20~Dec~2008(六)
伴手禮
今日我應該身在祈福!我去玩兩日!
咁就講番噚日先啦!
前一晚己經預備咗呢個雲石曲奇，
噚日一起身就預備呢份伴手禮，
~鳯梨酥~(詳細食譜)
我都好大胆啦，係個鳯梨酥專家面前獻醜!
又係第一次整，之前請教咗個台灣朋友，
俾咗個食譜我，佢整鳯梨酥好叻架!
一早趕住整，因為屋企朝早十點會無水(洗水缸)!
好心急咁，搓完個粉糰唔對路喎，
即刻call救兵，加咗啲牛油，
勉強叫做包得到啦，但又焗得燶得滯，
個面仲好唔靚仔添!
咁又做到晏晝，打埋個blog，交咗功課!
~Blog聚~19-12-2008
6點會合埋Mommy Dearest，
出發去打邊爐!
Rachel一見到就會拖實我唔放，
佢又皮膚敏感啦，睇見佢真係好辛苦，
難得佢無乜扭計!好乖!
呢間嘢我之前都有介紹過!
都幾正架，地方企理，服務就OK啦!
一枱八人，Mommy Dearest & Daddy Dearest, Frances & Rachel, Pal少, Winpoon & 亞智, ME
睇下我地嘅食物先啦!
任食二個半鐘!食到一半已經投降啦!
好開心又識到個新朋友~Winpoon95，
佢剛返港，咁啱Mommy Dearest在港，
所以一齊見下面!
Pal少，請原諒我唔識整個公仔俾你!
Pal少係第二次見啦，pal少~你千祈唔好變咗uncle pal呀，
快啲出呢個blog呀，今次唔使等兩個月呀嗎?
Winpoon95~我都唔係認識好耐，都係呢兩個月嘅事，
佢係一個斯文嘅女仔，佢同佢嘅BF好鬼C襯架!
可能唔係好熟，Winpoon95比較怕羞咁，
攪到我都唔敢咁粗魯，哈哈哈........
我食到好飽，返到屋企都要試下你整個蛋糕!
好好味，好濃嘅朱古力味，又唔係太甜，
如果我識整俾囝囝食就好啦!
Frances，我終於可以試到你嘅椰撻啦!
你唔夠瞓都仲去整嘢俾我地!
多謝你張聖誕咭呀，
本來你嗰張係第一，點知而變咗第二添!
Mommy Dearest & Daddy Dearest
多謝你地嘅手信呀，
希望你唔好介意我嘅伴手禮呀!
呢度係全部嘅伴手禮啦!
今朝一早上車上祈福會合細妹，
又玩兩日啦!各位聽日見!
有嘢就講低啦!
1
回覆刪除[版主回覆12/22/2008 06:36:00]好嘢喎!攞返個第一!
(Empty)
回覆刪除[版主回覆12/22/2008 06:35:00](Empty)
咁快又黎咗香港?
回覆刪除[版主回覆12/22/2008 06:35:00]係呀!
好開心呀!!!!好多伴手禮!!!你哋好似交換聖誕禮物咁!!!
回覆刪除[版主回覆12/22/2008 17:36:00]都唔係，見面俾啲禮物仔人地試下啫(做白老鼠)!
我錯過咗"搭單"嘅好時機呀!!!
回覆刪除睇到d相就知道當日好開心....可以同blog友聚會..仲有咁多伴手禮....
回覆刪除[版主回覆12/22/2008 06:34:00]早晨呀!我啲伴手禮麻麻地咋!
我今日都見左Mommy +Daddy dearest
回覆刪除[版主回覆12/22/2008 06:33:00]早晨呀!Mommy Dearest 一定見你啦，佢咁錫你!!!
多謝晒你呀！D雲石曲奇同雲石曲奇我聽日行山會帶埋去同小玄同肥blog分甘同味！我都唔想變做Uncle Pal，盡力啦！哈哈…至於呢次blog聚，2009年2月19日前一定有！
回覆刪除[版主回覆12/22/2008 06:31:00]早晨呀!噚日好熱喎，你地行得開心嗎? 幾條草行會唔會悶啲呀???? 咁咪要過咗農曆新年??????啲債唔好"責"年喎!
好多日無黎探你啦, 因為呢個星期真係忙到暈, 又無寫 blog, 又無遊 blog.....
回覆刪除好開心既 blog 聚, 你依家真係節目豐富呀 ! mommy dearest 又黎左 hk ?!
[版主回覆12/22/2008 06:29:00]早晨呀!我探你啦，無探你兩日，出咗咁多個blog! 佢20號走咗啦!
Blog友相聚，真係高興。唔知幾時先食到你同 T& P d 好野呢....
回覆刪除[版主回覆12/22/2008 06:28:00]早晨呀!你帶我去澳門食好嘢，咪有曲奇食囉!
好羨慕啊！我這陣忙忙碌碌，天氣又凍，零下14C，只好玩整曲奇囉！
回覆刪除[版主回覆12/22/2008 06:28:00]早晨呀!我地今日都好凍，但有十幾度，零下???????????諗起都凍到震!
妳真係好忙碌喎 D時間唔夠妳用添
回覆刪除[版主回覆12/22/2008 06:27:00]早晨呀!而家真係唔多夠用呢!
您個鳳梨酥味道剛剛好,不會太甜 ~(呢間烘培的鳳梨餡不錯呢~ )
回覆刪除曲奇就超正~我同亞女昨天下午當下午茶食~
卓高想找您,您回來同佢第一時間聯絡吧~
[版主回覆12/22/2008 06:26:00]早晨呀!食得就好啦! 個曲奇我覺得好食啲!
good morning
回覆刪除[版主回覆12/21/2008 22:20:00]good night!
成日都有 blog 聚好開心 ar
回覆刪除好多伴手禮，真係禮到心又到，好 warm ar 你地
[版主回覆12/21/2008 22:20:00]係呀，大家都好關心大家，有時間見下面都幾好架!
回覆刪除[版主回覆12/21/2008 22:19:00]多謝!
好溫馨的 blog 聚啊，真羨慕！
回覆刪除[版主回覆12/21/2008 22:19:00]係呀，成日係blog度傾，見下面好得意架!
你地嘅blog聚真係開心! 好羨慕呀!!
回覆刪除原來個個都係高手嚟喎!!
[版主回覆12/21/2008 22:18:00]你都係高手喎，我唔係高手呀，初階咋!
好開心既blog聚呀~
回覆刪除[版主回覆12/21/2008 22:17:00]好開心架!同你嗰次都好開心呀!
咩話? 我係高手??
回覆刪除我係幼稚園低B班咋!!
[版主回覆12/22/2008 06:26:00]早晨呀!大家咪係同學仔?
早晨呀同學仔! 我要去煮飯啦!!
回覆刪除[版主回覆12/22/2008 07:15:00]早晨呀，你個邊而家幾點呀?
請問係咪青衣長發個間油樓 ??開左啦...?
回覆刪除[版主回覆12/22/2008 17:35:00]哈，呢間"長發"係新蒲岡喎，唔好意思我好似無講到!
你玩得開心啲啦!
回覆刪除你哋啲伴手禮咁鬼正，我有排都未學到呀!
[版主回覆12/22/2008 17:34:00]真係唔好咁講，我都係學緊，大家研究下!
Hey, what happened to my yesterday's msg to tell you how lovely are your biscuits???? YAHOOOO... did it again! aiya..
回覆刪除I still have not eaten the pineapple tarts ah (very busy unpacking and yesterday my mother in law came for dinner), I will let you know how yummy they are after I try them (honest assessment, dont worry )
[版主回覆12/22/2008 17:34:00]你係mamipohpoh我就見你有留言，呢度唔見喎! 你有冇呃我架?今日又整咗，但有少少失敗，因為冬天整餅，啲牛油好難攪，都唔溶! 個鳳梨酥我就覺得麻麻地，因為個皮太厚啦!
NY係慢HK13個鐘, 而家係10:10PM呀!
回覆刪除[版主回覆12/22/2008 17:31:00]明白!
鳳梨酥你都識整勁呀
回覆刪除[版主回覆12/22/2008 17:31:00]今次係第一次整，都整得唔靚!
d曲奇同椰撻都好好味, 果然高手
回覆刪除[版主回覆12/22/2008 17:30:00]你又知好味??????????? 椰撻我無整喎???????????
病嗰個嚴格黎講唔系我,系佢兩個,兩個都喉嚨痛,細嗰個仲發燒ing呢!不過我琴日都開始周身骨痛&今朝個頭好痛,要系mtr買特快PANADOL,頂,成30幾蚊超貴,唔好去打劫,無法啦,真系比佢打劫咗,上兩星期已經sick leave咗,唔可以再sick leave唔系會比人照肺,比死更難受.
回覆刪除[版主回覆12/22/2008 17:29:00]我今日見咗主席，我知道!剛剛忙完曲奇，不過有啲失敗! 你唔好俾佢地野你呀! mtr同7仔都搶錢架，wtn就平成十蚊架! 照肺咪打開心口俾佢照囉，一係送啲病菌佢啦!~
我有去行山, 所以有食到^^
回覆刪除[版主回覆12/22/2008 18:54:00]哦，你同pal少，小玄仲有肥blogblog行山? 個椰撻係Frances整架，我個盒俾大老爺食晒呀!
嘩...啲拌手禮靚到~~~
回覆刪除[版主回覆12/22/2008 19:01:00]得個盒靚咋!
下次再叫frances再做過囉, 你地整的真好味^^
回覆刪除[版主回覆12/22/2008 20:51:00]多謝你呀，肯食我地啲嘢!