估唔到!!!

20~Jan~2010(三)

估唔到

真的估唔到

.....

近幾天發現

多咗一些陌生的網友問嘢

起初唔為意

點知日日都有人問嘢

仲係問番一啲以前嘅食譜

好奇怪???

今朝

突然想去探究一下發生乜事

點解多咗人瀏覽呢???

去到yahoo精選

無嘢吖.........

我無上精選喎

再去yahoo人氣榜度看一看

點知))))))))))))))

一路睇...無吖無我喎

睇到第十頁

我竟然係其中一份子

我的網誌排第100名(包尾呀)

可能前幾日多人瀏覽

所以剛好入到人氣榜啫

唔知以後仲有冇機會會上到呢度架?

梗係留番為紀念啦!

講真

我真係唔係好叻

祇不過好勤力

講煮餸好多人都煮得好好

講整餅琦橋媽媽好過我好多

講整蛋糕Darling就叻過我喇

仲有好幾位blog友都係我偷師對象

我祇不過係鍾意煮嘢食

每天都想煮啲好嘢俾家人分享!

以前現在將來

儲食譜都係我嘅習慣

睇報紙同雜誌

見到喜歡的食譜我都會剪存

呢個習慣已經有好多年啦

儲埋都十本八本剪貼薄

行過書局

我一定入去睇下書

書............係烹飪書啫!

我有今日嘅成績

唔係不勞而獲的

係我好努力咁

係呢兩年

一個一個blog友咁儲番嚟

佢地個個都好錫我

我好開心係呢個網絡世界

認識到一班志同道合嘅朋友

(聚頭嘅時候就會傾煮嘢心得)

認識到唔同年齡唔同階層嘅朋友

(係我唔開心嘅時候，好多謝呢班朋友嘅關心)

仲係佢地度學到好多嘢

我仲有好大空間去學習!

每日堅持出blog

係我嘅原則

唔想令到睇我個blog嘅朋友

少咗嘢睇

又因為呢班捧場嘅朋友

我時時刻刻都諗住整啲乜嘢好?

令到我生活好充實

雖然會好忙

但忙得我好開心好開心架!

由其是人家欣賞我整嘅食物

就會好有滿足感!

希望你地繼續支持我

我會更努力咁學習

亦都希望

yahoo這個小天地

永遠永遠都會繼續運作落去

令我地有聚頭嘅地方

唔知幾時我會跌出呢個人氣榜

無論點都好

有你地睇就有我係度!