RICKY 生日快樂
一早起身就開始攪嘢!!
開始整我嘅第一個蛋糕(自己整)!
真係無乜信心，
摷咗好幾個食譜，攪到自己有啲混亂，
都唔知想整乜，又唔記得買生果做裝飾!
要忽忽咁走落商場買，
又買唔到士多啤梨，求其咁買咗個唔做乜嘢芒果!
終於整到11點，結果係超級失敗!
首先連個海綿蛋糕都攪到咁!
點解咁多窿嘅????
又唔記得係個模度掃油，結果好難脫模!
個蛋糕面又十分亁，都唔似上次上堂咁靚?
有冇人可以教下我呀?
救命呀，好肉酸呀!
本來想整法式劇院蛋糕，
因為想慳啲功夫，
又跟咗mommy dearest個朱古力慕司蛋糕做個慕司，
到咗落個模度，
點算呀，即刻摷個紙模出嚟裝番啲慕司，
咁個底又九唔搭八，因為之前我係做四方海綿蛋糕，
倒晒啲慕司料放入雪柜!
幾肉酸，又買唔到花邊，是旦咁貼張玻璃紙，
無咁難睇!再係上面鋪上朱古力碎，
咁咪睇唔到個邊囉!
唉!我都係無整蛋糕個天份啦!
都唔知下次仲有冇心機整添!
另一個主角係PIZZA，
呢個係跟sys204學架，
都係第一次整，搵好食譜就開工，
呢個有信心啲，因為之前整過麵包，
做法同麵包搓粉一樣!
今次我用咗個好幫手，係我個電動打蛋器，
本來佢有四支配件，2支係用嚟打蛋，
另外2支我本來唔知佢嘅用途，
睇blog睇得多，覺得佢好似係用嚟搓麵包啲粉糰喎，
試過之後真係好好用，又唔使攪到隻手成手粉，
又好容易咁攪到啲麵糰起筋，正!
今次啲材料好多，全部都係大少指定食物!
~千島雜錦Pizza~(可按-食譜)
~今晚菜單~
全部都係囝囝喜歡嘅食物
蠔~薑葱蠔煲~(可按-食譜)
飽魚~清蒸飽魚(遲啲出食譜)
噚晚睇完亞蘇煮飽魚，今日又覺佢咁煮先!
雞翼~雞翼雙拼~
祇係用兩種味整啲雞翼!
係用咗呢兩種醃料，左邊呢集好味啲喎!
~西蘭花炒蛋白~
因為整蛋糕用淨啲蛋白咪炒埋佢囉!
~瑞士汁撈福麵~
呢個係小玄哥介紹嘅!
呢份禮物係我買俾佢架，大老爺淨係會買生日禮物俾我咋!
因為佢怕我嬲囉!hahaha.............
到大少切蛋糕嘅時候，許番個願先啦!
都話我有老人痴呆架，買呢兩pack時諗咗好耐，
囝囝究竟幾多歲，到最後都係買錯咗，
所以上面個蛋無咗"1"同"7"字呀，
因為囝囝今年十六歲咋!
仔仔一定好開心啦 全部都係佢鐘意食既
回覆刪除[版主回覆10/02/2008 22:10:00]希望佢開心啦! 唔知佢鍾唔鍾意食呢!
22222222
回覆刪除[版主回覆10/02/2008 22:10:00](Empty)
好真係冇得頂呀 , 整咁多野食, 如果淨係一家四口既話, 我諗一定食唔晒呀.......
回覆刪除[版主回覆10/02/2008 22:11:00]今日嘅嘢啱啱好喎! 剛剛食得晒!
第一次整旦糕已很成功的了~比我整的話~
回覆刪除可能連個海棉旦糕都做不成呢~
您真係抵打手板,連個仔幾多歲都忘記~
[版主回覆10/02/2008 22:22:00]仲話成功， 我連個海綿蛋糕都唔成功! 個PIZZA我就好滿意! 抵打.......仲要囡囡提我錯咗呀!
我都想做你個囝,點解你呢個呀囝咁強架,乜都識整 囝囝實好開心喇,祝你家公子生日快樂
回覆刪除[版主回覆10/02/2008 22:28:00]點解你呢個呀囝咁強架............ 哈你係咪講我呀???? 你唔見我個蛋糕失敗咗咩?
係呀媽強人先岩,個蛋糕我又唔覺完全失敗,幾fusion呀
回覆刪除[版主回覆10/02/2008 22:34:00]haha.............咁就多謝稱讚!
好豐富呀!!! 個蛋糕都好好吖!!好味咪得囉!!
回覆刪除下次入貨要買圍邊膠喺屋企"看門口"啦!!
[版主回覆10/03/2008 06:09:00]都唔知幾時先有信心再整蛋糕呀! 個蛋糕咪好似食緊朱古力咁囉!
勁喎我鍾意個蠔呀
回覆刪除[版主回覆10/03/2008 06:08:00]haha...........我覺得用美國桶蠔無用新界蠔咁好食，無咁有口感喎!
失敗唔緊要la..下次實得...祝你囝生日快樂
回覆刪除[版主回覆10/03/2008 06:10:00]儲夠信心我會再試!
見到你個蠔煲令我心思思又想整黎食......
回覆刪除唔好咁唔開心呀~! 蛋糕真係唔容易整咖~!加油呀~^^
[版主回覆10/03/2008 06:06:00]蠔煲..........我諗你整得好食過我喎! 咁你知唔知我個海綿蛋糕點解會咁架，係咪打蛋黃糊打得唔夠呀?
呀~! 我諗我都有老人痴呆囉~! 忘記左同你仔仔講聲
回覆刪除Happy Birthday~!
[版主回覆10/03/2008 06:11:00]老人痴呆我都有，大家同病相憐囉!
勁叻呀！為囝囝的生日宴一早起來就預備，樣樣都係新鮮第一次新嘗試整 !我認為好成功呀！那份心意+愛心令我好感動喲！
回覆刪除[版主回覆10/03/2008 06:13:00]今日好倦呀!總之做亞媽嘅，就係想啲細路食得開心佢就開心! 希望囝囝了解我呢份意，唔好再激我啦!
Morning~
回覆刪除[版主回覆10/03/2008 07:52:00](Empty)
個蛋糕好靚呀,個Pizza重靚過Pizza hut果Ｄ,祝你仔仔生日快樂,咁你個細女幾多歲?佢睇黎好似我對孖公主咁大,佢系未１４歲?
回覆刪除[版主回覆10/03/2008 07:53:00]個pizza我就敢講好食過pizza hut嗰啲! 但個蛋糕就
你生日餐又係整蛋糕同pizza 我又係呀...真係啱喇 !
回覆刪除[版主回覆10/03/2008 08:34:00]咁啱?等我睇下先!
吾記得亞仔幾歲吾奇 , 記得佢生日咪得 , 最重要係記得買禮物
回覆刪除[版主回覆10/03/2008 08:36:00]佢話個袋似女人袋呀~
maybe because the butter/ oil not mixed evenly..... when the cake expand, the part with excess oil will have hole
回覆刪除anyway, u r very good mother...
[版主回覆10/03/2008 08:59:00]thank you!唔知你睇唔睇得明中文，下次我會再試下!
首先講,我唔係焗cake專家,但記得老師教既野,所以知道點解咁多窿~~~
回覆刪除老師話打材料時會打咗好多空氣入去,咁打完時要記得放一陣,等下,就會見到D bubbles浮上面,好以你下面幅圖咁,
咁你可以用牙簽小心督穿D bubbles!!!咁焗完就無窿窿啦!!
我試過督完所有bubbles,焗出來好靚架!!
其實我覺得你整得好靚!!!唔覺得唔掂喎!!
[版主回覆10/03/2008 10:11:00]我都唔知點解，我覺得係打蛋黃糊時打得唔耐囉!因為我攪嘅時候見到仲有啲蛋黃攪得唔勻! 多謝你嘅分享!
如果係 " 斜孭袋 " 男仔用就細左 d , 如果係 " 腰包 " 男仔都 ok 禾
回覆刪除[版主回覆10/03/2008 10:12:00]但我個仔而家用嗰個仲細喎!咪買個型啲俾佢囉!點知佢一睇就話似女仔袋!
祝囝囝生日快樂!! 個蛋糕雖然唔太成功, 但心意答夠咪得囉!!
回覆刪除[版主回覆10/03/2008 11:48:00]唔知佢明唔明我心意呢!
生日快樂﹗蛋糕會愈整愈好o既﹗第一次係咁啦﹗加油呀﹗
回覆刪除[版主回覆10/03/2008 12:40:00]多謝支持呀!
先祝阿囝生日快樂, 每日都開開心心, 萬事如意!!
回覆刪除我又要再一次同你講, 你真係好犀利呀!! 上次整壽司蛋糕比囡囡, 今次就整蛋糕比囝囝! 仲有咁多其他食物添.
雖然你話蛋糕失敗咗, 但係我就咁睇又唔覺喎!! 不過無論點, 你嘅心意佢一定收到晒嘅!!
[版主回覆10/03/2008 12:40:00]你唔好咁講啦，嗰蛋糕都整唔成! 佢今次無話要壽司蛋糕，佢話要朱古力蛋糕，點知自己揀咗個難度咁高嘅蛋糕!
我彈繄Happy Birthday toRicky！
回覆刪除我尋日都試整最簡單的長崎蛋糕，結果都失敗，大家一齊努力吧，下次一定會更好！
[版主回覆10/03/2008 15:21:00]好一齊努力!
點解仲未出呀！我要睡覺覺lu……唉！做唔到第一啦！
回覆刪除不如我打尖係呢度霸定頭位先！
[版主回覆10/03/2008 16:17:00]又話我忠實粉絲! 乜你唔知我日日都係夜晚8-9點出blog咩? 咁你教定鬧鐘啦，今晚係830呀!
我整D蛋糕都唔好食,所以唔整
回覆刪除[版主回覆10/03/2008 16:27:00]你又唔俾我試，點知唔好食呀!唔知主席去咗邊?????
你上面個綱友跟你自己回應已經說明...有氣入了料及蛋糊不均...因小妹弄清蛋糕較多..不過上面個蛋糕幾可愛~不知是否看得你個綱頁多..昨天才想弄pizza, 今天你就有食譜..這是噅一一種沒留食譜在家...
回覆刪除[版主回覆10/03/2008 16:53:00]心有靈犀?咁你試下整pizza啦! 可能我打蛋糊打得唔勻!
你個蛋糕會吾會係開頭D蛋未打得好呀~?
回覆刪除因為要打都好淡黃色嫁~~
吾知係咪呢個原因呢
[版主回覆10/03/2008 16:48:00]我自己都係咁諗喎，不過啲蛋糊都打到淡黃色啦!多謝你提點!
个蛋糕出来都不錯，sponge cake 我估你beat得不夠，牛油同蛋分了，加麵粉后不要打太久，我要看你的食譜，我这个chocolate mousse 是用72%chocolate，就是象朱古力啊，我囝囝同Ronnie就是中意朱古力，你下次可改milk chocolate! 不过mousse不应太水的，因chocolate一定solid啊！hmmm。不要紧，下次再試啊！
回覆刪除[版主回覆10/03/2008 21:55:00]個海糕應該都係打蛋糊時無打夠! 我係用60% chocolate mouse喎! 我唔會放棄嘅!
回覆刪除大窿窿<-會唔會你忘記倒麵糊入模要凳下呢~!
仲見到蛋黃漿?!?! 你打得唔夠呀~!
如果你係用全蛋法做海綿蛋糕的話要打到蛋糊杰身唔會有流動狀態咖~^^
[版主回覆10/03/2008 21:53:00]我 無凳到呀!應該係打得唔夠!
祝佢生日快樂呀!!!
回覆刪除[版主回覆10/03/2008 21:50:00]haha.........多謝你呀，你成日嚟探我，好開心!
連個仔幾多嵗都記錯 ?! 下次計下佢邊年出世 ma ! 係咪 F.5 呀 ?
回覆刪除樣樣都好好味呀, 我鍾意 ! 個蛋白點可以炒得咁靚 ? 我次次都整得好肉酸家 !
個海棉蛋糕好似係 d 料未打得勻呀 ?! 蛋加糖要打到杰身奶白色......個 mousse 太稀係咪 d 淡忌亷打得未夠, or 加入朱古力時搞得太勁 ?
我鍾意做清化餅底, 因為 d 細路鍾意脆口, 又快好多 !
[版主回覆10/03/2008 21:49:00]呀我有計佢邊年出世呀，但就係以為今年係2009呀! 個蛋白我乜都無落喎，祇係加咗鹽，用中小火去快炒，不停咁兜囉! 個海糕應該都係打蛋糊時無打夠! 個mouse太實!
hehe...個蛋糕係咪我都有份o架? 你真係有心機,整咁多野俾仔仔,我媽咪從來都唔會咁做...最多出去食咋!仲有個pizza整得好靚呀!
回覆刪除補祝你仔仔生日快樂!
[版主回覆10/04/2008 21:45:00]我媽子都唔會咁做喎，最多俾隻紅雞蛋我咋! 個PIZZA我就好滿意啦，而家唔使成百蚊幫襯PIZZA HUT啦，香蒜肉絲又識整，PIZZA又識整! 今次我唔記得跟你個整呀，你無嚟咁多日，唔記得咗呀! 多謝你!