老豆生日!!!

爹D生日快樂

祝你年年有今日﹐

歲歲有今朝，

壽比南山!

今日天氣凍咗好多，

出面好大風，應該得19-20度，

冬天終於嚟到啦!

噚晚終於完成咗我嘅生日蛋糕，

呢個係我第一個做出街嘅蛋糕，

都應該見得人嘅，

噚日做蛋糕嘅過程都好論盡，

唔記得放蛋糕紙係模底，

焗完先記得，咁無理由連個鐵片一齊出街架，

咁咪嘗試用刀慢慢咁片出嚟囉，

好驚整難個蛋糕，

好驚險咁放咗入個蛋糕盆度，

好彩無整難!

【焗紅莓芝士蛋糕】~(詳細食譜)

而家越來越發九龍城街巿有好多嘢買，

有一檔買手打丸，下次打邊爐可以買嚟試!

仲有泰國食材，今日見到啲泰國矮瓜同金不換，

買咗啲聽日整綠咖喱雞，講起雞，

而家樂富無雞買啦，可能全部交咗個牌俾政府，

要買雞要嚟九龍城啦!

又發現有啲好細粒嘅蒜頭，亞姐話正喎，

又買嚟試下，我最鍾意試新嘢!

等我試完話你知好唔好用!

5:00出發去酒樓，同老豆打番場麻雀先，

亞囝都嚟學嘢，

一齊打吓麻雀，老咗都唔使驚!

切蛋糕啦，C啦，好驚唔好食喎!

點知點知好唔好食???

睇下啲相啦!