星期六
天氣好好，好清爽，
陽光充足!
去效遊最適合!
可惜今日無呢個行程!
一早起食完早餐，又開工，
今次見枱面有香蕉，仲有梅花點，
咁就啱啦，我要整香蕉蛋糕，
整呢個蛋糕要有啱用之香蕉，唔係成日可以話整就整，
【香蕉蛋糕】~(詳細食譜)
朝早做完我嘅功課之後，
食完晏又要預備去囡囡學校， 今次主題係講中三選科啲資料， 囡囡係三三四學制嘅白老鼠，出席家長會，
將來唔係好明朗，樣樣都好似未定咁，
學校方面都要睇學生嘅意願，
一句講晒，好亂!!!
夜晚食完飯，又要開工，
因為聽日係老豆生日飯局，
諗住再整個芝士蛋糕，
今次會用紅莓，紅紅地咁好意頭啲!
次次都要研究好耐，
睇下呢個食譜，又睇下嗰個食譜，
個個都差少少，
所以今次又同上次差少少，
試下咁樣會唔會好啲，
都幾緊張架，唔知成唔成功，
不過，唔成功咪買個現盛囉!
1111111111
回覆刪除[版主回覆11/08/2008 22:24:00]今日比你叻番次!
咁橋既 ! 閒仔都係白老鼠喎, 我都唔知個制度點完, 要同咗中七一齊考大學, 佢地就話會加學位, 加得幾多呀? 如果中七同佢哋分開計, 都係死, 2 邊最top 最top d 學生都分晒啦, 真係好唔明
回覆刪除[版主回覆11/08/2008 22:24:00]咁咪同年，係咪94年出世呀? 佢地話就話分兩條隊投考喎，但前景真係唔知? 佢地話入大學嘅比率係18%咋，C梗，我個囡好懶，成績又唔係好，無希望啦! 個仔今年會考，又係無希望，可能我唔識教佢地囉!
唉~~香港的教育制度成日話改,
回覆刪除苦了家長,又苦了孩子們~
預祝您爸爸生日快樂~身體健康,龍馬精神~
[版主回覆11/08/2008 22:21:00]今晚好忙，而家先忙完，Rachel點呀!好啲未? 真係要早日搵出佢嘅致敏原! 亞仔係尾二兩年會考，亞女就係白老鼠，都唔知個教育制度幾時先可以改好，聽到老師講，入大學個比率得18%，真係好似無晒希望咁，我兩個都咁懶，都唔知點算!
HI!
回覆刪除[版主回覆11/08/2008 22:50:00]HI，去咗邊呀，咁夜?
我反來啦,今日好忙呀!早上反工,放工去咗維園&CHURCH.最憎忙架,我鍾意得得閒閒,無無聊聊,咁忙搞到我流鼻水tim.
回覆刪除[版主回覆11/08/2008 22:52:00]流鼻水係你着少咗啫! 做乜去CHURCH呀?
家陣 d 學制攪到亂晒龍, 一日改到黑!! 好似母語教育咁, 而家攪到呢一輩中文唔得, 英文又唔掂, 真係唔知點算呀!!
回覆刪除[版主回覆11/08/2008 22:53:00]係呀，搵啲學生教飛! 改極都唔夠學位俾啲學生讀!
啊仔想去呀,所以要去.不過仔仔同同學仔&同學仔屋企人一齊入去CHURCH我同009去咗睇書,夠鍾先去接佢.
回覆刪除好眼瞓呀,不過頭髮未DRY無得瞓呀!我今日無得午睡呀!
[版主回覆11/08/2008 23:15:00]嘩，你居然打咁多字? 咁你咪又可以拍拖! 我瞓啦，good night! 我今晚整糕先咁夜瞓咋!聽日見!
唔知主席去咗方邊WET呢?
回覆刪除仲未見人呀!
[版主回覆11/08/2008 23:17:00]佢話去九龍城搵我喎!我邊有佢咪有米呀，日日出街食!
good night baby!
回覆刪除[版主回覆11/09/2008 08:18:00]早晨呀......今日去邊度WET呀!
依家 d 教育制度成日改, 都唔知改到幾時 ? 上次去二姐學校開家長會時, 個校長先講, 我地個女係白老鼠都唔係最慘, 原來今年 f.4 個 d 仲慘, 一定要上到, 一年都唔可以衰......頭先電視先講 d 中中生上左大學都不知幾慘, d 國內生英文仲叻過佢地, 中六生 d 英文只有小六程度, 真係無眼睇....
回覆刪除個香蕉蛋糕好令令啊 !
[版主回覆11/09/2008 08:18:00]早晨呀......二姐又係白老鼠?咁佢學校要佢地修幾科呀? F.4係最慘呀，我去亞仔學校咪咁講囉! 我都有睇呀，大學生啲英文咁差，都唔知點教嘅?
三三四學制.....到我大仔時, 唔知又會唔會改 ?
回覆刪除預祝你爸爸 : 生日快樂!! 身體健康 !! 日日都開開心心 !!
[版主回覆11/09/2008 07:56:00]早晨呀......三三四學制我係同意架，無理啲小朋友幾年間考幾個試啫，最好政府開多啲大學學位，而家得18%學生可以入正規大學咋!
如月早晨!香港教育制度成日改，害苦了学生 了!
回覆刪除今天都是我爸爸生日,和你爸爸同一天呢!祝你爸爸生日快樂!
香蕉蛋糕整得好香啊!
[版主回覆11/09/2008 07:54:00]早晨呀........香港教育制度係好差，你諗下得18%學生可以入大學，咁個72%唔大唔細嘅年青人去邊啫?一半學位都做唔到! 今日唔係老豆正日生日，不過遷就小朋友改咗星期日食飯，多謝你先! 香蕉蛋糕係好香香蕉呀(我試過一片)，我問大老爺個蛋糕，嘿嘿.........佢話無味喎?(佢把口就係咁架)
祝Uncle生日快乐！身体健康！
回覆刪除你的生日蛋糕一定掂啦！
[版主回覆11/09/2008 08:16:00]早晨呀......我剛係你度留咗言! 嗰蛋糕係好驚險之下完成咗!
香港教育制度玩死家長和学生，我怕死了！
回覆刪除妳日日整咁多嘢食，我想搬做妳隣居添
[版主回覆11/09/2008 09:58:00]咪係囉，送去外國又唔捨得! 做隣居好喎，我想借你啲葡萄籽油用喎!
good morning
回覆刪除[版主回覆11/09/2008 09:56:00]早晨呀，今日去邊wet呀?
去食自助LUNCH
回覆刪除[版主回覆11/09/2008 10:19:00]邊間呀?
你個BANANA CAKE 好正喎!
回覆刪除[版主回覆11/09/2008 12:53:00]你都識整啦!
老尖,TODI美麗華商場地底.
回覆刪除[版主回覆11/09/2008 12:54:00]呢間聽過，你返嚟未?好唔好食呀?
香蕉蛋糕~~真的愛到發狂
回覆刪除[版主回覆11/09/2008 12:54:00]咁咪整番件自己食囉!
(Empty)
回覆刪除[版主回覆11/09/2008 15:13:00]你好嗎，係咪考試呀，咁耐無見!
我個囝同妳囡囡一樣, 都係中三, 係三三四既白老鼠, 而且佢地呢年仲係同而家既中四一齊考大學, 都唔知政府點安排呀....係咪真係有咁多學位先...
回覆刪除個香蕉蛋糕真係好靚呀.....
[版主回覆11/09/2008 23:00:00]大家一齊努力啦!佢地話分兩條隊喎!
哈哈~妳無出街咩?又整邊個蛋糕呀 妳頂頭紅色果個蛋糕好似無見妳整過咁 我等緊個叔嬸黎接佢個仔,順便出街食飯
回覆刪除[版主回覆11/09/2008 23:02:00]通常我飲完茶買咗餸實會返屋企，多數無街去，所以成日都整嘢! 哈哈.............居然俾你留意到! 今晚去邊食?
我識親o的blog友都好叻整o野食，令我妒忌又羨慕﹗
回覆刪除[版主回覆11/09/2008 23:02:00]你又無食過，點知好食啫?
not so good!非常一般.
回覆刪除[版主回覆11/09/2008 23:03:00]咁即係good唔good呀!
期待你既紅莓芝士蛋糕!
回覆刪除[版主回覆11/09/2008 23:04:00]你點知嘅?????
哈哈~如月去咗邊呀?????
回覆刪除[版主回覆11/09/2008 22:26:00]剛剛返嚟，整緊嘢!wait
哈哈~屋企樓下d餐廳咋,聽日要早起身都唔會去好遠啦
回覆刪除[版主回覆11/09/2008 23:18:00]做乜要早起身呀?
哈哈~佢地要返學嘛
回覆刪除[版主回覆11/10/2008 06:23:00]我仲以為你做乜，咁一個星期都有五日啦!
因為明天係你老豆生日啊，你話今次試整紅莓芝士蛋糕，因為好意頭!
回覆刪除[版主回覆11/10/2008 06:24:00]係喎，又失憶添!