網誌其中一個目的，
就係要記錄一下自己嘅生活，
仲要記抵一啲重要嘅事情!
今日又有啲嘅想記錄一下，
等第日老咗可以同大老爺詐型!
噚日大老爺去咗開會，
所以噚日篇blog祇得上集，
今日我再做埋繼集先得!
真係俾佢激到唔知好嬲定好笑!
續篇~我：你係咪要我攞張結婚証書出嚟呀???
大：中
我：即係乜野意思呀?你唔認賬呀?
大：中國人緊係計擺酒果日架喇, 依! 好以重有一年喎。
我：如果計註冊日，咁我就21年啦，20年已經係計擺酒個日呀，傻佬!我地係88年註冊，89年擺酒呀，所以舊年我咁嬲就係咁啦，你訓到7點先求其去藍天使你話我嬲唔嬲?
大：醒唔起, 應該計註冊日. 都過左二十年喇, 唔使咁舖張,求求其得呢.
你話係咪俾佢激C呀!
好彩呢個世界有朋友呢樣嘢!
估唔到今日仲有生日飯食喎，
事緣我呢個同事，係我生日嗰排有事，
所以無同我食飯，
今日佢話要請番我食飯喎，其實我無乜所謂，
有心就得啦!
又人請食飯又唔區喎!
呢間餐廳我已經食過好多次，
環境真係唔錯，夜晚同女仔嚟食仲好，
夠晒浪漫!
~L16~香港公園~(詳細資料)
點都好，放工又係同大老爺去旺角搵食。
未會合大老爺，經過近登打士街呢間小食店，
呢間係買鹵水豬腸等等，
成日都好多人排隊，
又買幾串食，
今次大老爺提議去窩打老道培正小學對面，
一間新開張嘅台式餃子店，
~四海遊龍~(詳細資料)
一間類似快餐店嘅食肆，
服務員都幾有禮貌，可惜運作系統唔好，
啲嘢好亂!
11111111
回覆刪除[版主回覆11/07/2008 22:26:00]你今日賺唔少啦!
咁咪兩日都慶祝囉... 我係同一日既, 所以無呢個問題.....
回覆刪除[版主回覆11/07/2008 22:38:00]你睇唔出佢係搵藉口唔同我去慶祝咩，一時話計註冊，一時話計擺酒!
求其去藍天使----->>> 呢間我都試過~水準一般,
回覆刪除不太差也不算太好~都OK既~
"四海遊龍"總店在油塘,但~我未去過~~
反而,以前土瓜灣果間我就食過,D牛肉麵都幾好食,
與台灣食果D牛肉麵都有幾分似的~但~差不多一個月前,
土瓜灣果間無拉拉執咗,原來係搬了來這兒再開~~
[版主回覆11/07/2008 22:36:00]咁你覺得個綿綿冰似唔似呀? 佢地啲伙計好論盡，一係嚟少碟，一係倒"寫"汁，成張單去俾錢，又計少錢，一句講晒"亂"
比您兩公婆笑C我了~咁都有得拗既??
回覆刪除您今晚同大老爺SET番好個結婚紀念日的日子,
那~~明年就不用再拗了~~知冇??
[版主回覆11/07/2008 22:39:00]你睇唔出佢係搵藉口唔同我去慶祝咩，一時話計註冊，一時話計擺酒!
兩倍的努力;邊句你最喜歡?
回覆刪除http://hk.myblog.yahoo.com/plkdmps6a/article?mid=110
http://hk.myblog.yahoo.com/yahaglomi/article?mid=127
我覺得記日子對男人嚟講真係有 d 難度嘅!
回覆刪除[版主回覆11/07/2008 22:40:00]你睇唔出佢係搵藉口唔同我去慶祝咩，一時話計註冊，一時話計擺酒! 而家係我出聲提佢喎，又唔使佢記得?
89民運啵 真係好易記
回覆刪除[版主回覆11/08/2008 07:47:00]係咩?
擺明耍你,我都冇嘢講啦!!
回覆刪除[版主回覆11/08/2008 07:48:00]係呀，咁你話係咪激C呀?
哈哈~慘啦,妳講果D地方 藍天使, 四海遊龍 唔好話盲毛帶,連自己都未去過架
回覆刪除[版主回覆11/08/2008 07:49:00]喂，呢兩間好似茶餐廰咁架咋!
一于扭计，要大老爷两日都庆祝一番!!唔记得就扭耳仔，哈哈!!
回覆刪除[版主回覆11/08/2008 07:49:00]我又唔亞女，仔女啲話佢就聽，佢當我透明呀!
其實兩個日子都慶祝咪得囉~~~仲好啦~~開心2次~~hee~
回覆刪除[版主回覆11/08/2008 07:50:00]你就係想玩嘢，又話計擺酒，又話計註冊，佢係想兩日都唔慶祝呀!
20年真o係唔短o既日子,好幸福啊
回覆刪除[版主回覆11/08/2008 11:44:00]係呀，但係佢咁樣，你話係咪激C我呀?
我覺得大老爺係好鐘意受同你玩喎.......佢係咪覺得你嬲個樣最有吸引力呢 ?!
回覆刪除[版主回覆11/08/2008 11:45:00]唔係嘩，佢咁變態?
我其實有時都會忘記註冊日係幾時架 ~
回覆刪除我老公會提我，然後我地會出去食返餐好既 ~
反而擺酒日，我真係完全忘記左，只知道自己好似公仔版的被人擺布，好唔鐘意呢種感覺 ~~ 因我唔鐘意應酬，尤其係對住過百個唔識既人 ~~
[版主回覆11/08/2008 19:35:00]就因為驚大老爺會唔記得，所以兩日都係同一個日子!我都想佢搵啲節目俾我呀!
男人記日子係比較差架....
回覆刪除[版主回覆11/08/2008 19:34:00]而家唔係要佢記喎，係問佢點同我慶祝喎!
謝謝妳的祝福,謝謝.
回覆刪除[版主回覆11/08/2008 18:33:00](Empty)
妳話佢知，两日都是重要。。。不用再談了，决定。。。哈哈！
回覆刪除[版主回覆11/08/2008 19:33:00]我話佢知無用架，要佢覺得重要先得，唉，又睇下佢會點啦!
咁~~您就每年他的生日,您都學佢,扮唔記得囉~
回覆刪除[版主回覆11/08/2008 18:32:00]我做唔出喎!每年我都攪盡心思，整啲好嘢俾佢食架!
呢間野我屋企附近都有,d野都OO地K啦,不過佢D酸辣湯就好唔掂諗起都想嘔呀!
回覆刪除[版主回覆11/08/2008 23:01:00]係，我都見隔離枱個酸辣湯好似好多獻咁好杰!
咁你果時也幾年輕結婚喎??!!
回覆刪除[版主回覆11/10/2008 16:12:00]都唔年輕啦!