11月20日
秋季BBQ
地點：獅子山公園(即天馬苑對面山坡，翠竹花園側)
今次主要係我同傻妹Annie傾開，佢好想去呢度BBQ，而且地點好方便!
出席的有
傻妹Annie，好好過日子，Terryma，me
雖然得四個人
but去BBQ都要買齊嘢
同Terryma約好一早食個早餐
其實係我想飲杯奶茶先
去太興食個早餐
就過隔離街巿開始買嘢
(因為無乜信心霸到爐，所以無預備自家醃製食物)
收到Annie通知
我地先會買嘢
若果霸唔到爐
Annie話陪我去唱K架
呢度啲爐好緊張
唔係太多爐
又因為近巿區
所以要好早去霸爐
過咗8點都怕無乜希望
果然8點多點已經full晒
一去到已經見到呢個牌
好耐無嚟
啲爐又靚咗
仲做咗啲蓋遮下太陽
Annie好叻女
揀咗呢個最後位置
有樹遮住
又無前面咁嘈
睇下啲爐做得幾企理
我地唔係買咗好多嘢
丸丸、腸仔、粟米、蕃薯、菇菇、大眼雞、花甲、雞扒(無食到)、豬頸肉(無食到)、牛扒、雞翼(兩味)
汽水同用具早一日
已經預備好
若果用唔著都可以擺得嘛
最正係Terryma做咗俾我地試嘅
粟米包包
淨係睇個樣子已經好吸引
加埋蒜茸牛油
正到暈
點解得四個咁少架
唔好以為我燒到咁燶呀
我專登燒得香口啲架
睇下呢度環境先啦
有洗手間
外邊仲有個水槽俾人洗嘢架
我地先包好啲食物放好係邊位先
燒到咁上下
就有超甜嘅粟米及蕃薯食啦
Terryma好介紹
燒蒜頭
我無試呀
我怕成日都唔使開口呢!
輪到燒海鮮啦
太早街巿無乜好嘢買
燒大眼雞原來好正
我無試過BBQ燒魚架
啲花甲就麻麻啦
估唔到估唔到
今日仲有蛋糕收
本來想齊齊分享
不過
大家都食到捧住個肚呢
結果返到屋企都引唔位
切咗嚟食
好好過日子)))))))多謝晒你呀!
大老爺話好好好好好好食
我要快快開工整俾佢食
咪等佢以為我唔識整呢.......哈哈
你個杏仁酥都好正
下次等我做花生酥俾你試下啦
Terryma做咗朱古力鬆餅
囡囡好鍾意呀
傻妹Annie一啲都唔傻
照顧周到
知我地BBQ完
要做番啲補濕功夫
多謝你嘅MASK
Terryma你好客氣呢
送兩個咁靚嘅杯仔
呢套杯我好鍾意
不過一路都無買
因為怕俾大老爺鬧
今日人少少
最啱我地呢
四個人一路傾一路燒
非常開心
大家都了解唔少!
呢個 BBQ 場幾正喎
回覆刪除[版主回覆11/22/2010 08:18:00]呢度好正架，小朋友有得玩，大人又安心! 而且行去天馬苑買嘢都唔使十分鐘!
可惜 d 蒜頭焗左 ,如果係屋企用焗爐焗正好多架
回覆刪除[版主回覆11/22/2010 08:13:00]下次包多兩層咁焗試下，使唔使我呢個星期六帶番淨番嗰啲俾你再試呢?
我黎偷野呀
回覆刪除[版主回覆11/22/2010 08:12:00]喂...偷咗嘢都仲未交功課嘅
呢個BBQ場環境、公用設備都好好, 而且仲好乾淨企理
回覆刪除[版主回覆11/22/2010 08:11:00]呢度好正架，小朋友有得玩，大人又安心! 而且行去最近嘅屋苑買嘢都唔使十分鐘!
呢啲天氣BBQ最舒服呢！紫心蕃薯............yummy
回覆刪除[版主回覆11/22/2010 08:11:00]嗰日天氣真係好好，天陰陰唔怕曬!真係天公做美的一天!
如月:我想問你燒魚,個錫紙盤的洞,係你地自己整,定係買返來係咁?thx
回覆刪除[版主回覆11/22/2010 08:10:00]個錫紙係百佳買架，好方便呢，都係$18五個!
個場好靚呀
回覆刪除[版主回覆11/22/2010 08:09:00]呢度好正架，而家比起以前靚咗乾淨咗好多，管理又好! 而且行去最近嘅屋苑買嘢都唔使十分鐘!
乜依家啲燒烤場咁正嘅
回覆刪除[版主回覆11/22/2010 08:09:00]呢度好正架，小朋友有得玩，大人又安心! 而且行去最近嘅屋苑買嘢都唔使十分鐘!
個埸好掂 wor ~~
回覆刪除本人好好好鍾意燒野食，不過阿女怕熱氣，
而家好少有呢個活動 .....
[版主回覆11/22/2010 08:08:00]好掂呀，好方便呢! 唉...我都係，雖然呢度咁近，不過仔仔囡囡唔like呢樣活動，我都好少嚟燒!
秋天最好燒野食。
回覆刪除[版主回覆11/22/2010 08:07:00]早知叫埋你啦!人多可以選擇多點嘛!
妳樣樣食物都識整,真係要跟妳好好學習一吓
回覆刪除[版主回覆11/22/2010 08:06:00]咁，以後多啲入嚟交流下啦!
我都好想去燒野食牙
回覆刪除[版主回覆11/22/2010 08:06:00]好彩有好朋友肯犧牲咁早去霸燒爐咋，唔係我都無得燒呢!
個場幾好喎,可惜要甘早霸爐
回覆刪除[版主回覆11/22/2010 08:05:00]愛人你想燒，我7點去霸位俾你燒下! 祇要你帶啲鮑魚呀，龍蝦呀，鱔呀嚟俾我燒就得啦
你地連寫名，都係寫blog名，好好笑呀 eg.好好過日子.....
回覆刪除[版主回覆11/22/2010 08:04:00]咁...係for出blog嘅梗係寫番筆名啦
環境唔錯喎...好舒服咁喎~!
回覆刪除[版主回覆11/22/2010 08:04:00]哈哈...真係好C服架，地方又企理!唔夠食物行去隔離邨都唔使十分鐘!
四個人~可以開枱麻將
回覆刪除[版主回覆11/22/2010 08:03:00]哈哈...我就掛位唱k 你就掛住四方城
我見你o個邊仲有爐,但係門口又話full o既???
回覆刪除[版主回覆11/22/2010 08:01:00]每個爐都有人mark咗架，每人限霸一個爐! 好似我隔離嗰個，一霸就霸到下午三點先有人嚟，有人問佢借嚟燒住先都唔俾，超自私!
人少少都唔錯吖...可以傾到計.
回覆刪除[版主回覆11/22/2010 08:00:00]嗱嗱嗱...你返香港等我霸爐俾你燒啦!
呢個場最正的是.....
回覆刪除即使帶埋小朋友去,都唔駛擔心
小朋友冇嘢玩呢~
[版主回覆11/22/2010 07:59:00]個場真係好正架，而家裝潢過，啲爐有不锈鋼好乾淨! 最好嘅係佢有管理員係度巡架，又有洗手間! 不過實在太迫民區，超過8點都唔使旨意有位，就算你肯等都未必有位你等呢!
真係好了解..4個人D食物好豐富呢~~~
回覆刪除[版主回覆11/22/2010 08:30:00]所以食到好飽!
超過8點都唔使旨意有位，就算你肯等都未必有位你等呢!--->> 老實說句,我又怎會願意早上八點去等位呢?而且,剛擘大眼便去食BBQ食物,對"我"來說,好像有點怪怪的 ~
回覆刪除[版主回覆11/22/2010 08:30:00]哈哈...呢度多數都係啲老人家嚟霸爐，因為佢地晨運後就係度霸爐俾啲後生! 啲後生又係嘅，我前面個伯伯8點嚟到，成1點先見佢啲後生嚟到，都唔明白啲後生咁都得，一個老人家係度坐成4-5粒鐘，佢地瞓少啲早少少嚟陪下老人家都得啦!
嘩...真係要咁早去霸爐架...不過都值得環境好正...
回覆刪除[版主回覆11/22/2010 10:56:00]要呀，早少少空氣好嘛!
個場好靚呀!! 不過下次妳又計劃一早去的時候通知我 ........... 但我去接力燒第二場!
回覆刪除[版主回覆11/22/2010 10:56:00]係咪架，係嘅無問題呀!
同日我都有BBQ, 不過係係大欖涌燒烤樂園, 中午放工入去燒到夜晚十點先走, 秋天真係BBQ的好日子
回覆刪除[版主回覆11/22/2010 10:55:00]大欖涌...係私人bbq場?
Lunch 燒野食 , 食完繼續唱K。正
回覆刪除[版主回覆11/22/2010 10:55:00]哈哈...你喜歡下轉就咁安排啦，不過咁我就要霸咗你一日喎
呢度真係唔錯架. 我都去過一次, 現在靚咗好多
回覆刪除秋高氣爽，最好係燒烤，我上星期先至燒完，睇完你呢篇，又心思思囉的 。
回覆刪除四個女人仔食咁多野! 厲害呀!
回覆刪除香茅茶: 石水渠街，從已拆的龍門酒樓入去，在右手邊，過左華潤超市之後，相連泰國舖的第一間，即面對入口來說，右面果間。
回覆刪除[版主回覆11/22/2010 13:43:00]
我剛剛先去完石水渠街買生果，忘記咗你啲香茅茶添 ，下次我會去搵下!
上個星期去囡囡學校BBQ，都燒唔到幾耐，因為真係無乜耐性添!
回覆刪除我以前住係附近都末享用過呢d設施!真係走寶嘞!
回覆刪除[版主回覆11/22/2010 13:53:00]
你住附近??我都係喎
大眼鷄同紫心番薯都好正呀! 好想食呀!
回覆刪除[版主回覆11/22/2010 14:48:00]
哈哈...你都可以係屋企bbq架!
"老人院"好似total有5個爐, 唔通................我--> 老人院1-->老人院2-->老人院3-->老人院4-->老人院5--> 你?
回覆刪除[版主回覆11/22/2010 15:11:00]係6個爐呀，得嗰二三十個老人家，使唔使霸咁多呀?我見佢地每個爐都係得二三個人係度燒，真係離譜! 我係最後嗰度呀，嗰度無咁嘈呢，咁你係邊度見到我啫?
個環境好靚啲爐又整到咁乾淨, 唔怪之咁搶手啦
回覆刪除講開我都好耐無咁樣霸爐燒野食喇 ...成日咁遲出門口實唔夠人快啦
[版主回覆11/22/2010 17:06:00]係架，過咗8點都危危乎!
應該係你啱啱到, 好似8點幾9點掛<----極度唔肯定時間!
回覆刪除[版主回覆11/22/2010 17:02:00]係呀，9點到呢，哈哈..原來我個嘜頭咁易認架!
月月,
回覆刪除秋季大旅行.....太正呢呀.....
[版主回覆11/22/2010 17:05:00]秋天最適合呢種活動!
大欖涌係私人BBQ場, 興起去B就得架喇, 近大欖監獄、海關訓練學校, 係葵芳MTR搭61M巴士大欖涌站落車, 再向大型BBQ廣告牌方向行5分鐘就到, 假日大人$85一位, 食物任食, 質素亦OK, 飲品價錢合理, 還有麻雀租添
回覆刪除[版主回覆11/22/2010 17:05:00]我搭車都好似見過，不過地點就遠少少啦!
唔止啲爐靚咗, 其他設施都改善好多.
回覆刪除[版主回覆11/22/2010 17:05:00]你去過呢度呀?
今個秋天我都無去過BBQ, 見到你地咁多野食, 真係想攪番次哩 !
回覆刪除[版主回覆11/23/2010 09:32:00]呢排天氣真係好啱，係呢澳門興唔興架?
BBQ do you have fun? I long time no BBQ in here not much people like BBQ...................
回覆刪除[版主回覆11/23/2010 09:32:00]hahaha....hk style bbq唔係好多人鐘意架!
有咁好既BBQ場, 但要8點前霸爐, 真係好早呢
回覆刪除[版主回覆11/23/2010 09:31:00]環境真係唔錯，管理仲幾好添! 啱晒一家大小，所以好多婆婆公公好早嚟霸爐架!
睇番d相我地好勁呀！食咗好多野...........好有食力
回覆刪除[版主回覆11/23/2010 09:31:00]係呀，原來樣樣買少少都咁多呢!
您到太興食早餐
回覆刪除是否大圍果到 ?
果間吳差
我有朋友天天到果到食
睇到您友有最會
珍是快樂友一天啦
[版主回覆11/23/2010 09:30:00]唔係呀! 不過太興都幾貴!
Annie 真係乖女喇.....佢自己一個人去霸爐先呀?
回覆刪除[版主回覆11/23/2010 09:30:00]Annie好乖女架，原來我地住得好近呢!
呢D天氣BBQ真係好舒服, 好爽呀!
回覆刪除[版主回覆11/23/2010 09:29:00]嗰日仲有微風，又無乜太陽曬!
環境都幾好, 個爐都幾C正...又有遊樂場, 啱晒小朋友玩.
回覆刪除[版主回覆11/23/2010 09:29:00]
環境真係唔錯，管理仲幾好添! 啱晒一家大小，所以好多婆婆公公好早嚟霸爐架!
個場好靚呀!! 不過下次妳又計劃一早去的時候通知我 ........... 但我去接力燒第二場! <---- 真架!! 下次去的話記得話我知
回覆刪除[版主回覆11/26/2010 08:32:00]ok吖!
而家郊遊BBQ就最合心意 la.
回覆刪除[版主回覆11/26/2010 08:33:00]天氣真係好好!
燒海鮮係最鮮甜的食法，天氣開始涼BBQ癮起啦。
回覆刪除[版主回覆11/26/2010 08:33:00]少人唔買得多食物啦!
不知幾耐冇BBQ 我想飲啖
回覆刪除[版主回覆11/29/2010 09:29:00]返香港飲飽佢啦!