BLOG聚
師奶仔~笨啦啦~syc204
唔經唔覺我開呢個BLOG已經有半年啦!
係呢段時間，我嘅人生起咗好大轉變，
亦係BLOG度識咗好多朋友，
仲有好幾個見過面，
係開BLOG初期，
我祇係寫煮過嘅餸，
後來認識到呢個BLOG友~師奶仔，
咁就開始咗我嘅烘焙人生，
第一次見一個人可以整出咁多包，真係好羡慕!
自己開始學人做包，
第一個做出嚟嘅腸仔包真係笑C人!
跟住問下人，自己又去睇書，再做多幾次，
摸索點樣做出軟熟嘅包，
因為我由細到大都係麵痴，
唔食飯都得，但朝朝都要食包!
因為要見大師傅............所以都唔知整乜好，
又好似無乜時間，
就搵咗兩樣好簡單嘅嚟整，
~椰子曲奇~(詳細食譜)
唔好以為好易，要早一日預備啲材料，
第二日造型時都好有難度，因為好難做到個個形狀差不多，
唔知點解焗唔到四邊金黃色嘅?
~芝麻薄脆~(詳細食譜)
因為睇咗食譜，每份分大咗，
成個變咗江蘇餅似啲，又唔係好脆!
希望你地兩個唔好見怪!
一早做好個芝麻薄脆，就出門口啦，
今次要入元朗，我諗差不多二十年無入過去，
(基本上我祇活動係個幾區，唔會周圍去嘅)
上網search好個站圖，咁就無咁驚(驚唔識落車)，
原來由我嗰度出發去元朗都唔使1個鐘，
輕鐵咁耐我都未搭過呀!
恆香老餅家~原來係呢度!
係約定地點等緊嘅時候，
我仲以為係笨啦啦，
我都唔知佢都嚟喎，我都有睇佢個blog架，
佢整包都好靚，好驚喜呀!
原來佢地三位都係元朗居民，
帶住我呢個大鄉里周圍行!
佢地好熟呢個地方，唔好以為元朗係鄉下地方，
條街好鬼多人架!
我地選咗個地方好企理嘅台灣麵店，
呢間麵真係好寬敞，坐得好舒服，
我地傾下講下就坐咗成2個鐘，就嚟俾人趕啦!
我地交換咗伴手禮
跟住師奶仔話帶我去買嘢，
但行過呢間甜品店，
又入咗去食咗兩碗綿綿，好好味，多謝晒~笨啦啦!
佢地話有間叫"宜輿"(唔知有冇記錯)買凍肉好抵!
我買兩磅安格斯肥牛(每磅$40﹐佢仲有隻靚啲嘅$80)，
又買咗包老闆話好正嘅墨魚丸$55，
因為大老爺order今晚要打邊爐，
所以行埋街巿買埋菜返屋企，你話係咪人都癲，
要係元朗買餸返屋企!
六點幾返到屋企，梗係影相先啦，
再欣賞下啲伴手禮先，
你地食咗我啲笨手禮，千其唔好見怪呀!
笨啦啦，唔好意思，本來你有兩份小食，
因為我唔知仲有個blog友出嚟，
所以無預備到啲伴手禮俾syc204!
師奶仔嘅威風蛋糕同鳯梨酥!
師奶仔，我鍾意食個紅豆威風蛋糕!
本來寫好呢個blog架啦，點知之後食完你啲鳯梨酥，
好鬼正正正呀!
syc204嘅千層糕同海苔!
syc204，大老爺話好啲千層糕好味呀，佢仲以為係買架!
遲啲請教你點整!
好啦，開飯啦，
一路打邊爐，一路欣賞無線嘅頒獎禮先!
晚安!!!
我是你的忠實粉絲.
回覆刪除有沒有獎品呀?
[版主回覆11/15/2008 21:05:00]抄嘅...........無奬!
又打邊爐?
回覆刪除正呀!!!!!!!!!!
[版主回覆11/15/2008 21:10:00]係呀............大老爺order..........小婦人唔敢唔做!............要睇電視呀!!!!!!!!!!!!!!!!!
獎呀! 我要呀! 我要呀!
回覆刪除[版主回覆11/15/2008 21:15:00]咁你唔可以咁懶架..........
哈哈~唔記得同妳講元朗D魚蛋好正架
回覆刪除[版主回覆11/15/2008 21:18:00]元朗好多嘢都好正喎，我買唔到咁多啦，我攞咗兩大袋啦!
今次要入元朗，我諗差不多二十年無入過去---->>> 老人痴呆又發作了~ -->>>Mommy Dearest來港時,您咪去過"B仔"囉 ,邊有二十年啫~
回覆刪除哇~好開心的網聚呢~師奶仔好好人,上次與她通過電話,她與我分享小孩敏感的事.
[版主回覆11/15/2008 21:58:00]係呀係呀...........不過淨係係B仔度食嘢咋，都無行出去! 係呀，佢好好人架，我總係覺得佢好熟面口!一啲都唔陌生! 佢做啲鳯梨酥........好鬼正架!
你整既伴手禮真係好正！
回覆刪除[版主回覆11/15/2008 23:10:00]多謝，都唔知好唔好食!
好正呀!!!元朗一日遊!! 好正呀!!!Ｄ伴手禮!!! 好正呀...............你呀...........廿四孝老婆!!!!!!!!!
回覆刪除[版主回覆11/15/2008 23:10:00]多謝，都唔知好唔好食!
嘩,原來如月是做餅食高手,佩服.
回覆刪除[版主回覆11/16/2008 08:13:00]早晨呀!唔好咁講.........我係初哥，你唔見我樣樣都差少少咩?
睇親你的blog之後, 都會去搵野食..........
回覆刪除[版主回覆11/16/2008 08:12:00]早晨呀!........你係咪講我呀?
有得聚, 有禮物收, 有野買.....好開心呢
回覆刪除你地每個人的伴手禮都好靚呀
syc204 & 笨啦啦我都有同佢地傾過計架
[版主回覆11/16/2008 08:12:00]早晨呀!多謝你呀! 都唔知唔好食呢?(我整嗰啲呀) SYC204佢好有心機包裝架，你睇見幾靚!
嘩,好多yummy嘅伴手禮呀 ,我鍾意食椰堆呀,但我個胃唔系幾好,唔敢食咁多.睇你個食譜都唔系太復雜,等我都試下先!
回覆刪除[版主回覆11/16/2008 08:10:00]早晨呀!你唔食咪整俾囡囡食囉!
我在啦啦那边看到了。。。好正的blog聚啊！不如我们也去元郎lu，我的朋友未去过
回覆刪除[版主回覆11/16/2008 08:10:00]早晨呀!咁我地玩完元朗再出嚟打邊爐囉!
早晨呀!
回覆刪除[版主回覆11/16/2008 09:49:00]早晨呀!今日去邊度WET呀
未知呀,E架等緊老公外買早餐反來,佢今朝放工. 好肚餓呀!!!!!!
回覆刪除[版主回覆11/16/2008 10:03:00]咁009咪要休息囉? 我一陣出去飲茶..........跟住去伊甸園觀禮呀!
aiya~~墨 魚 丸 又 加 左 價 ,
回覆刪除e 樣 係 我 家 雪 櫃 必 有 既 野,
用 黎 打 邊 爐 或 煮 麵, 正~~
兒 興 泰 既 安 格 斯 小 牛 扒 切 粒 黎 打 邊 爐 好 正 架,
下 次 再 入 黎 時 記 得 掃 返 去 擺 雪 櫃 存 倉,
吾 用 黎 打 邊 爐 都 可 以 加 黑 胡 椒 就 咁 炒 都 非 常 好 味
[版主回覆11/16/2008 18:42:00]佢地話部機(切割機)壞咗，無小牛扒切粒呀!我冰箱一定有，時不時都囉嚟炒!下次一定會試!
點呀如月 牛肉同墨魚丸得唔得呀? 因為我自己都未試過呢間呀
回覆刪除[版主回覆11/16/2008 18:46:00]兩樣都試過啦，墨魚丸同百佳買嗰隻一樣好味，不過百佳好似一包得9粒要$18，計落都係呢度抵!如果用嚟焗仲好味! 兩磅肥牛.........已經落咗大老爺同大少個肚度啦!
嘩, 好充實既一日呀....D伴手禮個個都整得好靚
回覆刪除妳真係好多時同BLOG相聚喎,.....仲有妳地都好鍾意打邊爐.....正呀..
[版主回覆11/16/2008 18:48:00]係呀，一星期梗有一兩次打邊爐! 咁啱........有blog友想聚一聚囉，其實blog友同朋友一樣.........時不時出嚟見下面!
我覺得今年打邊爐既材料好似貴左好多哦 ~
回覆刪除d 肥牛由 50 幾蚊加到 68 蚊一磅，d 丸丸都貴左，樣樣野都加價啦 ~
[版主回覆11/16/2008 18:49:00]我以買肥牛$55一磅，買$80就夠食，而家$65一磅要買$100先夠食!所以呢度可以用$40一磅買到啲咁好質素肥牛真係好抵!
Blog 友相聚真係好開心呀！
回覆刪除[版主回覆11/16/2008 18:50:00]係呀........真係好開心!
~噢噢，很开心的BLOG聚呢！
回覆刪除[版主回覆11/16/2008 18:50:00]係呀.............真係好開心!
my blog
回覆刪除[版主回覆11/16/2008 21:32:00]食緊飯呀..........俾咗主席第一啦!
我都想join埋一齊.
回覆刪除[版主回覆11/17/2008 06:07:00]你識唔識佢地?
嘩...好開心既聚會呀
回覆刪除[版主回覆11/17/2008 06:08:00]好得意囉，係blog度可以識到咁多朋友!
喂....我都話我唔係大師傅咯, SYC 就係, 我仲有好多野唔識呀.... .
回覆刪除個日真係好開心呀 ! 你 d 拌手個好好味呀 !
[版主回覆11/17/2008 08:52:00]早呀!.........你地兩個都係師傅，係你引我做麵包架!我係你度先識syc嘅!佢好叻! 我個芝麻餅失敗咗你地都肯食，真係感動!
見到你地啲伴手禮，真係無地自容呀!
回覆刪除我都係麵包痴嚟o架，一日吾食過包吾安樂，啱啱開始學整，重未見得人呀!
你地blog 友見面真開心，難得志同道合中意整包包。
元朗?真係一年去吾到一次，我o既活動範圍都係返工同屋企附近果幾區，好狹窄。o係元朗買餸?諗都無諗過，不過咁遠買返去，緊係特別好味。
[版主回覆11/17/2008 13:02:00]早呀!我啲嘢唔係整幾好，難得佢地肯收! 我都係剛剛明白點樣整包，但啲技巧都要好好咁掌握!仲未得! 我都估唔到可以識到咁多人，不如下次預埋你呀! 我之前都係好似你咁，無乜約朋友架，都係公司啲同事，而家好似好忙咁!hehehe..........
嘩，又有o野食又有o野買，真係好啦﹗
回覆刪除[版主回覆11/17/2008 13:03:00]早呀!係呀我最鍾意買嘢架!
blog友聚會我都未試過~ 都想試試 ,
回覆刪除[版主回覆11/17/2008 14:45:00]哈哈.........咁你熟邊個呀，等我安排下好嗎?
師奶仔 is the one I sent the pineapple mold to, right? I can't remember though I visited her blog after she made it.. OLD age ah!
回覆刪除[版主回覆11/17/2008 14:44:00]係呀，我係見佢成日整包，所以引到我都想學囉!係呀，佢整過你亦都俾咗意見架!
你今次入到元朗見blog友 tim...你開blog半年就见咁多blog友...勁過我好多wor
回覆刪除[版主回覆11/17/2008 14:45:00]唔好咁講啦! 無話邊個勁架，blog友即係朋友啫，想見咪約出嚟囉!
Hi !
回覆刪除你地聚會當天我剛巧在街上遇到師奶仔, 如果唔係我手上買左好多野,
我都跟她一起去和大家打個招呼啦 !
大家得閒交流一下 !
[版主回覆11/17/2008 14:52:00]hi...好高興你入嚟探我呀! 師奶仔都提過喎..........聽講你整嘢好叻架，我都想同你交流下，下次我約師奶仔約埋你好嗎?
我煮野一d都唔叻, 下次有機會見啦 !
回覆刪除[版主回覆11/17/2008 15:19:00]哈哈.......你咁講.....我咪唔識煮嘢!
比你行在街也撞到綱友, 真奇? 這幾次也在街上撞到ｄ幾年無見的同事？ 很神奇呢？？ 元朗，幾年沒去過？ 香港住的是要真是入行出才會去呢？
回覆刪除[版主回覆11/17/2008 17:24:00]我無行街撞到blog友呀?????點解你咁講??? 元朗.....係有朋友先會入去啫!
你入黎元朗都唔叫埋我....嗚
回覆刪除[版主回覆11/19/2008 16:30:00]早知預埋你啦，syc都有去!不過我唔知佢有份!
我知呀 ~ 佢做左神秘嘉賓呀
回覆刪除[版主回覆11/19/2008 16:48:00]我都無睇到師奶仔個留言，唔知有神秘嘉賓! 直至佢叫我，我仲以為係笨啦啦咋!
哈哈哈 ~ 放心喇 如果約我...好易認架咋... 因為你見過我既相嘛... 記住張相再加返30磅個個就係我喇
回覆刪除[版主回覆11/19/2008 16:58:00]有冇咁多呀?