107~金不換

今日耕耘揮汗水

明日收成滋味多

******

7~Jan~2011(五)

大家姐

生日聚會

今日約咗班好友食飯

因為1月之星係大家姐同Mr Huey

地點係荃灣廣場金不換餐廳

出席:大家姐，眾人媽打，如月，玻璃人&琳琳，show me，May 姨，Huey媽&Mr Huey

好開心又見到呢班朋友仔

大家平時各有各忙

但每一位生日

都會約埋一齊出嚟食下飯

最重要係.......嘻嘻

我又有機會做蛋糕啦

希望各位唔好厭棄

記得食得開心啲

今日送出嘅蛋糕

荃灣廣場

全部都換上新春裝飾

金不換泰國餐廳

荃灣廣場地庫B111-113號鋪

又係一班老友聚舊

開心快活人臨時有事嚟唔到

老友聚舊多嘢傾

呢度環境都唔錯

服務都好好

雖然價錢比較貴少少

勝在坐得舒服

大家都唔係好食得辣

所以叫嘅都係唔辣或少辣

呢個柚子沙律

加咗椰漿

味道都唔錯

 蛋網炒金邊粉

個個都話好味

我最鍾意係呢個

清炒椰菜苗

我試過係屋企炒

始終無係街食咁好味

係咪佢地落咗啲乜呢?

什菜煲好唔掂

泰式大拼盤樣樣都唔錯

但芋頭肉碎飯

就食唔出芋頭味囉

out

豬頸肉ok咁啦

始終無九龍城咁惹味

青檸魚

條魚好新鮮好好味

冬蔭功湯

唔錯

啲蝦好彈牙

係要切蛋糕啦

呢度要收切餅費每位$5

仲好有心思俾埋爉燭架

我個蛋糕都幾襯呢度嘅氣氛吖

如果支爉燭係紅色就好啦!

May姨真係好掂

呢個印仔好靚

係一個調味樽嚟架

show me次次都有好嘢整俾我地試架

呢期佢鍾意玩朱古力

真係好好味

Mr Huey媽仲叻

咁鬼忙都有新嘢俾我地試

其實都幾好味架

大家姐送俾我地嘅朱古力

兩位壽星

祝你地每日都開開心心

日日都精精神神

我地大家都各有各忙

好難得一班可以為朋友慶祝生日

我會繼續做好我呢位組長

安排每一位有個難忘的生日