23~Jan~2010(六)
天陰陰
都幾涼得15C
等咗呢日好耐
因為今日有個好重要嘅任務
適逢兩位朋友下星期生日
而我祇得星期六有時間
所以一次過做咗兩個蛋糕
早就早咗啲你地唔介意架!
本來想做兩個唔同味道
不過自己太過大想頭啦.......
根本無時間俾我咁做
放咗工又要煮飯又要整餅
所以唯有係餅面做手腳啦!
都係用咗豆腐芝士蛋糕個譜譜
變化出嚟嘅蛋糕
因為不容我失敗
所以一定要用穩陣啲譜至得
為咗令到唔似同一款蛋糕
所以想出兩種餅面裝飾
仲要一早起身去整餅
(假期都無得瞓晏啲呀)
中午出發
送出第一個餅先
唔好意思呀閒閒
無時間同你食飯......
係巴士站交收咗
就要出發去沙田........
會合朋友就去新城巿的銀座食晏
商場已經為咗農曆新年
做裝飾啦
幾靚!!!
銀座
呢個商場我好少嚟
今次係第二次嚟呢度食飯
同朋友一坐底就係咁傾
好多話題
大家都一路傾一路食
呢度都有好多套餐選擇
食物都唔錯!!!
呢個壽司魚生套餐都幾抵
我地叫多個烏冬一齊食
我地兩個都鍾意飲巨蜂梳打
呢個係我今日嘅任務
今日送出呢兩個餅
祝兩位壽星女開開心心
食完晏行咗一陣就返屋企
仲有個大任務要做呢
不過越係緊張越會出錯!!!!
食譜明日送上.....................
沒有留言:
發佈留言