Merry X'mas

祝大家都聖誕快樂!!!!

雖然我無宗教信仰，

但呢個係普天同慶嘅日子，

大家一定要玩得開心啲啊!!!!

呢個節日，俾到好開心嘅氣氛我地，

每個人都能盡興，小朋友都收到禮物!!!

記得小時候的我，

真係相信世界上有聖誕老人，

因為當時家貧，

無試過收禮物，好渴望有禮物收!

曾經試過掛隻襪係床尾(係咪好傻呀?)，

等聖誕老人嘅禮物，

結果

當然無禮物啦!

其實

世界上嘅聖誕老人咪就係自己嘅父母囉!

我有個習慣，

每年都會係平安夜整大餐，

仲會預備聖誕禮物俾小朋友，

以前姑奶啲細路細個的時候，

我每年都會預備埋佢地四個啲禮物︳

好鍾意見到小朋友收到禮物時的喜悅!

我啲仔女梗都係有啦，

多數都唔祇一份添，

仲會收藏起來，等佢地食完大餐，

自己去搵去嚟!好開心架!

但隨着兒女的長大，佢地有佢地嘅節目，

已經唔會像以前一樣呢!

同佢地仲要約時間食大餐架!