今朝大老爺居然叫我去食早餐喎，
以前實係我搭車落去，買早餐俾佢地幾條友食!
我仲以為大老爺要落去辦事，順便同我食早餐咋，
點知佢真係特登陪我食早餐喎!
真係冧晒!
為咗慳百幾蚊，
大老爺連續三個星期，都去"宜家"買CD架!
個CD架好高架，6尺幾高!都好重呀!
佢對我咁好，我雖然好倦，都要陪佢嘅!
我地先去呢度.........
大老爺想去買燈，去到俾我發現一間買廚具嘅店鋪!
我梗係開心啦，因為我而家啲煮慾好高，
樣樣都想學!樣樣都想整!
係BLOG度見人地整COOKIES，
用一張叫"baking sheet"嘅矽膠sheet，
恨咗買好耐，但覺得好貴!
今日入到去，裏面有好多整餅嘅用具，
攪到我呢樣又想買，嗰樣又想買，
但係樣樣都百幾蚊呀，好貴呀!
終於我買三樣嘢梗係包括我想買好耐嘅"焗爐矽膠"啦!
呢個矽膠刮可以耐熱300度呀，犀利呀!
\
仲有呢啲我都想買呀!等我啲整餅技巧好啲先啦!
聽日我已經諗咗整啲乜啦!嘻嘻!
我的減肥日誌
第25日：今日真係唔可以話係減肥，食好多嘢!
早餐：大家樂早餐一份+奶茶走甜
午餐：土魷蒸肉餅飯+雲吞3粒
小食：宜家熱狗1隻+coke ligh 1 杯+美國布冧2個
晚餐：生炒排骨飯+菜心6條+肉飯少許
baking sheet正喎
回覆刪除[版主回覆08/17/2008 08:39:00]係呀!恨咗買好耐，雖然我未識整cookies，但我想學，所以都買咗返嚟!
唔好成日話妳老公冇情趣啦.佢知妳好既,不過唔講出聲o者,佢用行表示咪仲好.
回覆刪除[版主回覆08/17/2008 08:38:00]哇!幾年先同你食一次早餐，佢嘅行動唔係成日出現架!
如月:
回覆刪除要好好控制一下購物慾呀~不用得著的不要買來阻地方啊~
聽到您說都替您開心~女人有甚麼要求呀~咪想個老公錫多d自己囉~
[版主回覆08/17/2008 08:37:00]得啦!我想買呢張baking sheet好耐啦!女人真係可以為咗好小嘅事而開心，男人明白就好啦，佢地做多啲我地就開心多啲!
我尋日又係去左 mega box 呀, 但我自己就無收穫 !
回覆刪除[版主回覆08/17/2008 08:35:00]哈!點解撞唔到你?撞到我都唔知點樣?你整麵包咁叻，仲使乜買呢啲工具呀!想問下你做麵包，啲粉係咪要搓完再撻架!又要等佢發酵架，我想學整腸仔包呀!
都話妳老公錫妳啦，男人不識表達，以後記得他對妳好的moment，不要生氣啊！
回覆刪除[版主回覆08/17/2008 08:29:00]佢話費事我成日話佢唔同我食早餐呀! OK!
哈哈~矽膠好貴喎
回覆刪除[版主回覆08/17/2008 08:28:00]係呀，之前係公司樓下"great"度都有一間買矽膠架，但都唔捨得買，但都無baking sheet，呢間就好齊好多款，終於買咗幾件返屋企!計落有著數喎，baking paper 都要十幾蚊啦，矽膠可以用完再用喎!用十幾次咪抵番喎!
好靚既用具 整野食都會開心d同落力d呢
回覆刪除[版主回覆08/17/2008 13:12:00]啱呀，咁靚整都整得開心啲呀!
我寧願要個木訥的男人, 都不要一個口甜舌滑, 口花花, 得閒周圍聊的男人,你呀! 煩腦自尋。 我想你是一個極愛浪漫兼愛行沙灘的女人。我都愛但是要付出。
回覆刪除[版主回覆08/17/2008 13:14:00]係呀，我可以一個人坐係沙灘度沈思架，浪漫嗎?我個太木訥，人就係咁架啦，口花又嫌佢口花，木訥又嫌佢木訥。
好替你開心見你同老公拍拖食早餐！我地做太太的真係好容易被tum，咁就可以開心成日喇！買了baking sheet，新產品好快又出爐啦！加油！
回覆刪除[版主回覆08/17/2008 15:58:00]真係好易滿足架，男人唔明啫!以為要做乜做乜我地先滿足!買咗梗係會search有乜cookies簡單啲，你等我嘅出品!你都好努力呀!我今日整椰汁糕又係打唔起啲忌廉呀，我已經用咗冰墊底都唔得?
拍拖食早餐好sweet呀！
回覆刪除[版主回覆08/17/2008 16:49:00]好sweet呀，女人係咪好易氹呢?
會唔會你的忌廉已經打好左，唔駛再打呢？
回覆刪除[版主回覆08/17/2008 17:27:00]我剛剛post咗，你睇下，好似好啲，但都唔企身嘅?