噚日我又好忟la。
噚晚大老爺話要去荷里活咪去囉，去到為咗慳時間，我同亞仔去睇褲，大老爺去睇傢私，話電聯!點知我地睇完褲，想call佢嘅時候，佢一如以往聽唔到電話響，我足足call咗半小時20個call佢先聽到，仲係倒轉頭話等我半小時，我EQ又唔好梗係忟啦!入到去食pizza，由開始佢已經話無嘢食，既然你決定陪啲仔女食，就唔好介意食乜啦，到食完又話唔抵，食唔飽又貴!唉，這已是第二次啦，我發誓以後唔會再同佢一齊去食pizza，食之前你都知食乜啦，咁又同我地去食?數年前個次，我係一路食一路眼濕濕㗎，都唔知佢點解同我食小小嘢都咁!今次我無咁不過好慨嘆囉，佢越老越奄尖，所以每次佢問我食乜我都唔會提議，因為怕咗佢去到又話無嘢食又話難食，但佢又知唔知人地咁就佢呢?
我唔知我咁怪佢啱唔啱?但食嘢唔係淨係食啲食物，係陪人食，盡量係嗰度搵啲啱自己食嘅嘢囉，好食又一餐唔好食又一餐，出去食就貴過自己煮，唔同地方梗係唔同價錢，西餐同中餐都唔同，無得比較㗎!都唔使成餐係度講呢樣唔好食個樣唔好食!有無諗過同你同枱啲人嘅感受㗎?
我又係好憎我老公call親佢,都係話唔知電話震, 激死人!有事等佢help你死得
回覆刪除[版主回覆06/04/2008 10:13:00]好多謝你嘅來臨!歡迎參觀!
男人係咪個個都係咁㗎，我見有啲好有交帶喎!佢地明知你會搵佢都唔留意個電話，激死人!
我係一個新丁，以前啲細路細個嗰時又唔識又無時間，現在見你地可以將啲細路嘅嘢擺上個blog幾好呀!我好鍾意睇blog攞靈感，睇吓煮乜嘢!
多啲嚟參觀呀!
美女,
回覆刪除我通常都會在晚上或星期, 日才會睇日誌的.你會寫很多字而我就會很少.你個大 爺會看你的日誌嗎?
可能個個大 爺都係這樣的,這可能是你哋的情趣.你有冇同佢講你的感受?
[版主回覆06/04/2008 10:06:00]我係美人唔係美女呀!唔好攪錯!呢個名係以前啲同事同我改，可能我貪靚啦!
我開個blog有邀請佢㗎，不過唔知佢識唔識search又或者佢無興趣呢!我成日都同佢講㗎啦，不過佢係一個無情趣嘅人，一啲都唔浪漫!