13~April~2009(一)
天陰有微雨
23C~26C
無無聊聊
咁又放咗成個星期啦
無地方去無節目
放假嘅日子真係過得好快
聽日開始要返工
我個人越來越懶
唔想返工
最好日日都係屋企hea!!!
食完晏，終於有街去啦
先陪仔仔行過去第一日會考嘅中學
認識一下條路線
confirm一下個試場
跟住同大老爺去行下宜家
今次行宜家
感覺上好像無以前咁多嘢買
臨走不忘買番件熱狗啦
咁抵$10一件熱狗包一杯汽水
真係收拾心情返工lu
係呢個假期我都整咗幾樣新產品
噚日又整咗樣新出品
係硬琳度學
呢樣點心朝早係酒樓都叫咗碟
因為仔仔女女都好鍾意食
我會好俾心機整好啲
~芒果布甸卷~(食譜按此)
試食後都幾好味
但我都係覺得個餡甜咗少少
所以係個食譜度減咗甜
要再研究下
希望下次會做得好啲!
1
回覆刪除[版主回覆04/13/2009 21:35:00]今晚你威晒喎!
1
回覆刪除[版主回覆04/13/2009 21:35:00]又係亞二喎!
又阿2,乜酒樓有得食呀??
回覆刪除[版主回覆04/13/2009 21:35:00]有呀，我去開嗰間咪有囉!
哎吔吔.........又中獎喇！ 又双冠軍喇！美加中港澳都係我第一呀！ 哈哈哈！如月呀，我諗我識玩喇！
回覆刪除[版主回覆04/13/2009 21:37:00]係呀，雙冠軍呀，乜今日主席棄權喎!
不如下次簡單啲整榴槤檽米卷算啦! 响發記食過, 超正!
回覆刪除[版主回覆04/13/2009 21:59:00]我手勢仲差少少喎，你唔怕咩?
宜家熱狗餐終於加左1蚊價啦...?!
回覆刪除我次次去都會食架...喪落醬...
[版主回覆04/13/2009 21:58:00]加1蚊都係抵呀!你呀，唔食走宝，都唔明啲人，唧完醬就行開啦，企晒係度食，咁其他人點行埋去唧醬呀!
個仔考會考嗱？呢個時候做阿媽嘅一定係緊張過個仔...
回覆刪除[版主回覆04/13/2009 21:58:00]唉，佢咁讀書法，攞到分至奇，而家又去咗打波!
芒果布甸卷 好靚呀
回覆刪除妳今日買咗d咩呀
[版主回覆04/14/2009 06:17:00]我都買咗個手袋百幾蚊! 仲有係超巿買咗好多麻油呀奶茶等等............
我成日都想學整呢個餡，你真似好喇！
回覆刪除[版主回覆04/14/2009 06:17:00]都係多得硬琳教啫!
記住日日鼓励囝囝啊！
回覆刪除[版主回覆04/14/2009 06:18:00]但係佢今晚去咗打波呀!
同意露比嘅講法------快Ｄ整榴槤卷嚟睇吓啦!!!!!!!!!
回覆刪除[版主回覆04/14/2009 06:18:00]我就係想試整榴槤卷呀!
個 芒果布丁卷 好正啊
回覆刪除其實 整成糯米糍都得嘎 系未啊?
你話D人唧完醬唔走 我諗佢哋系驚住食食下發覺唔多夠醬 方便即刻加唧呱
[版主回覆04/14/2009 06:20:00]糯米糍唔係咁整喎，唔係蒸成一片架! 梗係唔係啦，佢自私啫!
芒果布甸好好味喎, 宜家的熱狗真是好 扺食...
回覆刪除[版主回覆04/14/2009 06:21:00]好抵就真，而且味道唔錯!
我唔怕甜架
回覆刪除[版主回覆04/14/2009 06:21:00]咁過嚟請你食一打，夠未?
早晨早晨! 芒果布甸整得好靚喎!
回覆刪除放咗咁耐假真係唔想返工,好似你話齋日日響屋企hea
[版主回覆04/14/2009 06:23:00]多謝! 有一日聽歌有一日唱k咋!
好似聞到芒果香
回覆刪除[版主回覆04/14/2009 08:28:00]早晨呀!囡囡話要有多啲芒果肉，下次仲要整好啲先!
你d手勢仲話差少少呀? 我覺得好得喎!
回覆刪除[版主回覆04/14/2009 11:20:00]我都係學緊咋，唔係整得好好!
打波 to destress is ok. Anyway, we just do our motherly job of encouraging them lor!!!!
回覆刪除[版主回覆04/14/2009 11:21:00]佢都完全無壓力，係我有就真! 我會煮啲健康嘅食物俾佢..........補身啦!
no worry la,yr son will try his best in the exam and sure he wants to have good results ma
回覆刪除[版主回覆04/14/2009 14:38:00]你唔明白，有啲小朋友仲未知驚架!覺得呢個世界好易搵錢!
唔駛講咁多...佢日日出門口 咁樣就得喇...
回覆刪除[版主回覆04/14/2009 15:36:00]食晏食晚餐梗係要出門口架!
嘩!整得好靚,想整好耐,有你食譜,等我下次試整先,thank you
回覆刪除[版主回覆04/14/2009 19:18:00]咁你整完記得多謝硬琳呀!
....hello...
回覆刪除[版主回覆04/14/2009 20:07:00](Empty)
你整左啦, 我最近好懶呀 放假仲忙過平日......我每次去宜家一定食熱狗 + 汽水家, 真係好抵 .
回覆刪除[版主回覆04/15/2009 06:14:00]哈哈..........我都係整咗一日嘢咋，其他幾日都好懶! 係呀超抵!
話咁快又到會考季節,整多些好野食,等佢有心機讀書呀!
回覆刪除[版主回覆04/15/2009 06:15:00]係有好嘢食，囝囝都係.............咁.........冇心機讀書架啦!
下星期到我放假喇~~~
回覆刪除[版主回覆04/15/2009 21:16:00]去旅行呀?
放假真係忙過返工, 特別係有小朋友或者連小朋友都一齊放假呀 ....
回覆刪除[版主回覆04/16/2009 11:48:00]我嘅問題無咁大，因為啲小朋友已經變咗大朋友!
賣相好得好靚
回覆刪除[版主回覆04/16/2009 11:49:00]多謝呀!