終於放完我嘅悠長假期(6日)啦!
今日開始返工，
今個月都無乜再需要請假，
都係儲番啲假好啲!
停咗成個月嘅健康舞開班啦，
其實上星期係第一堂，因為放咗假無上到，
今日中午係我嘅第一堂，
無跳咗成個月，又食咁多嘢，
呢排又無上過磅，淨係覺得條褲緊咗喎，C啦!
上完堂磅一磅，嘩...........重咗3磅呀!
是日晚餐
有時真係唔想忟架，但當你煮到好攰，
見到大老爺返咗嚟，都淨係掛住係度等食，
啲大少同大小姐又唔理你，
"不"埋碗飯都無人埋位，真係火到嚟埋，
喂，我都係剛剛放工，放低個袋就煮飯，
唔係人地先識攰架!我都好攰!
你地唔幫手都可以自動埋位得唔得!
~蒜片薯角牛仔粒~(詳細食譜)
~節瓜鮮菇蝦乾炆牛丸~(詳細食譜)
~蕃茄腸仔煮蛋~
１
回覆刪除[版主回覆11/04/2008 21:18:00](Empty)
2222222
回覆刪除[版主回覆11/04/2008 21:18:00]今日叻咗喎!
講真啦。。。他们抵骂！！！ 我幫理不幫亲！
回覆刪除[版主回覆11/04/2008 21:29:00]我真係煮到8點半架，所以"不"咗飯我自己食唔叫佢地，費事自己勞氣!
哈哈~小丸子又閃咗去邊呀
回覆刪除我都係啱啱洗完碗咋
[版主回覆11/04/2008 21:36:00]佢仲係度呀!
跳舞停左咪好多上升D磅數
回覆刪除[版主回覆11/04/2008 22:04:00]個course次次都停三個星期架!我仲食咗四個蛋糕呢!!!!!!!!!!
3磅咋嘛!!!好快減到嘅!!唔駛愁!! 下次要學亞蘇大嗌................."咋咋淋啦"!!!先得!!
回覆刪除[版主回覆11/04/2008 22:01:00]所以今日跳完舞，都無食嘢囉! 你做乜要叫"咋咋淋"呀?????????????
哈哈~ 食咗四個蛋糕 重咗三磅咪少囉
回覆刪除[版主回覆11/05/2008 07:55:00]Morning!!!噚晚我去瞓囉，三磅減唔番架，你知唔知架，可唔可以送十磅八磅俾你呀???????
我屋企果d又咪咁, 唔叫唔做, 枱面放晒飯餸都唔埋位, 唔埋位我就自己食先以示抗議, 叫都費事叫, 費事勞氣, 煮都咁辛苦, 食就唔想咁勞氣囉, 佢哋就會知衰喇
回覆刪除[版主回覆11/05/2008 06:28:00]哈哈.............你同我做法100%相同呀!成日勞氣自己都辛苦!
777777.....对吗?
回覆刪除[版主回覆11/05/2008 06:24:00]哈哈.............你唔係係順德咩?酒店有得上網?攰唔攰呀?
我都話你係好媽咪啦! 我以前如果唔幫手攞餸(包括同阿媽去完街市買既餸/佢入門口時攞住既餸), 開飯同洗碗我阿媽會鬧爆我架! 可能你都要發吓火先得喇!
回覆刪除[版主回覆11/05/2008 06:27:00]鬧咪棧自己勞氣，我以前叫人食飯叫到成層樓都聽到呀! 咪又係咁，發火都發到無晒gas啦! 人老咗，咪費是理，佢地一個係房，一個玩電腦，一個食緊零食..................我"不"完晒飯咪自己食囉!
我通常叫一聲, 唔聽見佢地應我會再叫, 仲越叫越大聲, 直至佢地應我為止.
回覆刪除通常一聽到我大聲澄爸同小澄都知我開始有 d 火, 佢地再唔應我就擺埋佢地落鑊度 ~~ 摌埋佢地呀!!!
[版主回覆11/05/2008 06:23:00]我以前都係咁，但你大聲又話你發脾氣，自己又激氣，EQ高時我會自己食唔理佢地!不過唔係時時都咁高EQ架，多數叫到發火! 見到大老爺坐係度等食都唔理我，真係火到嚟埋架!
係呀 有時真係好嬲架 仲要叫幾次都聽唔到 火都黎
回覆刪除[版主回覆11/05/2008 06:20:00]所以我開咗飯自己食，佢地鍾意食咪過嚟，費是理佢地!
男人，固然有男人之苦；原來，女人都……。
回覆刪除[版主回覆11/05/2008 06:20:00]女人又要返工又要揍仔又要買餸又要煮飯，咁你話女人(老婆)點可以日日咁溫柔呀!男人唔識煮都識開飯架!
我屋企d大帝都係咖~! 隻仔有時食食下突然彈起身fing兩下搖搖~!真係想成隻碗車埋去~!
回覆刪除[版主回覆11/05/2008 06:18:00]食食下玩搖搖? 大老爺一返嚟見我煮到一頭煙，都唔會話幫下手，啲細又話唔識啫，佢咁大個淨係得佢搵錢呀，我都要搵錢架!
屋企人咁對妳好唔岩 要同佢地傾下先得喇 同佢地講 細既要幫手一個洗碗 一個洗褒 如果唔做 妳會剩煮兩碗飯 自己食先 佢地唔做就冇得食
回覆刪除[版主回覆11/05/2008 06:47:00]早晨呀，講過鬧過都係咁，我又做唔出煮自己碗飯架!做咗又激氣! 而家出門口返工，晏啲再傾!
訓練個女幫吓手仲實際~
回覆刪除[版主回覆11/05/2008 07:52:00]Morning!!!有呀，不過叫完一樣又叫一樣，叫得嚟我都做咗啦!
佢地成日都係咁 ~ 你都要返工架 ! 但每晚放工得你一個忙... 真係鄧你辛苦...但估唔到你個女都係咁 多數女好錫媽咪架嘛 .. 辛苦你囉 我明你有幾炆
回覆刪除[版主回覆11/05/2008 07:54:00]Morning!!!如果我唔使返工無問題，樣樣都做晒，但我都做咗成日嘢!都好攰，由其是買完餸! 有得係呢度呻吓咪無咁屈住囉!
早
回覆刪除[版主回覆11/05/2008 08:35:00]Morning呀，掛住係主席嗰邊，都唔知你大駕光臨添!
所以我覺得你好辛苦，放工返黎仲煮到飯。
回覆刪除我都明，煮完餐飯，啲屋企人呢…唔食飯都唔埋位，又唔幫手，又真係幾忟嘅…
[版主回覆11/05/2008 10:09:00]Morning!!! 你使唔使返工??? 要返工仲要買餸煮飯，真係辛苦無人知，之前囡囡返小學，放工仲要去補習社揍完佢先返屋企煮飯呀，諗番轉頭都唔知自己嗰時點捱架!
You're such a hard-working mom. You should ask your daughter to help a little. Don't get mad la... Relax Relax... Take a deep breath. SMILE
回覆刪除[版主回覆11/05/2008 10:08:00]Morning!!! 有呀，咪叫一樣佢做一樣囉! 我無勞氣，係度寫晒出嚟無事嘅，成日都係咁架啦!
算喇......我屋企嗰兩個咪又係咁~ ~
回覆刪除[版主回覆11/05/2008 10:58:00]Morning!!! 係呀，我"不"埋飯都無人埋枱呀!
我老公就好少少，會計好時間，我剛剛煮完，佢就會自動出現 ~~
回覆刪除我食緊醫生開既荷爾蒙藥都肥左好多，但無辦法，仲要挨多半年 ~~
[版主回覆11/05/2008 12:23:00]Morning!!! 大老爺早返都坐係度睇電視......都唔會幫手鋪枱架! 你做乜要食藥?(係咪好唐突呀)你可以唔答架! 年紀大咗唔知係咪新陳代謝慢，肥咗就減唔番，咁肥下肥下又十幾廿磅!
我既子宮有問題，搞到荷爾蒙失調，要 keep 住去威院睇醫生，每半年排期睇一次，希望可以早日擺脫食藥的日子啦！ ~~
回覆刪除[版主回覆11/05/2008 12:39:00]咁你要小心啲，食藥會肥咪同食避孕丸一樣???
不過叫完一樣又叫一樣，叫得嚟我都做咗啦! --->>>就係您
回覆刪除呢種急先鋒性格,睇黎,您想減輕一下家務都好難囉~~
我現在每當入廚房煮飯時,都係叫個女執檯,鋪報紙~
佢成日話又係我,我即問她,咁煮飯又係邊個??
亞女死死氣說,係媽咪,我話~咪係囉~等您大個D,
媽咪負責鋪報紙,而煮飯就係由您煮比爸爸媽媽食架啦~
[版主回覆11/05/2008 14:20:00]你就好啦........可以瞓到成點! 我都有叫個囡執枱鋪枱布，我係嬲大老爺好似大爺咁，返到嚟都唔幫手，仲坐定定食嘢，飯都唔幫手開!
如果太忙同太攰,咁整Ｄ簡簡單單嘅,唔駛日日都３餸一湯,有時咪食個飽或煮個公仔麵算囉.我地mrleung咪又系咁,坐在到做大爺,不過我唔鍾意佢搞我廚房Ｄ嘢,因為佢會越幫越忙,Ｄ嘢又亂咁放,做嘢又做一半,真系唔做好過做嘞!
回覆刪除[版主回覆11/05/2008 15:25:00]我唔使返工我唔會投訴，但我都做咗成日嘢! 我都係煮三四日啫，都唔係日日都三餸一湯，湯我係一個星期先煲一次!三餸就一定要，香港人唔喜歡食包當晚餐架!星期四係煮麵日!
我都好明你果啲忟法呀!班大少大小姐，飯來張口，重要三催四請。第日你都係叫一次把就，自己埋位食，由鬼得佢地慢吞吞。
回覆刪除[版主回覆11/05/2008 15:26:00]我都係咁話，我唔叫佢地鍾意埋位咪埋位囉!
我覺得你老公同囝囡好幸福呀! 不過可能佢地身在福中不知福啦, 有個咁好嘅老婆, 媽咪成日煮咁多唔同口味嘅野比自己食, 真係開心都嚟唔切啦, 仲要趨埋枱? 其實要幫手先啱呀! 好明白你忟嘅程度!!!!!
回覆刪除[版主回覆11/05/2008 15:27:00]佢地明先得!
肥是一種福氣, 我好瘦, 好單薄、無福氣。你真是了不起, 放工買餸煮飯又要洗碗拖地, 我想﹏你好夜才可休息。
回覆刪除[版主回覆11/05/2008 15:52:00]我明，但想瘦到可以着大碼衫就得啦!洗碗拖地唔係我做架，係大老爺嘅職責!
你先生都好好了, 很做家務。點解你唔叫兩個仔女做, 你們上班下班都疲於奔命, 放工後還要煮飯洗碗, 而後生的就齋坐等食。好奇怪!
回覆刪除[版主回覆11/05/2008 16:10:00]都係嘅，問心嗰句，佢唔激我個時係好好架! 個女我有叫，個囝成日係房，我係嬲佢地"不"埋飯都要叫啫!
我一方面都 keep 住睇緊中醫來調理身體，依家身體既免疫能力強壯左，傷風感冒好少發生，面色都好好多，我老公叫我睇中醫，係希望 d 中藥可以幫到清洗西藥對我身體的影響 ~~
回覆刪除[版主回覆11/05/2008 16:53:00]你可以私人回應喎，唔使咁多人知! 我就做耳針keep住調理身體，以前我好多暗瘡(雖然老)，代表我身體失調，針咗之後我好少傷風感冒同無晒暗瘡，但時間要長啲!
hihi,多謝你到訪樂樂o既blog,等我都o黎 吸下野先 你煮d餸都真o係唔錯,值得參考呀
回覆刪除[版主回覆11/05/2008 17:19:00]大家研究下啦!
肥人有肥福,肥少少冇問題*我自已都係*最緊要健康
回覆刪除[版主回覆11/05/2008 17:22:00]如果我係少少肥就好啦!
我都係呀!~
回覆刪除每晚都唔知要叫幾多次d人先肯位食飯囉~~~
[版主回覆11/05/2008 21:38:00]我剛剛做完瑜伽返嚟! 係呀，真係叫到火到嚟埋!
hahaha~~~我諗返以前我阿媽叫我食飯,我同家姐細佬又係咁,唔理唔郁~~~無咩原因既,只不過有時掛住睇電視,睇漫畫,做自己嘢......總之無諗過煮嗰個辛苦啦!!!有時我仲同阿媽講我唔想食,我諗佢都俾我激C~~~~
回覆刪除不過我依家乖啦,因為我都做咗人哋阿媽~~
[版主回覆11/05/2008 21:40:00]我剛剛做完瑜伽返嚟!
哈哈 ~~ 唔緊要啦！ 有睇開我既 blog 既朋友，都知道我發生緊咩事 ~~
回覆刪除[版主回覆11/05/2008 21:41:00]我剛剛做完瑜伽返嚟! 我剛剛先認識到你，等我有時間去探下你個blog!
你有沒試過在家自己瑜伽呢?
回覆刪除[版主回覆11/06/2008 16:34:00]屋企細無地方人又懶!
叫極都唔聽真係會火都黎埋架.....
回覆刪除完全明白呀 ....
[版主回覆11/07/2008 16:49:00]係呀，通常亞媽一定明白!