星期日又落好大雨呀
飲完茶又係行商場，街度濕漉漉
因為下星期想整個有汁醬蘸嘅菜式
所以行吓十蚊店睇吓有乜新發現
真係俾我搵到啱用嘅，仲俾我發現咗啲嘢
以下全部以孖寶兄弟姿態出現
右手邊係我用開嘅蒜鹽，而左手邊係我新發現嘅
因為唔識日文，我估計左手邊應該係黑椒，
因為有個"黑"字喎
唔好以為佢同我地係吉之島超巿買嘅一樣
原來佢地係mini size架，好Q!
呢兩就係我買嚟裝"汁醬"嘅，點解買兩個?
因為我唔知買黑定買白，亞囡話咁你咪買兩囉，
係喎!兩個都買囉!
另外，仲發現以下呢個工具，有兩種功能咪可以刨皮同刨絲囉
以便我大展拳腳!
吉之島$10店,我差唔多日日都去行,好無聊,不過好多嘢睇,好多時我都等2号,20号先買嘢,有95折!你行開邊間睇下遇唔遇到你
回覆刪除[版主回覆06/30/2008 07:57:00]你真係好無聊喎，日日都有咁多時間行街，我都係星期日或者有需要先去逛吓!我平時就行樂富，星期日就行九龍城廣場嗰間，你好似行新界喎?有機會你去到十蚊店見一個超級肥婆就係我啦!
十蚊店有時都有幾野架。係 sogo 同 吉g島都有。但價錢就差成倍架
回覆刪除[版主回覆06/30/2008 07:53:00]係呀，最好去啲大嘅十蚊店，咁就多嘅款式。
兩者格調同貨品都好唔同，前者高檔好多!
我無做嘢嘛!咁日日都經過咪入去睇下囉,no la,我唔係新界人,我係將軍澳架!
回覆刪除[版主回覆06/30/2008 21:19:00]我應該攪錯另一個blog友，我記得你住將軍澳，我個前任同現任拍擋都係住將軍澳喎!我淨係同個女搵中學個時先踏足將軍澳咋!
原來香港的十蚊店有咁多寶貝賣，無聊時去尋O下寶都唔錯喎！
回覆刪除[版主回覆07/01/2008 17:10:00]係呀，如果店鋪越大會越多款式，不過現在已經唔係全部都係十蚊啦，上面的刨已要$15。
不過都好好行，成日都有新貨品，因為係日本貨，所以都好吸引。每個星期日飲完茶，我都會入去行吓!
講個秘密比你知, 中間的花花是用來磨薑茸及蘿蔔茸的 !
回覆刪除還有, 刨皮那邊外側的圈圈是用來挑走薯仔的幼芽的 !
回覆刪除請問黑、白兩個碗在哪兒買?
回覆刪除[版主回覆02/18/2010 00:01:00]吉之島十蚊店
在哪一間$10店? 哪一區呀?
回覆刪除[版主回覆02/19/2010 07:39:00]係好耐之前買架，而家都唔知有冇!