5~Sep~2009(六)
新世紀加洲紅K~buffet
我而家真係好鬼鍾意唱K
每次都唔會放過可以唱歌嘅機會
今次我地十二個人有四個鐘時間
所以好似可以唱好耐咁
今晚大家都唱得好痛快
(雖然有幾位係唔唱K的，不過佢地應該唔會介意，聽啲咁難聽又走音嘅歌嘅)
成晚我同Jo姐由頭唱到尾
mother，師奶仔，mommy dearest，daddy dearest，同大家姐都有唱架
個個都好enjoy今晚嘅聚會!!!
mommy dearest同daddy dearest合唱
原來daddy dearest都好鍾意唱K架!
我，Jo姐同mother都唱得鬼咁開心
大家識唱嘅歌都係嗰啲(你地估啦)
師奶仔同mother呢個組合唔錯架!!!
每次blog聚最壯觀嘅點止係伴手禮咁簡單
睇下有幾多部相機
今晚好多謝daddy dearest充當攝記
因為師奶仔做咗個蛋糕做我地嘅甜品
事先咁佢話幫我地雪住先
點知叫佢地攞嚟嘅時候
梗係以為我地有人生日
熄晒燈仲播埋happy birthday首歌添
鬼死咁有氣氛
我地咪將錯就錯咁
一唱happy birthday
好開心呀
就算唔係自己生日都當架啦
***********
咁啱Jo姐係9月之星
所以呢支蠟燭就由呢位壽星女去吹啦!
[桂花豆腐芝士蛋糕]
好好味呀
師奶仔用咗個新餅底
係琳琳俾嘅
真係好食過一般嘅餅底
我又要學)))))))))))))))))))))))))))))
[伴手禮]
呢度祇係一半咋
有人遲咗嚟
我又唔記得影
所以得咁多!
玻璃人咁煩咁忙
都整咗兩個袋俾mommy同開心媽咪
開心媽咪好有心
佢今間因為家庭飯聚唔嚟得
但都專登過嚟見一見mommy
睇下chloe攞住個袋唔肯放呀!
呢件衫係我架
多謝晒玻璃人
我呢件唔係瑜伽衫嚟架
我會著出街架!!!
多謝mommy嘅手信
連囡囡都有禮物!
多謝開心媽咪嘅蛋糕
多謝小丸子嘅花花模
好靚呀!
多謝Jo姐嘅禮物
多謝show me嘅雲石蛋糕
多謝師奶你嘅咖啡戚風蛋糕
都係咁好味
好彩有你呢個蛋糕咋!
又係囡囡嘅禮物
你點知佢鍾意呢隻熊仔架?
多謝大家姐嘅禮物
多謝mother嘅禮物
我都有預備小小伴手禮
【菠蘿小蛋糕】
個譜譜有蛋糕乳化劑的
我無落，所以個蛋糕好似實咗少少!
仲有Cappuccino味嘅麥提莎糯米糍
好多謝今晚出席嘅朋友
今我有今晚咁難忘嘅聚會
我相信咁多位都玩得好開心
係咪!
~完~
係好開心呀...我睇倒你地都覺得開心呀！我都係一樣啫！
回覆刪除[版主回覆09/06/2009 22:45:00]今晚都好開心，係九月之星的一個約會呢!
嘩！嘩！嘩！好熱鬧呀！
回覆刪除[版主回覆09/06/2009 22:45:00]嘻嘻﹒﹒﹒終於有客到啦! 今次真係好熱鬧呀!
係bor！做咩咁靜？
回覆刪除等我同你衝下人氣先！
[版主回覆09/06/2009 23:05:00]咁你仲唔衝埋上集?
嘩 真係乜都好多呀, 好多人, 好多相機, 好多伴手禮, 最重要係好多開心
回覆刪除[版主回覆09/06/2009 23:48:00]嘻嘻﹒﹒﹒食完糖水啦! 噚晚真係好開心架!
一睇就知妳哋玩得好開心 , 仲有咁多伴手禮
回覆刪除[版主回覆09/07/2009 00:02:00]嘻嘻﹒﹒﹒噚晚真係玩得好開心，你睇見我有幾興奮就知啦 !
見到個相機陣容 就知我地人多勢眾啦
回覆刪除[版主回覆09/07/2009 06:20:00]今晚真係仲多人!
你整的麥提莎糯米糍好好味呀！多謝晒呀！
回覆刪除[版主回覆09/07/2009 06:19:00]哈哈‧‧‧係咪真架，你唔使氹我架!
講相機都唔夠我哋今晚多! 淨係可可爸爸一部都已經殺盡全場啦!
回覆刪除[版主回覆09/07/2009 06:19:00]係呀，可可爸爸部戰機真係好pro呀，點解今晚無人影相機嘅?
早晨早晨! 真羨慕呀!
回覆刪除[版主回覆09/07/2009 06:18:00]早晨呀
好一個blog聚,既開心又溫馨
回覆刪除I'm so sorry!由於最近很少巡blog,只有補祝囡囡生日快樂
[版主回覆09/07/2009 11:47:00]開學個個媽咪都咁忙 ! 真係難得一個好開心嘅blog聚!
我果晚實在太興奮呀!成晚都好似唱緊k咁，訓唔著呀!你又嚟教壞我，導我升仙，慘!
回覆刪除[版主回覆09/07/2009 11:46:00]你而家知我為乜咁鍾意呢
個朝我地同MOMMY DEAREST飲茶...都有好多禮物收....
回覆刪除[版主回覆09/07/2009 11:46:00]個朝原來係你呀，等mommy返去咁我就有得睇囉!
我哋哩邊都有blog聚呀...好開心呀.
回覆刪除[版主回覆09/07/2009 11:45:00]我睇咗啦，幾位靚媽咪見面，啲伴手禮都咁吸引 !
呢件衫好靚呀!
回覆刪除[版主回覆09/07/2009 11:45:00]係呀，真係好多謝玻璃人百忙之中幫我趕工呢!
見到都ｆｅｅｌ到您地既開心，原來您鍾意唱ｋ，幾時我地又唱返餐呢
回覆刪除[版主回覆09/07/2009 11:44:00]嗰晚真係玩得好開心架! 我係呢幾年先去唱過咋，我係走音歌後呀!
确系玩得好开心，但太多人啦！ 唔系好适合我...
回覆刪除呢排主席好忙，要安排一齐去唱K会有d难度！
[版主回覆09/07/2009 11:36:00]唔緊要架，不過今次我真係玩得好開心，可能人多啦，可以唱4個鐘，Jo姐同我成晚都霸住個咪，我倆做咗走音姊妹花呢! 主席今日仲煩呀，希望佢好快會無咁忙，我地又可以約出嚟唱個包啦!
都話唔夠妳快啦...我相都未整完...
回覆刪除希望妳鍾意件衫啦...因為我覺得唔係好夠完美...
果晚啲禮物真係唔知邊個打邊個...依家睇完就識分...不過一定知道琳琳果份囉...多謝...
[版主回覆09/07/2009 12:25:00]我今晚又要出第二個blog聚，咁唔快都唔得啦! 無嘢係完美架，唔好俾咁大壓力自己，盡力已經得啦，而且件衫好靚呀，不過我要改一改先得呀，因為大咗少少!
點改呀...妳又唔早啲話比我聽...係後面幫妳整一整...
回覆刪除最緊要妳可以著出去威...
[版主回覆09/07/2009 13:01:00]係鬆咗啲，個領口低咗啲，你知啦，我咁無嘢睇架嘛，個領口咁低無謂令人反胃啦
好開心， 好熱鬧啊 !
回覆刪除[版主回覆09/07/2009 16:55:00]係架，好開心呀!
果然快手呀
回覆刪除真系好熱鬧呀,你地唱歌又好聽,我好似去咗聽演唱會咁
[版主回覆09/07/2009 21:37:00]咪玩啦，走晒音，後尾仲唱到啞，有啲音都唱唔到，如果你聽過主席唱，你先會知乜嘢叫做演唱會呀
睇相都感受得, 妳o地幾開心 ~~
回覆刪除[版主回覆09/07/2009 21:37:00]嗰晚真係好鬼開心架，同jo姐唱得好過癮!
呢晚真係好開心呀 多謝你呀~
回覆刪除[版主回覆09/07/2009 22:41:00]係呀，可惜我掛住唱歌，都無乜點同你傾計添
個晚真係玩得好開心, 多謝晒你呀 !
回覆刪除你個麥提沙糯米糍好好好味呀 !
[版主回覆09/07/2009 23:25:00]我都係，好難得個個都玩得開心，我地更加難得放低啲仔仔囡囡出嚟玩! 係咪真係好食架，叫二姐學整俾同學食啦!
真係好熱鬧，又有咁多禮物！
回覆刪除[版主回覆09/07/2009 23:25:00]你又唔想嚟一齊玩
Really very very happy blog gathering !!You must be veryhappy to meet Mommy Dearst and Daddy Dearest from Singapore !
回覆刪除[版主回覆09/08/2009 08:27:00]早晨~係呀，好高興mommy能夠聚一聚(我聚咗兩次呢)
快啲著個件衫影張相post上黎睇下啦.
回覆刪除[版主回覆09/08/2009 08:27:00]早晨~好快!
我果晚真係好想留底, 唔捨得走架 ....
回覆刪除[版主回覆09/09/2009 06:00:00]早晨呀~係啦，你損失啦!
Daddy Dearest and I had such a great time that night..... We must do it AGAIN and AGAIN soon! Thanks Moon Moon for organizing it!
回覆刪除[版主回覆09/09/2009 06:02:00]早晨呀~即係每次返嚟再攪啦，好呀，同一班人又去多次 樂意為你效勞!
個晚好開心 ~ 可以聽到妳地唱我偶像嘅歌 !!!
回覆刪除期待下一次
[版主回覆09/10/2009 08:27:00]早晨呀 ~你個偶像 邊個呀?
譚詠麟
回覆刪除[版主回覆09/10/2009 09:55:00]早晨呀 ~早知唱多啲啦，佢個key最啱我架!