不煩亞媽~真係好抵錫呢~
哇~您就好啦~我小時候的東西只得番三年級至六年級的手冊及
成積表,仲有一張升中派位表而已~再細個D的文件都冇哂了~
呢個粉仔好正噃~看看明天我"懶不懶"先,整比女兒
當午餐吃都不錯呢~
您今天一定很累的了~早D去睡吧~期待看您明天的曲奇~
[版主回覆09/02/2008 06:33:00]我係五餸一湯呀，意粉同露荀係晏晝架! 呢度影啲粉係噚日買，跳舞嗰日祇係買咗啲用具，我就係留番有時間去買囉，我攞背襄去買架! 手冊我就無啦，升中派位表我都有呀，之前係媽子度摷返嚟! 今日會整麵包，如果時間會整埋曲奇! 放假我仲忙，樣樣都想整俾佢地食!
嘩 ! 好多餸呀 ! 仲係二德惠入左咁多貨, 女人有得買野就會好開心家啦, 你係唔係家 ? 仔仔咁大個仲要你填 d 通告 ?! 我兩個女連細佬個 d 都會填埋, 我只係簽名, 特別要睇個 d 大姐仲會提我, 大姐就係呢類 "管家女", 所以真係幫左我唔少.
回覆刪除你放緊大假呀 ?
[版主回覆09/02/2008 06:27:00]有得買嘢我對會發光! 我係天生購物狂呀! 今日想學人整麵包，唔知成唔成功，都要試第一次! 男仔同女仔嘅分別係咁，女仔好細心又定，真係幫我唔少! 我放到星期五先返工!
幼稚園畢業證書重保留得咁好 勁
回覆刪除[版主回覆09/02/2008 06:24:00]我特登係媽咪度攞返嚟，驚第一唔見咗!好有紀念價值架!
好多靚餸啊!!!! 個牛肉粉女女一定好鐘意!!
回覆刪除我仲稔﹐典解個同學仔買包M巾啊
[版主回覆09/02/2008 06:23:00]個粉係囡囡話買，我咁有心機煮俾佢食，佢梗鍾意! 包M巾我問囝囝，知唔知係乜，佢居然知但話點講呀，當我食得時，佢都笑呀!
哎呀，连張kindergarten証書都留得咁好，佩服！你買好多粉，重啊！厉害！
回覆刪除[版主回覆09/02/2008 07:44:00]重呀，樣樣都買啲，樣樣都係幾蚊咁，費事想用時又無係度!我好好咁保存佢架!
忘记話你靓靚靚添！
回覆刪除[版主回覆09/02/2008 07:42:00]THANKS!
如月。你去開email啦 ！
回覆刪除[版主回覆09/02/2008 07:52:00]你係話email定係msn呀?
哈哈~貴師傅係我個囡同學媽媽,佢整蛋糕好叻架,以前一得閒就會過我"超細"嘅屋企玩整蛋糕曲奇,而家我無工人就少咗啦,不過有貴師傅嚮樹我地就講多過做架,好開心咁又一日啦,我見好多blog友都係高手嚟架,我又唔係勁點敢教妳呀 妳連証書都仲嚮樹會窮得去邊,細個果陣爸媽都成日去做野都唔得閒理我地架,但我地好多嘢都唔使人教都會識,而家d細路俾埋錢佢學極都唔識,唔知佢地蠢定係我地聰明呢
回覆刪除[版主回覆09/02/2008 09:48:00]超細屋企?你個焗爐有二層呀?我嗰個焗得6個鬆餅咋!有証書代表唔窮?點解?以前個個爸爸媽媽都要搵食，淨係得番啲細路自己照顧自己，而家又話要安排點點點......樣樣都要父母同佢地安排，留佢地係屋企，監都有得坐呀!
哈哈~而家真係要等坐監啦,我成日都要放亞哥一個人係屋企呀,因為要帶亞妹出去學嘢,亞哥又唔肯去
回覆刪除二層焗爐都係我嘅夢想呀
有証書就代表屋企人仲有時間去留底你嘅嘢,妳諗吓佢地由朝到晚又要做野又要帶住我地四個差唔多大嘅豆靚,出世紙都唔見咗兩張啦,如果屋企有錢的話就唔會咁忙,相信亞媽就一定係記得架
[版主回覆09/02/2008 10:23:00]呢個係我老豆嘅功勞呀!佢好好心機架，我地都好窮，小六就要出嚟做暑假工啦!一路做到中學畢業呀!
哩包手信真有心思！哈哈～～～
回覆刪除９月４日咁啱係我大女個生日，到時我會照你既食譜去整野食！
[版主回覆09/02/2008 11:22:00]咁啱?我個女係94年9月4號幾好記呀!hahaha...........我而plan緊個晚食乜呀!
9月4號 is my colleague's birthday too, going to have karaoke party for her tmr night. I sent some recipes to your hotmail EMAIL account ah!
回覆刪除[版主回覆09/02/2008 12:47:00]我個hotmail emai accouny開唔到呀，你可以再sent去我yahoo個email嗎 ?ngsksandy@yahoo.com.hk ，thanks! 咁你聽日咪好happy有得玩，9月4日我會整一個蛋糕俾佢食，但呢隻蛋糕你係唔會整嘅.........hehehe.......到時你就知!9月4日會有個豐富晚餐呀!
點樣先可以炒到咁翠綠呢
回覆刪除[版主回覆09/02/2008 13:09:00]唔使炒咁耐
你地一家人真係食肉獸喎!一餐要煮咁多肉,真係辛苦你喔!你家老爺一定俾多D家用先得,晚晚咁好餸 幼稚園張証書我都有留番,不過我地都好窮喎!!!!!!!!!!!!!!!!!!!
回覆刪除[版主回覆09/02/2008 13:49:00]係呀，我地係食肉獸架!大少唔食肉餅咪煮多幾雞翼俾佢囉!
我家都係食肉獸，但比起你地真係小毛變大毛，佩服！
回覆刪除[版主回覆09/02/2008 15:06:00]你三個人我四個呀!
嘩~~~你個椒鹽焗小雞腿好吸引!
回覆刪除[版主回覆09/02/2008 15:30:00]多謝你到訪!用焗爐焗幾好架!
嘩,又真係肉多左d,妳真係驚佢地唔夠肥呀?我今日終於完成所有"煲冬瓜"啦,舒服哂!記得明天的約會嗎?
回覆刪除[版主回覆09/02/2008 16:12:00]我已推咗瑜伽班嚟約你呀，你朝早call我啦!
I sent to yahoo already. I am sure it will be a GREAT banquet on Sept 4th!
回覆刪除[版主回覆09/02/2008 16:11:00]THANKS!我做好腸仔包，不過有好多好多要改善嘅地方!
哈哈 ! 我果張幼稚園畢業證書都係度 , 不過冇你果張保存得咁好 , 我張相已經化開左 我有時都會攞出黎睇下 , 諗番下細個d野
回覆刪除[版主回覆09/02/2008 16:13:00]係咪好懷念呢?