日前收到好朋友
送贈的雪糕劵
一看不得了
係我愛食嘅雪糕牌子
~Haagen-Dazs~
真的感謝她
雖然我好喜歡整蛋糕甜品
但本身唔太鍾意食甜品
.............怕肥呀
唯獨是Haagen Dazs，令人無法抗拒
相信好多人都好喜好呢個牌子雪糕
它的雪糕出名香濃幼滑
好味到不得了
***
趁假期
同老公出去換嚟試下
見到有隻新產品
【Haggan Dazs~脆皮雪糕三文治】
有多款口味
分別有Cookies & Cream，Double Chocolate，
抹茶(Green Tea)，牛奶太妃(Caramel)好幾款口味，款款都好吸引
最後每款都換一件試下
***
記得兒時
每每在學前
好喜歡到士多買雪糕夾餅食
是一款用威化餅夾著雪糕伴食的零食
不過好多時未食完
塊威化已經淋晒
***
唯獨Haggan Dazs~脆皮雪糕三文治
最外層的威化餅本來十分鬆脆
加上中間一層香濃朱古力脆包裹著冰凍細滑的雪糕
配搭新奇得來又好味
由於威化餅不是直接接觸水份高的雪糕
所以可保持威化的鬆脆口感
由第一口食到尾
也能保持鬆脆
好正
呢款脆皮雪糕三文治
一脆一軟的口感
真的令人無法抗拒
四款我都換了
一家四口可以分甘同味
切開來試
每款味道也可以嘗試到
***
先試Double Chocolate，朱古力脆皮包著香濃軟滑的朱古力
愛好朱古力者一定滿意
牛奶香妃
用上焦糖脆皮包著幼滑牛奶雪糕
啖啖奶香，好好味
抹茶味
一款我好喜愛的味道
獨特的抹茶香味
外層用焦糖脆皮包裹
那種抹茶做成的雪糕
充滿獨特清香
甜度剛剛好
最啱我呢個唔鍾意太甜的口味
至於最後試咗Cookies & Cream
一件脆皮雪糕三文治
有著唔同層次
鬆脆的威化
朱古力脆皮
軟滑的呍呢嗱雪糕
夾著脆脆cookies碎
一淡滿足不同的味覺享受
好正，正到食晒成件呢!
要讚一讚他們的服務
會詢問客人
要幾耐先返到屋企
會預備足夠份量乾冰
保證雪糕攞到返屋企
還能保持冰凍
真的是很細心的服務呢!
MOONmoon另一個五星級的家 興趣入去參觀下 ~~~~~~~~~~~~~~~~~~~~~~~~~~~~~~~~~~ 我的ebook已經出版 品甜apps ~~~~~~~~~~~~~~~~~~~~~~~~~~~~~~~~~~ MOONmoon Facebook Fanpage 快啲click入去"讚"我啦!
用Apple產品或Android嘅朋友
有興趣可以download
如月...今晚我又嚟霸頭位啦!係唔係好驚起呀!....我都好想食呀....不過等我減肥成功先至食....哈哈哈!
回覆刪除[傻妹【Annie】回覆10/12/2011 09:00:42]如月....早晨.....傾兩句....哈哈哈....^0^
[版主回覆10/12/2011 08:09:32]EE, Annie 你地用咗呢度傾計呀 (^_^)
[傻妹【Annie】回覆10/11/2011 23:12:21]如月 & ee.....係呀!我哋掛住妳囉!哈哈哈!妳依家先至出現^0^
[EE回覆10/11/2011 22:41:00]唔怪得成晚打噴嚏呀~原來有人講我...
[傻妹【Annie】回覆10/11/2011 21:36:26]如月...不過我嚟到霸頭位，即係代表我今晚又曳曳啦!哈哈哈!
[傻妹【Annie】回覆10/11/2011 21:34:11]如月.....抹茶係唔係最好味道呀.....我想試下抹茶味.....(^0^)
[版主回覆10/11/2011 21:33:15]叻女! (^3^)
唔見你霸位，EE又會問架喇!
我就食咗先算..........HEHEHE
OMG! 太妃....我最愛太妃咖喇....引c人呀!
回覆刪除[版主回覆10/12/2011 06:41:03]咁仲唔買番俾自己嘆下!
唔好引誘我啦, 流晒口水, 我家隻8公有膽固醇高, 佢一見我食佢又要食埋一份, 所以我都要忍口唔食, 好可憐 !!!!!!
回覆刪除[版主回覆10/12/2011 06:41:37]咁你係街食完先返屋企嘛，哈哈.........一係等佢返咗工先食!
我好耐冇食雪糕啦~呢隻係貴野來喎~
回覆刪除[版主回覆10/12/2011 06:42:35]廿幾蚊一件，但勝在真係好好味!
引到我流哂口水喇 :(
回覆刪除[版主回覆10/12/2011 06:39:40]好好味架，買番塊食喇!
真係俾你形容到好想即刻去買嚟食呀！
回覆刪除[版主回覆10/12/2011 06:39:58]買喇買喇，真係好正!
我都係喜歡整蛋糕甜品， 但怕肥唔敢食。
回覆刪除[版主回覆10/12/2011 06:24:17]但呢隻牌子我就會食!
呢隻seven冇賣架??
回覆刪除[版主回覆10/12/2011 06:23:51]香港有喎︳未出口到你度?
以前真係好鍾意食雪糕三文治,好懷念呀!^^
回覆刪除[版主回覆10/12/2011 06:20:51]我地讀書時嗰種無呢種咁好味!
我都喜歡這個牌子...
回覆刪除[版主回覆10/12/2011 06:19:44]呢隻牌子真係好好味!
呢隻牌子超好味呀!
回覆刪除[版主回覆10/13/2011 06:11:32]真係超好味呢!
【耐唔耐買來食當獎勵自己】雪糕----雪糕----
回覆刪除[版主回覆10/13/2011 06:12:07]可可媽，我都係，久唔久買嚟氹自己開心!
賣飛佛呀!
回覆刪除[版主回覆10/13/2011 06:03:16]食過呢隻未呀?
嘩，不得了呀!有HD雪糕食，我都好鍾意架!
回覆刪除[版主回覆10/13/2011 06:03:02]Haagen Dazs真係好好味!
如月 , 我有野想問妳呀 !
回覆刪除[版主回覆10/13/2011 06:02:21]想問乜呀???
好似英國還未有這款雪糕三文治無得試添
回覆刪除[版主回覆10/13/2011 07:19:01]遲啲會唔會有呢，有就真係要試下，好好味呢!
而家係味無 PM 架啦 ! ?
回覆刪除[版主回覆10/13/2011 09:08:01]PM???即係????private message?有呀，係下邊有個格仔剔架!
好鍾意而家你呢個新版面。雪糕三文治我地細個時最鍾意，我睇下英國嘅 Haggan Dazs 有無先！http://www.ricebowltales.blogspot.com/
回覆刪除[版主回覆10/13/2011 09:17:57]Jane 早晨呀，我都好鍾意玫瑰花，呢個心心玫瑰我都好LIKE，個色好柔和我鍾意!
好似朋友你話英國未有噃!
好耐冇黎探你了. 我最近都有幾張Haagen Dazs coupon, 哈哈, 好邪惡!!!!!!! 睇完你個blog又想去食了~~ 我愛他的綠茶味及夏威夷果仁味!!
回覆刪除[版主回覆10/16/2011 18:38:53]我都好耐無去你度呢!
最近好嗎?
咁你仲唔快啲去換嚟食，呢隻牌子真係味!
我都好鍾意食這個牌子雪糕, 但係好貴呢....你就好啦, 有人請重可以食4個味道......我個女成日都叫我買這個比佢試, 我話等佢特價先, 真係好貴呀......女.......
回覆刪除我終於睇左你個炒飯, 真係好似幾好味咁喎....但係用蝦醬, 個味會唔會怪左D架, 因為有人唔食蝦醬, 我唔係好咁炒......
黑仔個樣都幾攪笑咁喎......HAHAAAAAA
[版主回覆10/16/2011 18:39:53]又真係幾貴架，不過唔係成日食無所謂喇!
係架，蝦醬味唔係個個都鍾意，不過你可以試下用新鮮飯炒飯，用其他材料一樣好味!
OK , THX
回覆刪除[版主回覆10/16/2011 18:40:00]^^
好幸福呀!
回覆刪除[版主回覆10/16/2011 18:40:22]呢隻雪糕真係好好味!
我每年信用卡D積分都只係用來換呢D劵架咋!
回覆刪除[Smile and XO回覆10/17/2011 09:30:09]我中銀law.....渣打都好似可以換!
[版主回覆10/16/2011 18:40:49]咁好，邊張信用咭呀?
睇下我都流晒口水添 ~~!!
回覆刪除[版主回覆10/16/2011 18:41:35]好味呀!
I love double chocolate =)
回覆刪除[版主回覆10/16/2011 18:23:25]我比較喜歡綠茶喇!
好好味道!好想食! ^0^
回覆刪除[版主回覆10/16/2011 18:24:07]啲雪糕真係好好味!
間唔中會買佢哋綠茶雪糕(我最愛)獎勵自己架.
回覆刪除[版主回覆10/16/2011 18:24:21]我都愛綠茶呀!
Nice to meet you@ My side never has this new favor... I wish I am staying in H.K.now!
回覆刪除[版主回覆10/16/2011 18:25:52]茶茶，你好呀，你住邊呀，點解會無架?
下次返香港食個夠.........^^
如月，好耐無來探妳了，老朋友﹗我都好鍾意食呢俊牌子的雪糕，因為年紀大，以前唔喜歡她太甜，我間中都會食一杯的，俾自己Relax吓，不過，最近我地愛上北海道那隻雪糕、她更美味，更滑溜，而且無咁甜，少糖，更適合我們喇，妳可以試吓﹗:)
回覆刪除[版主回覆10/16/2011 18:33:37]Terry, 新blog唔同咗名，老朋友，舊yahoo你叫咩名架???係咪都係terry呀?
我真係年紀大，好多嘢都無記性!
北海道雪糕，係邊度買架?少甜啱我喎!
雪糕我麻麻地，不過你講得好吸引，我都好想即刻買來試下呀！
回覆刪除[版主回覆10/16/2011 18:34:00]我唔食其他雪糕架，呢隻就唔同!好好味!
你講得太吸引喇！我掙扎緊好唔好試呀。我驚肥囉！
回覆刪除好開心認識妳呀!!!!!!!
[版主回覆10/16/2011 18:34:27]哈哈..........減肥食咗先再減喇!
HD緊係好味啦!
回覆刪除[版主回覆10/16/2011 18:36:57]無錯!
我之前blog的名係tyyyeung，而家用真名Terry﹗
回覆刪除[版主回覆10/18/2011 08:30:15]新BLOG同舊BLOG啲名好唔同，我都攪到亂晒!
I am living in New York City, but it does not have so much favor!
回覆刪除