~工作狂~

我可能傻傻地架!無人好似我咁，越忙越精神，

而家我完全無事，仲好有幹勁添!

呢兩個星期拍擋放咗假

要做埋佢個份，又咁啱呢排好多嘢做

日日做到無停手!

仲有兩日，就可以放假啦!

噚日整嗰啲餸唔係好啱兩隻馬騮食，

整番啲佢地嘅餸!

亞妹仲offer咗粟米湯，我仲整咗蒜茸豆豉蒸排骨。

~咖喱薯仔炆雞翼~

[楊協成咖喱醬一罐，雞翼十隻，薯仔2個，甘筍1個，洋蔥(小)1個]

1. 雞翼解凍，瀝水，用雞粉，燒油，薑汁，生油，糖醃半小時。

2. 薯仔、甘筍、洋蔥切大件，備用。

3. 用蒜茸起油鑊，先落雞翼爆一爆先。

4. 跟住落埋薯仔等材料，爆至薯仔表面有少許燶，落咖喱汁，再加水，蓋過所有材料為準，炆至汁收至剩少許，上碟。

~帶子炒大芥蘭~

[大芥蘭2棵，急凍帶子10粒，罐頭磨菇片]

**其實我唔係知呢隻菜個名，不過就好好食，好甜好脆囉**

1. 帶子解凍，瀝水，用少許胡椒粉略醃。

2. 大芥蘭刨皮，切片，燒熱水灼一灼，撈起。

3. 用蒜片起油鑊，落帶子爆香加少許燒酒，鹽，爆至熟。

4. 將灼好之芥蘭片、磨菇片同帶子一起爆熟，上碟。

而家天氣熱，食完飯好鍾意飲番半罐汽水!

實肥死啦!