~煙韌芝士波~
芝士波係囡囡好鍾意食，係"P"呢間日本麵包店，要$9先得4粒，所以趁有時間，終於整咗我嘅第一次芝士波，好成功，超級簡單。下次教囡囡自己整!
食譜來源：Leisure-Cat
材料：
糯米粉110g，木薯粉15g，芝士粉50g，蛋1隻，牛油(己溶)3湯匙，牛奶70ml。
(此份量可做16個芝士波，而食譜中的鹽我刪除咗，因為食後覺好咸可減去)
做法：
1. 蛋拂勻，牛油用微波爐丁30秒(因為懶所以用微波爐)。
2. 先將糯米粉、木薯粉、芝士粉倒入大盆中拌勻。
3. 再加入蛋拌勻，跟住加入牛油拌勻。
4. 最後加入牛奶，要加入2/3牛奶，再看粉糰嘅情況逐少加入或減少。
5. 可用磅將粉糰分成20g一份，搓圓成一粒粒。
6. 放入以150度預熱的焗爐中，以170度焗12-15分鐘。
今次係用咗呢隻芝士粉，效果唔錯喎!
111111
回覆刪除好靓啊
[版主回覆11/02/2008 07:20:00]Morning!!!你好叻喎! 無你啲功課咁靚!
222222
回覆刪除呢個我中意呀, 超級好介紹!!!!!!!!!!
我至中意整 d 食物係用少少材料就攪得掂, 材料一多我就手忙腳亂, 攪到亂七八糟呀!!
[版主回覆11/02/2008 07:22:00]Morning!!!其實好多人介紹過，我都係搵啲簡單嘅整呢!呢個應該係零失敗架，攪完啲材料就焗，係要注意焗嘅情況啫!
呢d芝士波我都好中意食架...請問 木薯粉在那裹買???
回覆刪除[版主回覆11/02/2008 07:23:00]Morning!!!木薯粉即係"泰國生粉"(百佳有得買)或一般雜貨鋪都有得買!!!
不過近排仍要小心買大陸製的奶類制品, 例如芝士粉哦, 三聚青鞍嘛. 我盡量都買外國或香港產的. 同埋唔好一次比d細佬食咁多.
回覆刪除[版主回覆11/02/2008 07:24:00]Morning!!!所以都係買日本或者澳洲、美國咁!
哎呀~~~又引我想整多樣!!!!不過希望我搵齊D材料至得!!!唉....澳洲真係好唔放便!!!好想返hk呀!!!!!
回覆刪除[版主回覆11/02/2008 08:09:00]Morning!!!澳洲咁靚，使乜返香港，搵日搵齊啲材料，咁就容易得多啦!
生日快樂!
回覆刪除呢個芝士波好間單 有機會學妳做先
好像很簡單，等有機會試試！
回覆刪除Hi,
回覆刪除我上星期六跟你的食譜學整芝士波波, 外型跟你完全相像, 但係表面比較硬, 沒有像 "P" 那些表面很軟和煙 un, 再隔了一晚後就更硬, 請問你知不知道原因何在? 謝謝!!
[版主回覆06/29/2009 19:47:00]呢個芝士波波係即日食最好!我唔建議間日食! 有另外一種麻薯波波應該會腍啲!至於乜嘢問題，我都答唔到你!
你好，Honey 姐介紹入嚟學整芝屎波 ，看似簡單，希望可以成功！請問嗰D 150g 係咪一定要周磅，量杯又得唔得呢？
回覆刪除[版主回覆08/05/2009 17:33:00]最好用磅，咁會成功機會大啲，真係無的話1杯=120g
師父,我買錯咗蕃薯粉呀,可唔可以代替木薯粉呀?
回覆刪除[版主回覆05/24/2011 21:37:00]
你先識一半份量，你嗰隻英文叫咩呀?係咪tapioca starch呀，係就一樣噃!
係 sweet potato powder.
回覆刪除[版主回覆05/25/2011 20:34:00]咁應該唔得喇!
Hi, 我時常在你Blog偷師架! 今晚, 我學整這個芝士波, 因為全家人都鐘意, 特別是細女, 她最愛芝士 多謝你的分享, 讓我們增添不少生活情趣!
回覆刪除但唔知點解剪看個心, 沒有像你有那麼多氣孔, 請問是否需要搓吓d粉呢?
[版主回覆06/23/2011 06:07:00]
我估計係你搓粉過度，呢種祇要搓勻啲材料就可以!多謝你咁欣賞我呢!
多謝你的意見, 下次我再試
回覆刪除[版主回覆06/23/2011 21:27:00]
好呀，家人鍾意食就再接再厲
hello:)我試做了兩次,但D芝士波內裡一D都唔煙 un, 好粉, 想請問有沒有辦法解決???謝謝
回覆刪除[版主回覆09/09/2012 22:49:10]你會唔會搓得太耐呢?
[版主回覆09/09/2012 22:48:43]糯米粉同木薯粉都係煙un的，唔係好明白你點解會粉，份量有冇量錯?即時食係唔錯架