16~Nov~2009(一)
朝早有17C
但傍晚會降至13C
********
呢幾日有冷風到
所以天氣突然間轉涼
今日又有另一個冷風到
夜晚氣溫會降至13C
都唔明囡囡已經係高中生
做乜問親佢乜都話唔清楚
上星期轉涼
問佢學校有冇話可以穿冬季校服
佢又話唔知
吩咐咗佢問清楚學校
佢又當我講嘅嘢係耳邊風
今朝再問佢又話唔清楚
見著佢著住條薄薄的白色校裙
心都痛埋
咁鬼凍叫佢換冬季佢又唔敢
唉.........
囡呀囡...
你已經唔係小學生啦
無需要亞媽問呢問路
好多嘢應該要自己去處理
你幾時先會大個呀????
********
今晚食乜
買咗十罐丁丁
梗係鍾意食啦
聽同事講
原來可以咁整喎
【薯丁肉丁】~(食譜按此)
【香芋燒腩潤腸煲】~(食譜按此)
雖然今餐唔多健康
不過少食無防!!!
1
回覆刪除[版主回覆11/16/2009 21:43:00](Empty)
今日我都震晒 不過唔係凍到震喎
回覆刪除[版主回覆11/16/2009 21:43:00]我整緊包包呀!
3
回覆刪除[版主回覆11/16/2009 21:43:00]你係亞二呀，傻豬!
阿大張成績表出左喇 一陣話妳知
回覆刪除[版主回覆11/16/2009 21:48:00]好緊張呀!
硬琳唔係凍到震哂 , 唔通俾人電到震 哂
回覆刪除[版主回覆11/16/2009 21:49:00]兩樣都有可能!
33333
回覆刪除[版主回覆11/16/2009 21:49:00]你嗰邊唔凍喎!
做左亞 四 tim
回覆刪除[版主回覆11/16/2009 21:49:00]歡迎喎!
叫囡囡帶多件衫去學校啊
回覆刪除[版主回覆11/16/2009 22:00:00]今日佢返嚟已經知道可以換季啦!
我係亞五.
回覆刪除囡囡大個喇, 好多事真係管唔到, 只可以多口提一句. 佢冷襯, 下次就會著多件衫. 唔好太上心.
丁丁, 我都鍾意呀!
[版主回覆11/16/2009 22:00:00]咪就係囉，咁大個天氣凍都要換季架，佢就係咁架，乜都唔肯定! 丁丁，真係幾好味!
講得啱，少食無防，不過都係少食為妙。
回覆刪除[版主回覆11/16/2009 21:58:00]我知啦!
如月,你照顧得阿女太好了,所以她不用知太多嘛!
回覆刪除呢個丁丁薯仔都幾好喎!
[版主回覆11/16/2009 22:00:00]哈哈...咁我以後咪唔好理佢地呀?
仔女點可以唔理呢!
回覆刪除要佢地學習照顧自己就真!
[版主回覆11/16/2009 22:16:00]有時會忍唔住要開口架!
係係囉囉攣呢
回覆刪除阿大既食評係...................................................................................................蛋黃酥砌低左皮蛋酥,因為個皮蛋酥D紅薑多左同大舊左,同埋D MINI皮蛋唔令,下次用返大皮蛋會正好多 至於個蛋黃酥甜度岩岩好呀
P.S佢試食個陣無樣衰衰甘,仲食得好型天
[版主回覆11/16/2009 22:15:00]咁個皮掂唔掂呀?我驚太快放入盒會腍呀! 今次個綠豆薑茸無譜架，都唔知幾多加幾多，下次我知要將啲紅薑切絲至得! 今次係長江買啲白蓮蓉唔多掂，下次我去樂天買啲白蓮蓉你試下啦，正好多架! 乜亞大係你心目中唔係時時都咁型咩
你真係照顧得阿女太好了, 她太依賴你了!
回覆刪除呢個丁丁薯仔都好特別喎! 我又試吓整先,
香芋燒腩潤腸煲,食完胃都暖晒,不過都係唔好食咁多, 少食也無防嘅.
[版主回覆11/17/2009 08:56:00]可能係架，佢好痴我架! 你都試下啦!
個個阿媽都係咁嘅!
回覆刪除慢慢來喇!
[版主回覆11/17/2009 08:53:00]仲慢慢，哦多幾年都唔見人囉
我都係覺得皮蛋酥的紅薑大 舊左, 我今日食左一個個皮有些腍 !
回覆刪除[版主回覆11/17/2009 08:52:00]係呀，下次啲薑會切絲，仲有個皮蛋真係唔多掂，個盒唔係存氣架，就咁放係度會疏氣架，你有冇換落個密實盒度呀?
唔係自己換季咩...琳琳學校之前已經話可以自由換呀...
回覆刪除唔記得話妳知 2人同行...遲到早退呀...明唔明呀...
[版主回覆11/17/2009 08:51:00]我個囡成日都聽唔到先生或學校嘅指示架!
到~
回覆刪除[版主回覆11/17/2009 08:50:00]早!~
家陣HK凍過NY啦
回覆刪除[版主回覆11/17/2009 08:50:00]今朝12度呀，你嗰邊呢?
咁凍都只着夏天校服?好陰公呀...我哋哩邊唔使着校服架...好自由,着咩都得.
回覆刪除[版主回覆11/17/2009 08:50:00]我見呀，如果香港係咁，我諗啲學生都會讀書讀得開心啲架!
天氣凍左好多 ,你地一家要著多件衫呀
回覆刪除[版主回覆11/17/2009 08:49:00]我好怕凍架，今朝已經著咗羽絨啦!
後生女唔怕凍架！佢凍自己識著衫啦，你哦住佢仲會覺得你長氣添。不如諗下整咩好野食仲好啦。
回覆刪除[版主回覆11/17/2009 08:49:00]我都知，但見到佢咁肉痛呀!
荃灣得 13 度咋
回覆刪除[版主回覆11/17/2009 08:49:00]你有冇著夠衫呀?
十三度係呢度近排至高溫度 一流呀
回覆刪除[版主回覆11/17/2009 08:48:00]你嗰度凍成咁
哈哈~~~你對個囡講嘅說話...好熟口熟面...
回覆刪除我以前都同個仔成日講...上年嬲得滯...把心一橫...唔理佢...點知有一日佢一番嚟就問我攞 "幸福" 食...之後...佢自己就係著 OR 帶外套喇...有時仲會自己開電視睇幾多度至番學...HEHE....
[版主回覆11/17/2009 06:20:00]咁我唔知等到幾時囉!
我個女都係咁架...有時問乜野又係話唔知, 真係激C呀!
回覆刪除係咪女仔都係咁呢......
你個薯仔煮得好靚呀!
[版主回覆11/17/2009 06:19:00]啲女仔係咪都係咁架，乜都唔清唔楚!
咁鬼凍叫佢換冬季佢又唔敢---->>> 天氣咁凍, 您問吓佢D同學又點樣著呀?如果部份同學都有著冬季校服,佢咪唔驚囉,不然,叫她著多對肉色襪褲,加件外套,回校再除吧~
回覆刪除[版主回覆11/17/2009 06:18:00]佢噚日返去都見到有人換咗季啦，今日唔使講啦! 佢地好似唔怕凍咁，唔肯著絲褲架!
唔知係咪家陣d後生唔怕凍呢~!
回覆刪除今朝先見一個中學女生,穿夏季校服裙加一件冷背心,都好似一d凍意都無囉~!
[版主回覆11/17/2009 08:48:00]
佢地最怕唔靚! 今朝我個囡著夠衫啦!
依家都係12C 下午有14C 妳有著夠衫嘛 小心身體 保重啊
回覆刪除[版主回覆11/17/2009 11:17:00]我已經著咗羽絨啦!
今朝起身真係幾凍架, 不過還可以接受
回覆刪除[版主回覆11/17/2009 11:16:00]無落雨都好啲架!
細個時聽過人家講過一句「要靚唔要命」, 真係好怕佢地會冷親, 陰功
回覆刪除[版主回覆11/17/2009 11:16:00]哈哈﹒﹒﹒佢地靚第一!
我囡囡都噚日開始換季喇, 女仔係咁架喇, 唔係太擔心既..我囡囡早幾年都係一樣, 懵盛盛咁....
回覆刪除[版主回覆11/17/2009 11:15:00]唔担心，佢今日著咗好多衫啦!
我個仔都係咁架
回覆刪除我都叫佢今日換季
佢話過度期，唔洗換住
真係比佢激死
睇見你碟薯丁肉丁就想食
[版主回覆11/17/2009 11:15:00]個個後生都係咁架!
唔駛耽心啦, d細路個個都係咁架, 我個大少爺凍病過一次, 而家會自己搵衫著啦, 佢地個個都係"熱血青年", 口口聲聲都唔怕凍架, 寧願縮下縮下都唔肯多著一件, 咪尤得佢囉, 肉痛d俾佢冷親一次, 下次佢地會自己醒目啦
回覆刪除[版主回覆11/17/2009 11:14:00]唔担心啦，佢今日著好多衫
呵，係咪佢自己唔想換冬季呢?
回覆刪除有時啲年青人諗嘢係我哋意想不到。
[版主回覆11/17/2009 11:14:00]係呀，年青人愛靚唔愛命!
煲仔菜...........好呀, 食完成身warm 晒
回覆刪除[版主回覆11/17/2009 17:21:00]冬天係煲仔菜好!
我個仔同妳個女都好似 , 真係驚佢冷親呀 !
回覆刪除[版主回覆11/17/2009 17:21:00]時下年青人係咁架
荃灣今朝得9c咋 ..... 而家唔興著絲襪咖 ．．．
回覆刪除[版主回覆11/17/2009 17:20:00]咁你即係住.........啦!
next time when we have gatheing, u must come with your daughter, let Justina, Rachel, Huey make her more outing and talkative, sure later u will feel very very noisy ge la.
回覆刪除[版主回覆11/17/2009 17:20:00]未必，我個女好被動架!
同我三嫂個兩個女一樣，問極都話唔知、唔清楚~~~
回覆刪除[版主回覆11/17/2009 17:20:00]哈哈﹒﹒﹒一模一樣!
我就喜歡薯丁啦！ 應該幾健康架
回覆刪除[版主回覆11/18/2009 06:23:00]哈哈‧‧‧有肉丁想健康都難啦!