22-Dec-2008(一)
卓高的聖誕禮物，
好多謝Frances做咗人肉速遞!!!
失敗之作!
都唔明，次次我想整啲嘢返寫字樓，
都會有意外的!
今日唔知係咪因為天氣太凍嘅關係!
做曲奇啲牛油打極都唔溶，
已經放咗出嚟成個幾鐘，都係硬的的咁!
打完第一次又等佢耐啲再打，
都係一舊舊咁，勉強咁加啲粉入去，
又搓唔到粉糰，好散!
自作聰明咁加金罐牛油落去，
點知三個粉糰都有唔同反應喎，
原味就變得太黏，咖啡味勉強OK，
朱古力味就唔掂咁啦，好乾，
求其咁夾埋三個粉糰，個朱古力都係散的，
所以個曲奇好明顯咁朱古力個啲就會裂!
有啲位置又因為個粉糰太黏，搓多咗幾下，
就變成黑漆漆(搓得太均勻，個雲石效果唔明顯)!
因為啲unsalt牛油無晒，自己又懶去買過，
用咗普通牛油，所以啲曲奇有啲咸，怪怪的!
又咸又怪又黑嘅曲奇都唔知攞唔攞返去寫字樓添????
一早同大老爺食完早餐，
又再落一次去接Frances啲速遞禮物，
跟住又要趕下一場!
另一個blog聚!
我同Jasmine呀!
本來仲有小丸子架，佢今日唔得閑!
好匆忙咁改咗食晏!
都嚟唔切做伴手禮，本來有大把時間整架，
改咗晏晝，唯有攞咗啲存貨(原來留俾同事食的)充數!
主席帶我地去九龍城熟食中心~泰苑小食~(詳細資料)
正喎，主席無介紹錯，
可以話快靚正!
好多樣都好好食!
睇下我地三個食幾多嘢，食到我都頂唔順，好飽!
大家都傾得好開心!
仲收主席嘅玻璃曲奇，
主席，個玻璃曲奇好味又新奇呀!
Jasmine，你好nice呀，好似有少少怕羞咁喎!
係咪我嚇親你呀!
走之前，我梗係買番杯我期待咗好耐想試嘅紅豆奶茶，
又真係幾正喎!
食完又要買餸返屋企囉!
我地分咗手，我就買齊料今晚打邊爐，
天氣咁凍，
唔打邊爐，啲餸煮完凍晒大老爺都未返呀!
呢隻係定番嚟嘅蟹棒!
11111111
回覆刪除[版主回覆12/22/2008 21:08:00]好嘢!
哈哈~啱啱有人上咗黎搵我,所以攞唔到第一呀
回覆刪除乜妳出得咁快, 新奇好味 係咪真架,我仲以為妳講出奇蛋呀
[版主回覆12/22/2008 21:16:00]係喎，你呢排都差少少，唔好賴人啦! 係呀，個曲奇又唔會太甜喎! 但個綠茶曲奇就硬咗少少!
哈哈~仲有妳頭頂果兩個心心同我個玻璃曲奇一樣呀 個旋風曲奇切得厚咗呀,我當咗佢係蛋卷呀 如果我切得薄d個味都o.k.嗎?我會再做架,我整嘢係唔會整一次咁少架
回覆刪除[版主回覆12/22/2008 21:25:00]我整嘢唔係整一次，祇係有好多好多好多嘢都想整!
我無得去呀!!!!!!!!!!!!!!!!!!!!!!!!!!!!!!
回覆刪除快D安排吓,下次聚會時間呀!!!!!!!!(PLS)我要去,我要去,我要去......................
我要食THAI菜,韓菜,越菜,X菜,A菜,B菜,C菜.......................
[版主回覆12/23/2008 06:20:00]無法啦........009緊要啲! 安排......下個月夜晚就得，你度下先啦!泰菜好辣喎!
呢個尖尖系咩,咁似個BRA (SORRY,SORRY)
回覆刪除[版主回覆12/23/2008 06:18:00]bra.........咁尖會"吉"人架!
嘩，好多o野食啫... 搞到我都想整曲奇呀﹗
回覆刪除[版主回覆12/23/2008 06:17:00]你遲啲先啦，揍BB都唔得閑啦!
呢個應該好好味啦!朱古力
回覆刪除[版主回覆12/23/2008 06:17:00]未得閑食未知!但個買相就好得!
我呢度仲凍,而家得15F (-9C)咋
回覆刪除主席整D曲奇簡直靚到DUM一聲啦!
[版主回覆12/23/2008 06:16:00]咁你地室內有暖氣ma! 係呀，佢好叻架!
好開心的网聚，主席好面“鲜”，好象我一个舊同事！
回覆刪除[版主回覆12/23/2008 06:15:00]嗰個唔係主席呀，主席唔出鏡架，要收錢架! 係Jasmine嚟架!
如月 妳呢排好忙好充實喎 日日都咁HAPPY
回覆刪除[版主回覆12/23/2008 06:14:00]早晨Tim sir!呢排真係忙!
真係好開心......我又要食~~~
回覆刪除[版主回覆12/23/2008 08:33:00]早晨呀!咁你返嚟先得架!
如月 ~ 好耐無黎喇 ! 你係咪剪左頭髮呀 ~ 我有冇記錯呢
回覆刪除[版主回覆12/23/2008 08:32:00]早晨呀!係呀，我都好忙! 因為做負離子衰咗，把心一橫咪剪短佢囉，夏天一定要紮起佢架!
果日我同個女搓曲奇時,都等了好耐,都好散的,
回覆刪除最後,我都加多了少少牛油,叮溶佢,攤一陣,
再撈埋落個粉團度搓,便沒事了~
九龍城街市上面的泰苑,我都食過~D嘢幾好食的呢~
主席整的兩個美點,同我本"開心入廚-旦糕曲奇"的一樣,
不過~我仲未有膽量試整了~
[版主回覆12/23/2008 08:31:00]早晨呀!天氣凍做餅同麵包都好麻煩! 主席應該係跟呢本書架!
我仲以為Jamine就係主席添！Jamine好斯文靚女呀！主席D 曲奇好正、好靚!主席有冇食譜呢？
回覆刪除[版主回覆12/23/2008 09:05:00]都係我無講清楚啫! 有架，佢唔得閑，遲啲等我打出嚟啦!
(Empty)
回覆刪除[版主回覆12/23/2008 16:00:00](Empty)
原來我整曲奇時嘅情況, 同妳們都係差不多, 牛油可以打得溶, 但落咗粉就搓唔到, 好散, 搓唔埋, 我落咗4-5茶匙牛奶先至搓到, 一直以為量錯份量, 睇嚟應該係太凍, 所以D粉糰會乾
回覆刪除[版主回覆12/23/2008 16:09:00]咁你可以加多啲牛油都得!
(Empty)
回覆刪除[版主回覆12/23/2008 15:59:00](Empty)
辣! 碎料啦,我食得好辣架.
回覆刪除[版主回覆12/23/2008 16:03:00]我唔得呀!
又有卜聚,你真開心
回覆刪除[版主回覆12/23/2008 18:41:00]食得好開心!
唔怪得主席叫我過黎睇下.......你地食左好多嘢會開心D, 果然食左好多嘢,勁 !!!!!!!!!!!
回覆刪除[版主回覆12/23/2008 18:42:00]係呀，同事都話我地三個食八碟咁多呀!
Wow!隔了6日無看你的blog la,要快啲追番先.我最近忙於baking cookies, shopping and dinning with friends所以無時間看你的blog,今晚一定要看看啦!
回覆刪除[版主回覆12/23/2008 18:41:00]我都好忙，妹妹返咗嚟! 等我都去看看你個blog先!
哈```
回覆刪除失敗之作都唔系太失敗啊~~
我系廣州住左都無半年 皆因我系今年先去廣州讀大學呢~~
所以對廣州仲未太熟悉
等我以後探索好了 再話你知 廣州有乜好去處!!
[版主回覆12/23/2008 21:19:00]咁你以前住邊架?
(Empty)
回覆刪除[版主回覆12/23/2008 21:18:00](Empty)
嘩！ 我既樣勁漲呀！ 出年去威院覆診，要問個醫生，可唔可以停左劑藥，唔好再俾我食啦！ 再咁落去好唔惦呀 ~
回覆刪除見到妳好高興，多謝您既 cookies，我老公都話好好味呀！ 呢餐食得非常之滿足，希望我既食相唔會嚇親妳啦 ~~
[版主回覆12/23/2008 21:49:00]唔係呀，你好上鏡呀! 我都好高興認識到你!啲曲奇無主席啲咁靚喎! 嚇親同事呀，佢話我地三個人食八碟呀! 我都好鍾意食嘢架，最唔鍾意食唔飽架!
三個人食左 8 碟, 真係好利害呀 !
回覆刪除主席 d cookies 好靚呀 !
[版主回覆12/24/2008 11:20:00]哈哈........其實食唔晒架，食得開心就得啦! 主席啲曲奇真係幾好味架!