16-Dec-2008(二)
係呀我仲放緊假呀!哈哈哈................
羅記
每年細妹返嚟，我地三姊妹一定上嚟行一趟!
以前好多A貨買，所以好多人!
而家多數都係買衫，鞋!
越來越無嘢買!
一早上去無咁多人，可以慢慢飲完茶，
又唔需要等位!
睇下啲商店都未開門!
再開始去shopping!
~丹桂軒~
呢間嘢由朝早11點開始，
就有人排隊等位，真到晚飯都係咁多人，
價錢同香港差不多，
食物水準好好!
我最鍾意食佢嘅豆漿油條，
油條非常新鮮，配豆漿perfect!
妹夫就最愛魚頭煲，超正!
不過我唔記得影相!
跟住我地三姐妹就開始去變靚啦，
修甲、修眉、線面、電眼睫毛!
咁晒以上啲都係百幾蚊，係咪好平呢!
啲指靚唔靚呀?
跟住梗係買茶葉啦，
細妹次次都會係度買好多龍井，
我都會買唔同嘅茶葉，
呢間我地都幫襯咗六、七年啦，
老闆娘都認得我地三姊妹!
仲有仲有，我上嚟必買嘅頭飾，
雖然都唔平，但比起香港平成60-70%，
我都買咗好多!靚唔靚呀?
差不多四點半回港啦，
因為今晚要返媽子度做冬，
媽子做咗好多餸，好好味，
媽子煮嘅腐皮卷係細妹最鍾意食餸!
好啦，聽日要返工，
返兩日又放假，
放假仲忙!
111111111
回覆刪除[版主回覆12/16/2008 22:36:00]唔咁緊張喎，手震呀，咁多11111嘅!
終於第一..哈哈哈
回覆刪除[版主回覆12/16/2008 22:36:00]恭喜恭喜!
22222
回覆刪除[版主回覆12/16/2008 22:37:00]好嘢!
3
回覆刪除[版主回覆12/16/2008 22:37:00](Empty)
丹桂軒咁多年都冇變...日日都好旺場..食物真係有一手,,,小菜最正....
回覆刪除[版主回覆12/16/2008 22:34:00]我無食小菜，次次為咗避開啲人潮，都係十點到唔使等位，下晝先再去二樓彩蝶軒再食小小嘢先走!
哈哈~遲咗啦
回覆刪除[版主回覆12/16/2008 22:42:00]咁遲呀?
嘩.咁對手 .幾驚儲存唔到..
回覆刪除[版主回覆12/16/2008 22:46:00]咁今次咪得咗囉，梗有下一次架，呢度唔難攞架!其他成日都話要沖涼!
丹桂軒-啲嘢好似唔錯喎~~
回覆刪除啲指甲好 靚呀! 哪隻手是你的?
我中意花花嗰隻~~~
[版主回覆12/16/2008 22:53:00]丹桂軒一路都保持水準! 你鍾意嗰隻囉!
睇唔到你個魚頭窩有 d 失望呀, 魚頭係我至愛呀..........
回覆刪除[版主回覆12/17/2008 06:21:00]唔記得影呀，好鬼C正架!
哈哈~妳就好啦,可惜我地而家唔係打邊爐,咁咪睇唔到隻手囉 其實同心係求其講咋,如果妳有第二處想去都可以提議架
回覆刪除[版主回覆12/17/2008 06:20:00]都無喎，你地話事，有得食就得，我食好多架，一隻蛋我唔飽架，仲可以食埋紅豆奶茶添!
哇!好靚哦,果然是'甲'級點綴.
回覆刪除你們的行程好豐富,搞度我都好想去.
[版主回覆12/17/2008 06:18:00]麻麻地咁啦，我地都係個商場度逛咋，啲嘢香港都有得買，不過呢度平啲啫!
丹桂軒的"川芎天麻魚頭煲"真係唔錯~ 不過~我係去新都酒店果間,
回覆刪除RMB 80元,不過咁大窩,仲有專人服侍,都幾抵食的~
如月~下次您可去新都果間試吓,不散叫的,仲可吃早餐自助餐的呢~
[版主回覆12/17/2008 06:17:00]係邊架?我噚晚喉嚨痛呀，補得滯呀!
係咪好早上去呀????冇乜人咁嘅????
回覆刪除[版主回覆12/17/2008 06:16:00]去到9點半咋!飲完茶咪剛好開門囉!
三姊妹感情好好~
回覆刪除[版主回覆12/17/2008 06:15:00]係架!
哈哈```女人聚埋一齊 就特別中意行街 shopping~~
回覆刪除整左指甲 甘未會5想 落廚 咯？？！！
[版主回覆12/17/2008 06:14:00]唔會，我呢啲唔係水晶甲，好普通啫!
百幾蚊整晒咁多樣嘢又真係幾抵喎！
回覆刪除[版主回覆12/17/2008 08:08:00]好抵架，你試過未?
早晨 ~ 線面痛唔痛架
回覆刪除今日返而工啦 !!!
[版主回覆12/17/2008 08:08:00]如果第一次整，都痛架!今日返工啦，不過星期五又放假呀!
你們是去東門或是再遠的地方呢
回覆刪除[版主回覆12/17/2008 20:00:00]我去羅記咋，無去咁遠!
有時間按摩下ma..消除身體上既疲勞
回覆刪除[版主回覆12/17/2008 19:59:00]今次有按摩!
係邊架?我噚晚喉嚨痛呀，補得滯呀!---->> 在"新都酒店"
回覆刪除入面的丹桂軒,呢間早上十一點前都好易搵位,
十一點過後就要等位了~人流沒有羅湖商業城那間咁雜的
[版主回覆12/17/2008 19:59:00]咁新都酒店係邊呀?
我同囡囡就最鍾意丹桂軒既魚頭窩, 超正呀
回覆刪除[版主回覆12/17/2008 19:58:00]正呀，不過我唔受得，表咗粒大暗瘡!
好多收穫呀!手甲靚爆鏡!
回覆刪除[版主回覆12/17/2008 19:57:00]多謝，好多收穫呀，大褸都買咗件!
好多收獲喎，一定玩得好開心啦!
回覆刪除[版主回覆12/17/2008 19:57:00]靚啲梗係開心啦!
我好怕返大陸架. 一黎買野要講價 (我都唔識), 二黎好怕治安唔好 (怕比人偷野), 三黎, 最怕買到假野. 所以, 都好少北上消費.
回覆刪除[版主回覆12/17/2008 19:56:00]我上去都唔會周圍去架，都係係個商場行下，我無買名牌咁咪唔怕囉! 但一般都俾香港平，香港好多嘢都係大陸入口!
好靚喎o的指甲﹗三姊妹行街街真係好好好開心呀﹗
回覆刪除[版主回覆12/17/2008 19:55:00]你心情緊唔緊張呀? 三姊妹去邊都咁開心!
北爽...... 又幾靚啵.....
回覆刪除[版主回覆12/17/2008 19:43:00]相信你都有去玩架啦!
睇見你哋真開心呢！
回覆刪除[版主回覆12/17/2008 19:43:00]係架，幾開心架，一齊shopping!
d指甲又真係整得幾靚啊!!
回覆刪除[版主回覆12/17/2008 19:43:00]要幾靚有幾靚!
返祖國變靚啲都係佰幾元又真係平喎
回覆刪除[版主回覆12/17/2008 19:42:00]使唔使宣傳下啦!
三姊妹一齊去扮靚靚, 好開心喎!!!
回覆刪除[版主回覆12/17/2008 19:41:00]係呀，幾開心架!
唔止D指甲靚,對手都好靚
回覆刪除[版主回覆12/17/2008 19:41:00]邊對先?
點心好正喎！又扮埋靚靚添，玩得好開心啊！
回覆刪除[版主回覆12/17/2008 19:41:00]呢間嘢水準唔錯! 無乜嘢買咪買佢地嘅服務囉!
係咪你老公有去呀！
回覆刪除[版主回覆12/17/2008 19:40:00]呢個係我細妹同妹夫，大老爺唔會有興趣同我上架!
哈哈，有冇整埋腳甲呀？我有個女仔Friend去飲之前專登整埋腳甲襯對鞋呀！
回覆刪除[版主回覆12/17/2008 19:39:00]有呀，你點知架? 30蚊無理唔整埋啫!
上去行吓都唔錯, 我都想唔返工
回覆刪除[版主回覆12/17/2008 19:38:00]請假囉!
我次次上去都要辦簽証，勁煩！ 而且我老公唔多鐘意上去，連帶我都唔俾，話上面複雜哦！
回覆刪除[版主回覆12/17/2008 19:38:00]你攞咗永久身份証咪方便啲囉!攞個回鄉証好方便架!
我張永久居民身份證係申請唔到回鄉證架 ~
回覆刪除因我唔係中國國籍，我必需要放棄馬來西亞國籍先，然後入籍先可以申請特區護照 & 回鄉證 ~
特區政府俾我呢張永久居民身份證既條件係 - 我唔可以離開香港超過 36 個月，如果唔係呢張身份證就會無效架啦 ~
[版主回覆12/17/2008 20:51:00]我而家明啦!
hihi~ 紫色底白色花好靚呀~
回覆刪除[版主回覆12/17/2008 21:16:00]係呀，係我隻手嚟架!
我除左返我公司大陸辦事處開會之外, 我係一步都搭入大陸半步, 所以我係唔會北爽嘅.....
回覆刪除[版主回覆12/18/2008 06:02:00]我係一步都搭入大陸半步,..................