泡影!!!

21~Jan~2010(四)

天陰陰有雨

21C~23C

不過各位小心呀

明天又會轉涼啦!

昨天

大老爺好奇怪咁問

大:"下星期你請唔請得假呀?"

佢好少好少問我請假架喎

如

:"唔得喎，OT完1個月都唔請假喎，問嚟做乜呀?"

大

:"下星期請咗兩日假，想同你去澳門玩下囉"

唔係嘛

，係我唔請得假時咁問，唔好玩啦

如

:"我恨咗咁耐，乜你人家請唔到假你先咁講架"

大

:"鬼知你請唔到假咩"

如

:"咁啦，不如過咗年去啦"

大

:"咪去咗台灣囉....."

如

:"去完台灣可以再去澳門架，我恨咗好耐同你兩個去澳門玩架啦!"

大

:"去完台灣無錢呀，你請囉"

玩咩，又唔係唔知佢老婆(我)

鬼C咁窮，即係唔使去..........

就係咁...........我去澳門嘅美夢又成泡影啦

 

我唔制呀))))))))))))))))

又唔知等到幾時，大老爺先再問口啦!

今日靚湯

【紅菜頭蕃茄豆卜肉碎湯】~(食譜按此)

紅菜頭好有益

近來見街巿有得買

又試下買嚟滾湯

點知囡囡見到碗湯

話"亞媽，乜碗湯咁嘅色咁怪架"

乜嘢怪啫，紅紅地之嘛!