失敗再失敗!!!

29~Sep~2009(二)

26C~28C

天氣因風暴關係

涼咗好多

仲落好大雨

今日又請咗假

不過唔係去玩

而係陪細妹去見醫生

所以一早起咗身

整好咗個廣式月餅皮粉糰

等佢靜置到我返嚟就可以開工

點知等醫生等咗三粒鐘

又要趕住返嚟開工

所以都無同佢食飯

買咗少少餸

買多份麥記包包

結果今日係三點先食我嘅午餐

五仁果子月

上一次失敗後

搜集咗好多資料

又因為大老爺覺得唔夠大唔夠靚

見今日有啲時間

所以決定再戰一次

(結果如何，明日再匯報)

榴槤冰皮

相信好多人都喜好

可惜出邊買的都好貴

所以我都想挑戰榴槤冰皮

諗呀諗呀

諗下點樣先可以將啲榴槤做到夠挺呢?

前幾日終於買咗包榴槤肉開工

做好份餡入冰箱

噚晚

開工做個皮

可惜個餡雪完都好水

根本係做唔到餡

再加粉..加..加..加

都係唔多掂

但係個皮做好咗

無理放棄架

硬著頭皮照包

勉強包成冰皮

但中間好軟好軟

小心翼翼咁放好

立即放入雪柜

今日攞出嚟試

都勉強切到

無流晒啲餡出嚟

但仔仔話似榴槤pancake多啲囉

究竟榴槤點先可以夠挺做到餡呢?

定係就咁將啲榴槤肉放入冰皮呢?