又有筍嘢喇喂!

27~April~2010(二)

無品

雀仔係咁人又係咁

住近大自然都有唔好處

晨咁早

應該話係半夜3點幾

房間對下有棵大樹

有隻唔熟性嘅雀仔

都唔知佢為乜咁好唱口

仲要唱得鬼C咁大聲

係咁唱係咁唱

唉.....有機關槍真係想掃落去

俾雀仔嘈完瞓番

今朝晨咁早五點

又被幾個八婆嘈醒

晨咁早就唔好講嘢咁大聲啦

明唔明好多人仲睡夢中架

講呀講

嘈到我起身又唔講啦喎

真係俾呢啲人激死!

又有筍嘢喇喂

上星期又去咗二記入貨

俾我見到佢地有新嘢買

好鬼抵架

未睇真以為$49.9一支

原來係孖裝嚟架

係$49.9有兩支架呢

無縫嘅矽膠刮刀

無縫有乜好?

咪係唔會藏啲汚漕嘢囉

大家千祈唔好錯過呀

姐姐話佢係試買咋

唔知遲啲會唔會加價呢?

不過顏色就無得揀架啦!