得啦得啦!!!

 

嘩嘩嘩，

得啦得咗啦，

可以上網啦!

今晚約咗師傅上嚟維修，好驚佢話今次整唔到呢，

好彩唔使十分鐘就整好啦!

其實我都唔知係邊度出事，

又好似唔關個modem事喎，

見佢落咗樓下整兩整，就OK啦，可能係機樓有事!

 

 

之前兩日，無得上網，

好慘呀!

好彩公司可以上網，咁先有啲安慰!

無得上網，好似無咗好多樂趣咁，

個世界好似細咗好多，

無朋友，煮完飯都唔知做乜好!

 

 

 

 

榮華做特價，梗係買番啲存貨，

之前九龍減價錯過咗，

今次托同事幫我買，個同事好好，

佢都要排咗半個鐘先買到!

主席，我買潤腸唔使等呀!哈哈哈..............

我好鍾意食臘鴨脾，今次買咗三件，

啲臘鴨脾好瘦好好味，

所以今次介紹呢味餸!

~芋頭臘味煲~(詳細食譜)

講番之前煮過啲餸先!

~洋葱豬扒~

好味呀，係百佳買啲柳梅豬扒，正!

~豉油雞~

第一次整，唔多夠時間，斬得好肉酸!

但係$26.9一隻芝麻雞!

~娃娃菜大什會~

呢個係打完邊爐所產生出嚟嘅餸!

~蒜茸豆豉蒸排骨~

簡簡單單，早一日醃定啲排骨，

放工煮呢味餸，快捷方便。