20~Sep~2009(日)
雖然天陰
都係好熱嘅一天
例行咁飲完茶
就同囡囡行咗一陣
都係買料煲湯
又買咗啲料玩餅
無錯
又玩嘢
今次玩乜
咪係"廣式奶皇月餅"囉
冰皮仲會繼續玩
做冰皮可以平時放工做
但做廣式月餅時間需要耐好多
今次試咗T&P師傅嘅奶皇餡
其實舊年我都整過一個"硬奶皇"
今年想玩多個譜譜
T&P師傅呢個奶皇軟滑啲
容易做都幾方便
【奶皇餡】~(食譜按此)
【廣式奶皇月餅】~(食譜按此)
呢個譜譜又係同事俾的
大老爺真係好老實
見過我焗完啲月餅
同我講
叫我都係做冰皮好啦!
今次都係有咁嘅情況
有裂紋
個爐溫仲要留意
仲有個奶皇餡可能無雪過唔夠硬
所以個餅有變形嘅情況!
要邊樣先可以焗到無裂紋呢?
廣式月餅嘅技巧真係好難
比起冰皮又多好多功夫!
(Empty)
回覆刪除[版主回覆09/20/2009 22:35:00]而家你晚晚都好叻呀!
(Empty)
回覆刪除[版主回覆09/20/2009 22:34:00](Empty)
會唔會係個皮太薄 餡太多呢
回覆刪除[版主回覆09/20/2009 21:41:00]個比例應該係啱架!舊人我做都係差不多咁!
晚安吖, 如月~ 係咻迷你月餅黎架.... 會唔會係水同油o既比例唔o岩呢?!
回覆刪除[版主回覆09/20/2009 22:34:00]據我所知係個焗溫唔夠高，可能我一開始仲要高溫啲至得!
(Empty)
回覆刪除[版主回覆09/20/2009 22:31:00](Empty)
如月 笨笨流晒口水啦 我又要食呀 冰皮永皮呀~
回覆刪除[版主回覆09/20/2009 22:32:00]哈哈...........冰皮售罄啦
梗係 我一早擔定凳仔等妳架
回覆刪除[版主回覆09/20/2009 22:47:00]今日我整爛咗個真空煲呀
吓 點解呀 跌落地爛咗
回覆刪除[版主回覆09/20/2009 23:02:00]死笨嘅我!煲完湯，熄咗火以為得，放埋個外煲上個爐度，咁咪衰咗囉，個爐仲好熱架，個煲底溶晒呀
愛人呢個奶皇係好淋身架,我會將D餡分好一份份搓圓再雪下佢先包,甘就易包D同無甘易變型架喇~
回覆刪除[版主回覆09/21/2009 06:09:00]一入爐都知自己太懶衰咗啦，但仲係唔明點解個餅皮又裂架?
你越黎越掂啦..整完冰皮整廣式.
回覆刪除[版主回覆09/21/2009 06:10:00]乜我以前唔掂咩
SORRY AR,我意思係我整既廣式奶皇餡,並不是T&P呢個,因為我整過幾款奶皇餡都係淋身既
回覆刪除[版主回覆09/21/2009 06:08:00]我噚年整過一個硬奶皇，比較硬身，應該會好啲，呢個做冰皮同麵包會好好!
哇~!好勤力整月餅喎~!老友~!
回覆刪除[版主回覆09/21/2009 06:11:00]老友，你可以解答我點解有裂紋嗎，係咪個爐溫唔夠高呢?
早晨早晨! 你真係勁呀!整完冰皮又整廣式月餅, 佩服,佩服.
回覆刪除[版主回覆09/21/2009 06:11:00]有食譜就好易架啦!
奶黃餡入酥皮已經難掌握啊~!入漿皮更考起我啦~!老友~!
回覆刪除[版主回覆09/21/2009 10:10:00]乜漿皮仲難過酥皮咩?我今日知係糖同油嘅份量可能差少少，我一定要挑戰佢架，但唔知係油多定係糖多呢? 我要整五仁月俾老人家食呀!
仲有!!!!!!!!!!你呀~!!!你呀~!!!!!引誘良家婦女呀~!
回覆刪除引誘人家囉囉攣瞓唔著嘛~!半夜三更整冰皮幾嚇人嘛~!
[版主回覆09/21/2009 10:12:00]呵呵 ~我都估到你係 未瞓 架啦! 咁整咗啲乜嘢未啫，我整咗兩次芒果餡都失敗呀! 你有冇朱古力同芒果、榴槤餡個譜譜呀....老友 乜你唔係日日都半夜先整嘢咩!
有乜問題呢?你比我試吓等我品評吓啦!我覺得好靚喎!
回覆刪除[版主回覆09/21/2009 12:03:00]你真係錫我架啫! 你唔見又扁又裂架?都唔似月餅!
午安呀! 師父. 廣東或真係難好多. 不過, 奶皇餡都好ok樣.
回覆刪除我都整咗冰皮, 第一次都ok. 第二次整綠茶皮想煙'un'多少少, 所以落多咗糯米粉就出事. 今朝想包都包唔到, 太軟身. 馬上整過一次, 好似好d. 不過, 個栗子餡就好過上次蕃薯.
您快整朱古力餡, 我想整呀!
[版主回覆09/21/2009 14:33:00]咪叫師父呀，我點敢當啫! 想煙un啲可以減少20g水，太多個皮會好容易變硬! 會一次好過一次架啦，我今晚就係試個朱古力餡啦!
見個個blog友都掛住整月餅喎！
回覆刪除[版主回覆09/21/2009 14:34:00]一年容易又中秋嘛!
唔係丫，睇相都好ok喎! 咁你試食左未啊?
回覆刪除[版主回覆09/21/2009 15:55:00]呵呵 ~都食得嘅! 要回油三日呀!
我覺得好靚喎~ 大老爺真係比你搞到嘴刁la!
回覆刪除[版主回覆09/21/2009 15:55:00]可能係喎!
如月,你好ar!~你d食諳真係好好ar!~我已經跟住做,做左麥提莎糯米同埋蛋撻ar!~真係唔該晒你ar!~thank you very much ar^^
回覆刪除[版主回覆09/21/2009 15:55:00]唔使多謝，你開心我就開心架啦!
今日好熱 ,放工反家途中幾乎熱溶咗.如果可以熱溶d多餘ga脂肪,你話幾好呢
回覆刪除準備啦,仲有1粒多鍾收工
[版主回覆09/21/2009 16:47:00]乜你今日要返工咩，一個星期返幾多日呀? 如果可以"溶脂"，咁我去做泥工啦!
勁喎， 玩完冰皮玩廣月餅 。
回覆刪除[版主回覆09/21/2009 17:29:00]呵呵 ~製冰工場暫時停工!
你整餅整到有d出神入化嗱.....我之前都只係整過冰皮月餅咋....
回覆刪除[版主回覆09/21/2009 21:49:00]你咁講笑死人啦!冰皮好易整架!
都唔錯呀 !
回覆刪除[版主回覆09/21/2009 21:50:00]係..........都唔錯嘅，食得嘅 你識唔識整廣式月餅呀?
嘩...條痕要用放大鏡先睇到喎！.... 都整得好好吖！
回覆刪除....會唔會因為太多餡呢？
[版主回覆09/21/2009 21:51:00]呢個梗係全盆最好嗰個啦，其他慘不忍睹! 可能係餡同皮個比例唔對，下次執一執佢先!
唔係漿皮難呀~!係奶黃餡入爐會膨漲啦~!餡既大小要計得準比較難掌握呀~!
回覆刪除我做漿皮用自己整既轉化糖漿呀，未用過金獅呀，所以唔係好清楚呀~!
[版主回覆09/21/2009 19:55:00]咁你可以俾個譜譜我參考下嗎? 俾譜我嘅人話可能我無握實個餡同皮!咁皮同餡個比例係幾多呀?
做廣東月餅真係好難做...咁我唔會試做住㗎！未有心理準備！
回覆刪除[版主回覆09/21/2009 21:52:00]最難控制係個火力同餡料!
請問你幾時開班受徒呀.... 我肯定第一個報名.
回覆刪除[版主回覆09/21/2009 21:52:00]講笑咩，你有人幫你煮嘢啦
做冰皮都已經好勁㗎啦，仲做埋廣式添，真係佩服哂咯...
回覆刪除[版主回覆09/21/2009 21:52:00]但唔多成功呢!
你錯喇....我其實係好鐘意整嘢食嘅人黎架.... 以前冇工人果時 , D伙食係由我一手包辦, 不過我都係鐘意整甜品多D... 如果我可以學到你一半我都好開心死咯.....
回覆刪除[版主回覆09/21/2009 22:39:00]嘩，我呢啲師奶功夫，點見得人架!
您既餅絕對可以攞出去賣
回覆刪除[版主回覆09/21/2009 22:57:00]咁你買唔買?
做廣色唔使噴水喎，入爐塗蛋汁便可以，您做左好多月餅呢
回覆刪除[版主回覆09/21/2009 23:19:00]係咪酥皮先要架?但好多食譜都話要嘅?你識唔識整呀?
我做開白蓮蓉冇做過奶皇，噴水多會化開嫁
回覆刪除[版主回覆09/22/2009 06:13:00]咁係咪漿皮係唔使噴水架?
識 - 不過唔係叻
回覆刪除[版主回覆09/22/2009 06:12:00]咁知唔知我出咗乜嘢問題，會裂呀?係咪真係個餡多咗啲呢?
冰皮就連我都handle到....所以應該唔算難整啦....
回覆刪除[版主回覆09/23/2009 16:55:00]冰皮好鬼簡單架!廣式月餅衰咗啦!
我係偷您師學整餅, 您仲唔係我師父, 咁咪叫您師姐囉.
回覆刪除[版主回覆09/23/2009 16:54:00]我咪係偷人師 師姐都好!後生好多嘛!