麵包
係一種令我着魔嘅東西，
自細都係包王，好鍾意食包，
從來都無諗過可以食番自已整嘅麵包!
當我睇到人地整得咁開心，
試咗第一次之後，已經不能自拔!
每當我聽到有新方法，
我都想試，老麵、中種、低溫發酵，
除咗湯種我無試咋!
今次聽閒"低溫發酵"會令麵包更加香更加軟熟，
又胆粗粗咁去試，
~低溫發酵方包~(詳細食譜)
今次做咗粒粒芝士包同蒜茸包，
問題出現咗，就係個麵糰無辨搓到，
唔知邊方面出現問題，如果可以搓到，個造型應該仲好啲!
~蒜茸包~
蒜茸包個底燶咗啲，而且個面唔知係咪有蒜茸嘅關係，
無咁好色水。
~粒粒芝士包~
呢個就出奇的好味，好軟熟，我覺得比起中種包仲軟啲，
如果可以做到個麵糰搓得到，
應該仲好啲!
低溫發酵嘅時間要再耐啲!
芝士包裏面好軟熟
麵包真係要好有耐性咁去整，唔可以心急，
我仲有好多想試，
下次試下湯種先，試完所有方法，
就可以找出適合嘅方法去整麵包!
色相好靚﹗
回覆刪除[版主回覆10/11/2008 14:39:00]THANKS!
我覺得麵包難整好多呀....唔敢試整住
回覆刪除[版主回覆10/11/2008 21:50:00]咁無第一次，點會成功啫!
3333333
回覆刪除[版主回覆10/11/2008 21:49:00]做乜咁遲架!
44444444444
回覆刪除[版主回覆10/11/2008 21:48:00](Empty)
焗麵飽的學問真是要好好向你學習~~我還未試過老麵，低溫發酵。。。 湯種又是乜東東呀？
回覆刪除[版主回覆10/11/2008 21:48:00]哈哈............你千祈唔好咁講，我而家係樣樣去學，遲啲我仲會試埋湯種，看看邊樣會好啲，我最享受搓包的時候!
我今天也是在家玩包包~上次整只有一款勉強合格而已~
回覆刪除希望賣相可以整到好似您果D咁靚便好了~
[版主回覆10/11/2008 21:46:00]我睇咗你啦，今次好有創意呀，已經俾上次好好多啦，你記得掃上包面要用蛋黃，咁會金黃啲架!
麵包好鬆軟呢~ mu.................我幾時有機會試下味 就好啦
回覆刪除[版主回覆10/11/2008 21:44:00]今次又俾上次好啲，下次可能又試第樣，我一定要掌握好邊樣方法最好!
睇見到想食呀！你講個d老麵、中種，我一d都唔明？睇黎我有排學囉！
回覆刪除[版主回覆10/11/2008 21:43:00]低溫發酵~老麵~中種，都係做包嘅方法，每種都唔同做法，但基本搓粉都一樣，祇係處理個麵糰唔同啫! 我都仲有排學呀!
d包好靚,好好味咁bor
回覆刪除[版主回覆10/11/2008 21:42:00]仲學緊架，但啲包都食得嘅! 你部腦可以post相未呀?
睇完你寫嘅搓粉方法都想像唔到點搓,有冇vedio睇???而用打蛋器嘅螺旋臂係咪可以代替手搓呢???
回覆刪除[版主回覆10/11/2008 21:41:00]低溫發酵~個麵糰好黏手，我係用麵包刮刀剷起麵糰，再撻落去，用手根本做唔到，而且造型都做唔到，你都見到造型時個樣好衰! 螺旋臂祇可以幫手攪勻個麵糰，唔可以代替人手架!
唔好行咁大個圈 我係講緊 我幾時可以試食呢 我唔介意做白老鼠架 雖然 我知大把人好想食 不過比我試下啦
回覆刪除[版主回覆10/11/2008 22:20:00]哈哈............我係怕你食完之後唔再睇我個blog呀! 你好似住得我好遠喎，你住邊先!等我做得有啲信心，一定call你請你食架!
又開焗爐喇....
回覆刪除[版主回覆10/11/2008 22:21:00]係呀!放假一定開火架!
元朗啵 你好似好遠呀~ 如果我有幸係白老鼠既 邊到我都去啦
回覆刪除[版主回覆10/12/2008 08:36:00]等我整好味時，一定請你食!
妳好勁呀！
回覆刪除[版主回覆10/12/2008 08:35:00]唔好咁講!我學緊咋!
不能自拔<---哈哈哈~! 你形容到好似吸毒咁~! 哈哈哈~!
回覆刪除不過又係既~~做包過程真係好過癮~!好好玩~^^
比你引到我好想整包包添~! 我都整定個麵糰扔入雪櫃先~!
[版主回覆10/12/2008 08:34:00]真係上癮架，一放假又想整包架啦!
好叻呀 做到個包100分 等緊睇妳做包既其他方法
回覆刪除[版主回覆10/12/2008 08:13:00]邊有100分啫?50分啦! 其他方法...........有架，整咗同大家分享!
好一个不能自拔。。。哈哈，我就是不敢啊！肥屎我哪！
回覆刪除[版主回覆10/12/2008 09:32:00]所以我咪咁肥囉!
哈哈...我諗到辦法喇~
回覆刪除[版主回覆10/12/2008 15:14:00]你諗啲乜呀?
如月呀!
回覆刪除請問蒜蓉開邊蒸蝦,點整呀?D蒜蓉要點整呀?
我買咗蝦但系唔識整呀!!!!!!
[版主回覆10/12/2008 16:10:00]好彩我未出門口啫!我要走啦! 你用刀切開啲蝦(挑腸呀)，鋪好係個碟上。 挅好蒜茸，灑係蝦上，用大火蒸5分鐘，取出，若太多水可倒出少少，留番一點蝦汁係個碟中，倒入少許蒸魚豉油(唔好倒係蝦面呀)。 起鑊燒熱油倒入蝦面即成。
thanks a lot!!!!!
回覆刪除[版主回覆10/12/2008 16:12:00](Empty)
芝士呀... 好味呀﹗
回覆刪除[版主回覆10/12/2008 21:15:00]係呀，呢啲係烘焙店買架，一粒粒架!
自已整真係開心又好玩呀!!!
回覆刪除[版主回覆10/12/2008 21:15:00]真係好好玩架!
諗到辦法post相呀...
回覆刪除[版主回覆10/13/2008 09:31:00]我睇你個blog，知你用乜嘢方法，但係我都係唔明點解你可以load啲相入個相薄但post唔到上blog咋?????????
係lu攪到我都走火入魔,一得閒就做麵包.妳都整得好密喎
回覆刪除[版主回覆10/13/2008 22:19:00]我都係星期六日先有時間咋!