秋天!!!

秋天

一個好可愛嘅季節，

每當係街上，見到成街都係落葉時，

我就知道，秋天已經靜靜地來臨了，

我好愛秋天啊!!!

呢個月都好似好忙咁，

好多日都有約會，

呢個星期又有兩日約咗人，

以前未開blog之前，

我真係得閑到個個假期瞓晏覺，

而家好耐都無試過啦，

個個假期都手痕想整包，

仲有好多好多嘢我都想試，

真係多半年假期我都唔夠呢!

開飯啦!

噚晚煲咗個湯，

話咗今個星期要清咗冰箱啲存貨，

上次訂咗啲凍肉都幾乎無位塞入去!

仲唔快快清咗啲貨，

又會俾大老爺投訴啦!

~脆肉瓜炒牛仔粒~(詳細食譜)

~蠔油薯仔雞翼~(詳細食譜)

一個咁簡單嘅餸，囝囝居然讚口不絕喎!

今次用咗焗薯，可能咁樣好味啲!

~乾煎三文魚扒~

好簡單，解咗凍，抺亁水份，用少許胡辣粉、生抽、酒略醃，煎之前再次將啲魚扒抺亁水，撲少許生粉係面，落油大火煎封佢，至兩面金黃色即可，食時可蘸沙律醬。

~蓮藕綠豆豬骨湯~(詳細食譜)

好完美的一餐啊!!!!

晚安!