香水菠蘿
點解咁叫?我都唔知喎!係街巿見到好新鮮又平($6個)咪買嚟食囉!
今期係想介紹點樣切菠蘿!記得細個的時候，睇到老豆切就自己記住，大個做咗人媽咪我都時時切，唔難架!點樣切睇住啦!
Step 1：先切咗頭同尾。
Step 2：切咗表面的皮，再斜斜地沿住的釘，兩粒兩粒咁切。
Step 3：切晒之後咪咁樣囉，唔使好耐咋!再將佢切片，最好將個心切掉，咁會好食啲，因為個心比較硬!
Step 4：加少許鹽同食水浸住，放入雪櫃。凍啲好食啲。
其實我買菠蘿係想做菠蘿炒飯!
我加咗菜脯、粟米粒、蟹柳、菠蘿、青豆做咗個炒飯!
我個菠蘿炒飯飯盒!
我一家都愛吃菠蘿，依到菠蘿要$3.99一個，重係青bb添！我哋番厘食多d先！
回覆刪除[版主回覆06/13/2008 08:05:00]好貴呀!咪成$36蚊!係日本超巿都係$13咋!食嘢都係香港平!我買個啲係國產所以咁平，但好甜呀!又無渣㗎!好食!
有 d 超市買 $8.9。我朋友早幾日先買左個。後來係街市見 $6 咋。不過我懶切冇買囉。遲 d 都要買返個先得。
回覆刪除[版主回覆06/14/2008 11:49:00]超巿係乜都貴，我而家都去普通藥房買嘢!平好多架!
可以的話我都鍾意去街巿買，不過好多時放咗工，街巿都無乜嘢好買!迫住去超巿!
好甜架!好食過超巿嗰啲!
起釘都識,厲害,厲害!
回覆刪除[版主回覆06/14/2008 22:47:00]都幾架!
我仲識批蘋果皮唔斷!
講真真係唔係好難，你可跟住我啲步驟就得，如果成功話我知呀!