著數著數!!!

1~April~2009(三)

天晴

19C~22C

今日天氣真係好好

有陽光又涼涼地，好正!

 

 

成日搭地鐵

都無乜著數

入咗呢個會都無留意佢嘅優惠

之前係相熟嘅shop

個sales俾咗啲咭仔我

原來好著數架

 

 

想攞著數可以click入呢度

https://www.mtr.com.hk/mtrclub/index.php

每張咭登記咗之後可以換積分

再去換現金卷

睇下我換咗幾多

今次可以慢慢使啦

雖然祇可以係地鐵站shop度買嘢

但係都好多選擇呀

好似我日日都要買報紙

而家每日咪慳番$6囉

 

 

噚日俾大老爺激到C下C下

話說起因係一個真空煲

呢個真空煲我個個禮拜都要用嚟煲湯

"佢"有間屋企架

就係7尺高嘅廚櫃內

因為唔想次次

都擒上擒落攞落嚟

(好鬼重架，裏面仲有個內胆)

同大老爺講過

我要長期放係飯枱上

唔好將佢擺番上去呀!

(因為屋企細無其他地方可以安置佢)

點知大老爺一次又一次

好好手尾咁，將個煲放番入廚櫃

噚晚我見個煲

又唔係張枱度

真係好嬲

點解咁少嘅事我都無辦法話事

係咪呢間屋祇係佢話得事?

佢有冇理過我攞落有幾危險呀?

而且我都係為屋企煲啖靚湯啫?

係咪咁少嘅都唔可以遷就我呢?

上一次我盡量令自己放鬆

問佢究竟係唔記得(我可以原諒)

定係玩嘢啫

?

點知佢嘅反應一如以往一様

係無反應...........

唔答我又唔理我!

咁叫我點同佢溝通呀?

今次佢返嚟我無出聲

我會見佢收一次

我就攞番一次落嚟

一定要攞到佢唔收埋佢為止!