17~Jan~2010(日)
天氣晴朗
仲有16度好暖
終於都完..............OT啦
前前後後開咗十二日OT
成個人散晒
日日返工放工
無晒自己時間
而家終於可以鬆一口氣!
噚日仲要做到7點先走(本來係7點半架)
因為約咗奶奶食飯
所以要早啲走人
係香港搭巴士入觀塘(都成個鐘)
點知去到酒樓
啲人一個都未到(都預咗啦)
咪攞位先啦!(以為得我地同奶奶咋)
點知call大老爺
佢居然仲係屋企未出門口(嗰時已經8點10分啦)
又話約咗8點嘅(玩我咩)
又話呢個又嚟嗰個又到
(除咗叔仔老婆，成日都話唔得閒架)
成十個人!
有時真係好嬲
明知我開完OT都攰架
使唔使咁玩我呀
你(大老爺)唔鍾意等人
咁我又鍾意咩
老奉架????
次次都係咁
你又遲佢又遲
咪得個等字囉
個個都唔守時
連奶奶都要坐咗成個鐘
都唔知有冇攪錯嘅
乜佢啲仔個個都係咁架咩?
終於等咗個幾鐘(9點10分)先齊人
食完飯都11點啦!
早前買咗本教整cup cake嘅書
試咗呢個
不過做得唔係咁好啫
而且個topping好鬼甜架
真係開party整嚟玩下
【朱古力cup cake】~(食譜按此)
D男人有時真係激死人,咁漏氣!
回覆刪除加完班你唔使休息吓,重猛啦整餅,真好精力 ,佩服!
[版主回覆01/17/2010 21:52:00]
咪係，唔祇我要等，佢媽媽都要等嘛，又唔係返工，祇係係屋企，明知約人8點，點解要8點幾仲係屋企吖? 放心，呢啲食譜我儲埋架，有需要就post出嚟!
其實我個人比較準時, 所以我唔係好鍾意人地遲到... 仲遲咁多...
回覆刪除咁... 我下次會約早佢地一個鐘囉....
[版主回覆01/17/2010 21:54:00]我個人仲衰，明知呢條友一定遲，都係慣咗早到(我約人通常都會早到架)，我真係做唔出遲到架! 無用架，你約早佢，佢去到唔見你又走咗去架
真係好怕左等右等 仲要老人家等咁耐 唉 妳有時間就多D抖吓啦
回覆刪除[版主回覆01/17/2010 22:09:00]呢方面佢真係乞人憎呢! 放心啦，呢個係聖誕party整咗未出嘅譜呀!
333我都好憎等的~
回覆刪除[版主回覆01/17/2010 22:09:00]呢方面佢真係乞人憎呢!嬲極都係咁，call佢仲話嚟緊，係我聽到咁靜佢先認係屋企咋!
4才對
回覆刪除[版主回覆01/17/2010 22:09:00](Empty)
6 。。。等一粒多鈡真是过份點！
回覆刪除[版主回覆01/18/2010 06:27:00]佢成日都係咁架!
遲少少就唔過份, 不過, 遲成個鍾就有d誇, 真係連奶奶都要等就仲離譜.
回覆刪除Cup cake幾靚仔喎, 我哋幾時會開party呀?
[版主回覆01/18/2010 06:27:00]佢就係咁啦，因為佢知道佢細佬會遲嘛! 幾時開party....真係有排等啦! 係呀，我想call你呢!
我個 "zero" 都係咁架 , 次次我哋約咗人佢都係慢吞吞至出門口 , 冇一次會準時唔遲到嘅 , 搞到唔鐘意遲到嘅我都要部佢一齊遲到
回覆刪除[版主回覆01/18/2010 06:25:00]我好怕同佢出門口架，一出門口佢先攞個掃把出嚟掃呀掃，又執呢樣又執嗰樣，我唔開住度門出咗去佢都唔捨得出嚟! 若果佢自己出門口，一定預半個鐘咋，去邊都係早半個鐘出門口，話之你係去香港九龍新界呢!
等人同等位都係一件苦事.
回覆刪除[版主回覆01/18/2010 06:22:00]真係無佢辦法呢!
早晨早晨! 真係好怕左等右等 仲要老人家等咁耐,真係過份呀!我都好憎等人等咁耐架.
回覆刪除[版主回覆01/18/2010 06:22:00]我都最憎等人，可惜遇個咁鍾意遲到嘅老公!
call佢仲話嚟緊，係我聽到咁靜佢先認係屋企咋!------->>> 咁都得,如果是我家老爺,我一定會叫佢,您唔駛出來了,便掛佢線,叫佢食自己~
回覆刪除如果要開工或突然要加班,我都仲可以體諒,不過,閒在家,
遲出門,而要我餓住個肚等成粒鐘,真係老公都冇情講~
[版主回覆01/18/2010 06:41:00]佢呢世人都係咁噃，想做就去做，6點幾出去跑步，擺明會遲到啦，跑到7點幾返去沖涼加埋呢樣嗰樣咪8點幾仲未出門口囉! 如果得我一個梗係會咁啦，我自己唔識食嘢咩? 祇係奶奶都一齊係度嘛! 我都係咁話開工乜都無所謂，好似佢咁自己唔鍾意等人就遲啲到要其他等就唔啱!
月姐,
回覆刪除嘩!我一回來就碰上妳唔開心....
算吧!!!展笑臉步出新一天!!!!
[版主回覆01/18/2010 07:52:00]你返咗去安頓好啦，真係好可惜，當日未能見你一面，聽講....你好靚女喎! 我無唔開心，呢啲情況一年都會發生好多好多次，邊嬲得咁多啫，講下出嚟發洩下啫!
我屋企都有個咁嘅人,去親边到系例牌遲到半粒鐘,咁我地去親边就同佢約早半小時,例如１２点就話１１﹕３０,咁到佢真系黎到就時間啱啱好啦了
回覆刪除[版主回覆01/18/2010 07:54:00]唔知係咪家旅遺傳架，我家由爸爸至我細妹，約親人都一定早到，好少好少遲到! 而夫家個個都係咁架(除咗其中一個姑仔)，次次都遲架呢! 我又做唔出架，約早半小時，心又諗佢今次早咗咪我遲大到，真係做唔出呢，最多最多遲10分鐘先到囉!
早晨~開完OT 囡囡一定好開心 !!!
回覆刪除大老爺真攪鬼 ,六點幾仲去跑步
[版主回覆01/18/2010 22:06:00]係呀，囡囡好想我整千層肉醬意粉俾佢食呀! 大老爺係咁架，唔會理乜嘢時候，想做就做，唔理夠唔夠時間!
早晨
回覆刪除[版主回覆01/18/2010 22:04:00]
晚安啦!
我諗...您要開始調節一下自己的好習慣來遷就他了~
回覆刪除下次再有夫家的家庭聚會時,不妨叫奶奶遲半粒鐘才出門口,
或者,您同奶奶去逛一陣商場,把原定約好的時間,
再推遲半粒鐘才去食肆吧,這是...佢唔改,您又唔駛嬲到發火的
最佳辦法,假設他們好彩的準時到達,您便像他們一樣
若無其事的,以其人之道還以其人之身~
不過,平日的您約了我都一定早到的,而我都係,
所以,您不要用此方式約我噃~
[版主回覆01/18/2010 21:59:00]我已習慣咗廿年啦，大老爺除咗初初拍拖時，同我打賭十次唔遲到之後，就好少會準時(十次八次都會有一次嘅)! 試過陀住八個月個肚都要係街等佢呀，佢最習慣遲到十分鐘至半個鐘架! 嬲都唔嬲得咁多，不過呢次好離譜啫! 哈哈...你唔了解大老爺啦，若果佢去到唔見人，佢又會行咗去，等你地搵咗位先會嚟架，佢一定唔會等人架!
我現時的工作時間較特殊 , 所以近三年都少參加夫家的家庭飯局, 好多次佢哋約嘅時間都係我未放工, 試過叫我半小時內由筲箕灣去旺角食飯, 嘩 點趕? 況且我要夠鍾打咭後才可換製服離開, 初時如果我不能出席,老公都會帶阿女照樣赴會, 但幾次後佢兩父女覺得不是味兒 ,現在如果時間上就唔到我的話佢兩個索性唔去, 不過我又變咗"磨心"
回覆刪除[版主回覆01/18/2010 21:59:00]咁你老公唔啱啦，你出席唔到，佢自己亞媽做乜要怕啫，咪帶個女去囉，唔知點解啲男人都係咁嘅?
我都最鬼憎等人架.....哂哂 D 時間 明明未到又扮轉個彎到果 D 最鬼衰~
回覆刪除[版主回覆01/18/2010 21:59:00]我都係，偏偏嫁個遲到王，真係無法子!
辛苦你啦﹗
回覆刪除[版主回覆01/18/2010 21:59:00]無法啦!
真係天光等到天黑，肚飽等到肚餓
回覆刪除[版主回覆01/18/2010 21:59:00]講得啱，好離譜!
唔好嬲啦~! 妳整的cupcake好靚呢~!
回覆刪除不過我都怕無時間觀念的人,可能我又係鍾意預早出門的人嚟呢~!
[版主回覆01/18/2010 21:59:00]無嬲，我整得唔靚呀! 我都係架，情願早咗自己周圍行下!
我見cafe d cup cake 五顏六色，又藍又綠，唔多敢擺落口。
回覆刪除[版主回覆01/18/2010 21:50:00]靚就靚啦，原來真係好甜架!
我最唔鐘意等人, 都唔明d人, 明明約咗人都可以遲咁多, 遲少少就算啦, 仲要老人家等. 係我食完就同奶奶走人, 等佢哋自己再攞位啦
回覆刪除[版主回覆01/18/2010 21:50:00]係呀，明明約咗人8點，都可以8點幾仲係屋企架，好離譜，唔係奶奶係度我走咗啦!食乜都補唔番啦!
妳都好好脾氣喎， 俾我就.......
回覆刪除[版主回覆01/18/2010 21:50:00]無法啦，奶奶都係度，若果祇有我實走咗!
您星期六會唔會出席肥blog blog囡囡既生日會呀? 唔去我都可以約您交收吖.
回覆刪除[版主回覆01/18/2010 21:47:00]星期六唔出啦，我約咗人! 你平時幾多點開始唔得閒架?我放工又夜，今個星期六又唔得閒，星期日下午先得閒，你可以嗎?
我真係唔會等囉，我平時六點就食飯架喇，十點去瞓ｌｕ．
回覆刪除[版主回覆01/19/2010 06:21:00]我奶奶都係度喎
乜我原來沉日段留言出唔到!
回覆刪除[版主回覆01/19/2010 18:36:00]咁今日留過囉!