洋蔥牛仔骨~鮮蝦合掌瓜~西蘭花帶子~東瓜粒草菇瘦肉湯

中午整咗雞扒俾囝囝囡囡食，靚唔靚呀?

我自己就食ikea嘅肉丸(係blog友介紹咪試吓囉)，我仲加咗啲我最鍾意嘅泡菜!

今晚又滾咗冬瓜湯[材料：冬瓜2斤、草菇4兩、瘦肉$10、瑤柱粒數粒]

加啲草菇好味好多，夏天每餐都想飲湯，東瓜最消暑。

洋蔥牛仔骨：可以在吉x島買美國無骨牛仔骨$59.9一磅，可以分兩次用，亦可以買冰鮮個種(我覺得冰鮮個種好味啲，厚身啲，但貴好多，一pack要成$45左右用一次)。

牛仔骨用胡椒粉、雞粉、糖醃半小時。

煎嘅時候記得煎好一面先好反另一面，用我介紹過個種蒜鹽灑上面。

鮮蝦合掌瓜 [合掌瓜2個、鮮蝦半斤、薑數片]

合掌瓜配鮮蝦最夾，好鮮甜!

西蘭花帶子：

帶子解凍之後，煎嘅時候又係用"蒜鹽"(哈哈我真係好鍾意用架)

明日要返工啦!真係好鍾意放假呀!