BBQ
好耐都無試過，都有六、七年啦!
最怕要去霸爐，又無私家車，
要搭公車去郊外燒嘢食，唔好攪我，我情願唔食囉!
可能年紀大，唔喜歡同人爭!
難得有個同事屋企可以燒嘢食，
成班同事一齊BBQ，好期待今日呢!
今日飛咗大老爺，唔同佢食飯，
但我知佢無所謂架，
噚晚我無同佢講過一句說話，始終個心都係嬲嬲地，
佢亦無同我講嘢喎!(佢係咁架)，
佢唔會主動氹我架，永遠都要我主動同佢講番嘢，
若我嬲佢，佢都會若無其事咁，
祇會等我同佢講番嘢先!
今朝佢好似當我透明咁，真係好嬲!!!!
一早出去同個FD食早餐，一杯醒神嘅奶茶係不可缺少嘅!
跟住一齊去街巿買海鮮燒，仲買多啲蔬菜菇菇等!
因為今次祇得四個人燒，所以唔係買好多嘢!
我同個FD早嘢返佢屋企預備啲食物先，
點知今次仲有個好耐嘅同事嚟，
齊人一點開始燒烤，
佢地居然神神秘秘咁，係廚房攪嘢，
原來呢間嘅屋嘅屋主居然整個蛋糕俾我呀!
好驚喜，因為佢係第一次整蛋糕，
我之前佢生日祇係做咗個大MUFFIN蛋糕俾佢咋，
真係慚愧!
佢今次為咗整呢個蛋糕，已經預備咗好耐啦!
佢本身係唔識整蛋糕，真係好好味，
我都要努力啦!
出年佢生日，我一定整個真蛋糕俾佢補數!
~芒果慕絲蛋糕~
好好味，真架個味道真係啱啱好!
多謝你呀"加菲媽咪"
仲有花同禮物呀，呢兩個死黨真係了解我呢!
因為我好鍾意收花架!
衷心多謝你地呀!
真係開始BBQ啦!
好開心，係呢度燒嘢食又方便，
一班同事都食得好飽，仲有燒後糖水呢!
睇下幾多嘢食，燒完仲有西瓜食!!!!!
啲嘢醃得好好味，環境都唔錯呀!
起碼唔使係郊外喂蚊!!!!
好大棵木瓜樹!
返到屋企，晚飯都食唔落啦!
可以拆禮物囉，
嘿嘿...........咁健康，買啲補品俾我????
我成日都唔記得食喎!!!!
拆咗先知係個好靚好靚嘅杯呀，真係好好好好.....鍾意!
好開心嘅一天呀!!!!!
您今日生日嗎??
回覆刪除祝您: 生日快樂~~心想事成~~
[版主回覆11/01/2008 07:58:00]噢，唔係呀!聽日先係，正日梗係留番大老爺啦，每年我都得呢日使盡佢咋!
第2,生日快樂,你好開心喎,有咁多好朋友
回覆刪除[版主回覆11/01/2008 08:09:00]叻女喎，攞到第二! 多謝你先，係BLOG度我先識到咁多朋友咋，以前淨係得啲同事咋!
(Empty)
回覆刪除[版主回覆11/01/2008 08:11:00]H a p p y H al l o w e e n !!!
我以前係公司都係用個好大嘅杯, 因為可以一次過斟滿唔洗成日行嚟行去呀!! 你都帶佢返公司用啦!!
回覆刪除[版主回覆11/01/2008 07:57:00]我公司個杯仲大呀，係仔仔前幾年嘅母親節時送俾我架，而家難咗囉，而有個咁靚嘅杯啱晒~!
真係好開既一日呀 ! 你個 friend 好有你心呀, 整第一個蛋燃係你既生日蛋糕 ~ happy birthday !
回覆刪除[版主回覆11/01/2008 07:56:00]噢，係呀!佢平時係無呢啲心機整架，真係好開心，咁多人錫我!
正啊！
回覆刪除Frances，如月星期天生日啊！
[版主回覆11/01/2008 07:40:00]哈哈...........收咗兩個蛋糕，我諗係人都知囉!
HAPPY BIRTHDAY TO YOU!
回覆刪除HAPPY BIRTHDAY TO YOU!
HAPPY BIRTHDAY TO 如月!
HAPPY BIRTHDAY TO YOU!
青春常駐,
身體健康,
財源滾滾.
[版主回覆11/01/2008 07:39:00]喂，聽日先係喎，今日講晒，咁聽日講乜呀?
木瓜樹令我諗起亞爺家...有2棵~
回覆刪除[版主回覆11/01/2008 07:38:00]好少咁近有棵木瓜樹，好得意!
預祝你生日快樂!
回覆刪除秋高氣爽, 真係好岩bb蕉! 其實如果你唔想霸爐, 可以去燒烤場。我上次去過, 幾十蚊一位任食, 好抵架!
[版主回覆11/01/2008 07:37:00]噢，係呀!我都鍾意bbq架!但嗰啲燒烤都係新界，好鬼C遠喎!
你鍾意收花,又送朵靚靚花俾你先, hehe
回覆刪除[版主回覆11/01/2008 07:36:00]噢，係呀!多謝你朶靚靚花喎!
生日快樂呀)))))))))
回覆刪除祝你一日靚過一日)))))))))
永不巢皮呀))))))))))))))))))))))))
[版主回覆11/01/2008 07:35:00]哈哈........聽日先係!多謝先! 你講啲嘢真係啱聽，不過已經巢咗唔少啦!
好開心有班好同事同妳慶祝生日 要將D花擺係屋企當眼處 被個暗示 睇下有乜反應
回覆刪除[版主回覆11/01/2008 07:34:00]噢，係呀! 啲花好靚，我放咗係大廳囉，通常佢都無乜反應架!
預祝你生日快樂! 咁多人送生日蛋榚俾你真好...........我生日無人送架
回覆刪除[版主回覆11/01/2008 07:33:00]噢，係呀!今年先有呀! 咁你幾時生日呀，你唔厭棄我啲蛋糕肉酸，我送俾你呀!
首先祝你生日快樂,你Ｄ朋友好錫你呀!
回覆刪除[版主回覆11/01/2008 07:31:00]噢，係呀!啲fd好錫我呀，好有心思!
如月 ~ 你開心就得喇 唔開心既事就扮忘記..飛走晒 訓醒又係開心既新一天
回覆刪除[版主回覆11/01/2008 08:08:00]噢，係呀!我都係唔開心咗一日啫! 希望聽日佢唔再激我啦，乜今日你咁得閑，假期你多數俾晒蕉爸喎!
你真係知我既行程喇... 哈哈 ~ 蕉爸今日要開工呀 所以我都得得地閒 你今日放假玩得開心D喇...開心最緊要呀 !
回覆刪除[版主回覆11/01/2008 08:42:00]唔怪得之你可以巡BLOG啦，你知啦你個蕉爸個地位好過架ma!
我今日咁早起身,係主席嗰邊都係做呀四咋
回覆刪除[版主回覆11/01/2008 08:41:00]你地今日有乜FUNCTION呀?
每年我都得呢日使盡佢咋!--->>>> 我全年都係果日最大~
回覆刪除打不能還手,鬧也唔準佢還口~~但~到了晚上十一點五十五分,
我便要即刻上床"咋瞓",驚佢報仇~~~
[版主回覆11/01/2008 10:14:00]唉，乜聚個老婆返嚟，唔係日日都錫咩? 點解要生日先將佢擺係第一位呀?我每年都因為呢個原因，有生日前抑鬱症呀!
我前排成日病都無寫BLOG 所以更加無遊BLOG...今日終於可以週圍遊下
回覆刪除[版主回覆11/01/2008 10:12:00]你而家無事呀?係咪感冒呢? 好好保重身體呀!
祝妳生日快樂好快樂.......
回覆刪除明天正日玩得開心d啦........
[版主回覆11/01/2008 10:10:00]多謝你先，希望大老爺聽日唔好激我啦!
祝你生日快樂!
回覆刪除咁你吾好嬲你老公喇，吾好激親自己。我老公以前都係咁o架，後尾諗下連我嬲佢都吾在意，咁咪淨係得自己激氣，不如慳返啖氣。依家年紀愈大，就愈無記性，所以連要嬲乜都吾記得。
[版主回覆11/01/2008 10:40:00]多謝，嬲就係仲嬲緊架，但我唔會激親自己嘅! 咁我仲後生喎，我仲記得嬲佢喎!
生日快樂, 個蛋糕好靚
回覆刪除[版主回覆11/01/2008 10:38:00]早晨，多謝，我都覺得個蛋糕好靚仲好好味呀!
祝你生日快樂!!身體健康!!愈來愈靚!!開開心心!!!~~~~
回覆刪除最緊要大老爺聽聽話話~~
[版主回覆11/01/2008 10:38:00]多謝晒，希望你成功整到合桃酥啦，都好易整架!
我已經有十幾年無燒過 BBQ 啦！ 都好想去呀！
回覆刪除[版主回覆11/01/2008 11:24:00]我都係，不過如果係郊外唔好攪我啦!
送多d花比你，等你開心多d！生日快樂！
回覆刪除[版主回覆11/01/2008 12:21:00]嘩，盆花好靚呀，多謝!
祝您〉〉生日快乐~身体健康，心想事成~
回覆刪除願你開開心心過每一天!~
回覆刪除身體健康!~
[版主回覆11/01/2008 23:21:00]
多謝晒你，最緊要開心!
聽日!!!
回覆刪除[版主回覆11/01/2008 22:56:00]黃大仙站可以的，你call我啦，我留電係你個blog度! 我可以10點前或者2點後至6點!
I know I am two hours early, but babe needs the internet for homework so better early than late !
回覆刪除Have a HAPPY day!
[版主回覆11/01/2008 23:18:00]
有心唔怕遲呀，多謝晒你呀，我剛剛同奶奶食完飯咋!
good night baby!
回覆刪除[版主回覆11/01/2008 23:20:00]Good night 乜你而家唔攞第一咩???
多十分钟。。生日快乐！
回覆刪除[版主回覆11/02/2008 07:25:00]Morning!!!babe唔係用緊電腦咩???
生日快樂﹗希望你日日都咁開心，唔好再比人激親﹗
回覆刪除