某一天
搵到呢張相
好想post出嚟同大家分享
唔記得有冇出過
靚女嗎?
細個嘅我好男仔頭
每張相都係照相館影的
好行!!!
以前影相一定要去照相館
仲要一家著靚靚咁去影
(細個一著靚衫以為有街街去架)
無乜邊家人有相機的!
唔似現在
隨時想影
攞個電話出嚟就得
一張相
得來不易
通常一年都係影一次全家福
作為留念
所以
會好好保存!
記得童年好窮
每天都無多餘食物
(雖然不需要捱餓)
莫講話零食
每朝祇得一個包
直到中午食飯
跟住晚餐
其間生果都好少
亞爸要養活一家七口
一點也不簡單
生活清貧簡單
中秋月餅一個要切8份架!
細個嘅我又瘦又大食
真係瘦到鎖骨可以放到隻雞蛋
好多時會偷食媽咪的片糖呀蜜棗呀
以前個個生活都係咁
為咗賺多點錢
媽咪會攞膠花返嚟做
幾姐妹
日日都完功課
就要開工穿膠花
所以細個成日想媽咪攞唔到膠花做架!
細個無乜娛樂
最大嘅娛樂就係睇電視
最多爸爸帶我地落樓下遊樂場
玩下滑梯韆鞦
更加無朋友
因為家貧
無零用錢
又點同同學仔出街呢
基本上
同學仔祇是上堂時傾下計
落咗堂就無乜聯絡
(因為以前無電話)
份人文靜
唔多鍾意講嘢
所以一路都無乜朋友
大咗社交圈子大咗
識多咗朋友
所以
我好珍惜每一位朋友
珍惜每一份友誼
緣來緣去.........都係隨緣啦!
卜友送上呢首歌
好好聽
讓一切隨風 歌手：鐘鎮濤
風中風中 心裡冷風 吹失了夢
事未過去 就已失蹤 此刻有種種心痛
心中心中 一切似空 天黑天光都似夢
迷迷惘惘 聚滿心中 追蹤一片冷的風
各種空虛 冷冷冷 吹起吹起風裡夢
過去的心 火般灼熱 今天已變了冰凍
記憶中突然又痛 只因空虛再作弄
你似北風吹走我夢 就讓一切隨風
風中風中 心裡冷風 吹失了夢
事未過去 就已失蹤 此刻有種種心痛
心中心中 一切似空 天黑天光都似夢
迷迷惘惘 聚滿心中 追蹤一片冷的風
各種空虛 冷冷冷 吹起吹起風裡夢
過去的心 火般灼熱 今天已變了冰凍
記憶中突然又痛 只因空虛再作弄
你似北風吹走我夢 就讓一切隨風
各種空虛 冷冷冷 吹起吹起風裡夢
過去的心 火般灼熱 今天已變了冰凍
記憶中突然又痛 只因空虛再作弄
你似北風吹走我夢 就讓一切隨風
so glad I got to know you and the others, hope we can keep our friendship forever as we are all easy going people ma
回覆刪除[版主回覆12/14/2010 22:22:00]我都希望同你友誼永固，大家都係無所謂(雖然有人唔覺得係)嘅人!
緣來緣去.........都係隨緣啦! <---- 呢句講得好啱!!!
回覆刪除[版主回覆12/14/2010 22:22:00]有啲嘢我盡咗力都挽回唔到，咁都無法子!緣去緣盡!
你張相眼仔碌碌~~~同我個女細個有d似wor
回覆刪除我細個幫亞媽入牙刷入d盒 又剪過綫頭
雖然無乜零用錢~~~但我鍾意同d鄰居小孩通街八~~~又會攞d紙皮"sir"樓梯
[版主回覆12/14/2010 22:22:00]我細細個日日都要幫亞媽手，我好少周街走架，我好斯文架呢! 紙皮sir樓梯...我都試過...不過好鬼驚!
嘩，你細個時眼仔碌碌~好可愛喔
回覆刪除[版主回覆12/14/2010 22:22:00]真嘅，而家真係歲月催人老!
細個眼大大好靚女呀！
回覆刪除[版主回覆12/14/2010 22:22:00]真嘅，而家真係歲月催人老!
我哋細個都係好窮架,冇娛樂,呀媽都係攞膠花,穿珠仔,整玩具車幫補家計,我哋放暑假唔係去玩,而係幫呀媽做手作仔搵書薄費.
回覆刪除[版主回覆12/14/2010 22:22:00]暑假我由六年級開始，就借表姐身份証去做暑期工買書薄啦!
我细個的時候呀媽都係攞嘢返嚟做,同妳一樣都係唔想呀媽攞道,可以唔使做有得玩,現在做人呀媽,先知道當年呀媽的苦心~~我地大家都珍惜缘份的相識
回覆刪除[版主回覆12/14/2010 22:22:00]以前個個都係咁，邊有現在小朋友讀多兩課書就話想C啫!
你細個都好靚女！
回覆刪除[版主回覆12/14/2010 22:36:00]咁而家呢
如月,一張相..一些回憶..好似又有些話想講
回覆刪除你好靚女呀!
[版主回覆12/14/2010 22:55:00]我係回憶中有些感慨啫!
我諗如果年紀相若既, 童年都係大致相同, 我地細個又係雖然唔使捱餓, 但係屋企都好慳, 冇乜多餘錢, 我地幾兄弟姊妹都好開心, 玩d唔使錢既遊戲.
回覆刪除唔似得而家d小朋友, 太多物質引誘同享受, 反而冇晒我地以前既童真.
[版主回覆12/14/2010 22:55:00]我地以前玩幾個豆袋，用紙晝仔晝埋衫咁就玩一餐! 而家啲小朋友真係身在福中不知福!
而家簡直靚爆鏡，咁講你高興唔高興
回覆刪除[版主回覆12/14/2010 22:55:00]高興高興，簡直唔使瞓啦!
你童年嘅生活同我的童年生活好相似...........
回覆刪除[版主回覆12/15/2010 08:08:00]你咁後生無理由似我喎
好靚女喎,唔怕啦先苦後甜,上天好公平,依家您幾多朋友
回覆刪除[版主回覆12/15/2010 08:07:00]哈哈...笑人! 未開卜前我都無朋友架，唔會有街去，每天煮完飯就係打機! 開咗卜生活圈子改變好大，識咗好多朋友，世界各地都有，識整多咗嘢，個人成功感大咗! 不過，朋友多咗煩惱事又會多，都係嗰句，一切隨緣，我都要學懂放下!
我童年時生活都係同妳差不多 雖然物質無咁豐富 有時媽媽整少少嘢俾我地食 就會開心成日架喇 讓一切都從心 凡事隨緣吧
回覆刪除[版主回覆12/15/2010 08:04:00]係呀，以前想食多個包都唔得架，諗起自己每朝落街買包，都會買個有餡嘅俾自己，因為咁樣飽啲嘛! 一切隨心啦!我都係放多點心機去做好啲蛋糕!
我童年家庭都很清貧,所以現在要珍惜一切.
回覆刪除[版主回覆12/15/2010 08:01:00]就因為以前的清貧，現在先懂得珍惜所擁有!
你地講個d野我全部都做齊, 真係舊陣十家著左九家都係咁窮.
回覆刪除[版主回覆12/15/2010 08:01:00]以前香港剛剛發展，家家都係咁，仲好記得獅子山下套劇集嗎?好好睇架!
眼大大好靚女喎! 我都覺得要珍惜現在擁有嘅一切!
回覆刪除[版主回覆12/15/2010 08:00:00]真嘅? 係，珍惜現在所擁有先最緊要!
我唔係呀媽攞野番黎做, 係我自己去攞野番黎做, 賺零用錢呀!我老豆嘅金句"未係時候", 無論你想要什麼, 都係呢一句答你0架!
回覆刪除[版主回覆12/15/2010 07:59:00]嗰時邊有咁叻，亞媽攞就攞唔攞就唔攞! 零用錢每日得五毫子咋!無得話叫爸爸買架呢!
科技發達,friends都多咗.
回覆刪除[版主回覆12/15/2010 07:58:00]點解咁講呢?未開blog之前我生活圈子好窄，祇得一兩位好啲嘅同事! 而家多咗朋友反而煩惱多咗!
今朝看你的網址，我都勾起了童年的回憶，更加想起了已過身二十年的老爸！
回覆刪除[版主回覆12/15/2010 07:56:00]以前個個生活都咁清苦，不過好開心! 我爸爸剛於7月過身!
睇到你的童年，自己都好感慨。世事真係變幻無常，我當時冇得穿膠花，是車公仔衫，想想當時得8歲，和現今的8歲孩童，真有天淵之別。唔好意思，第一次留言就咁感慨，因你所寫的與自己有幾分相似而感動。
回覆刪除[版主回覆12/15/2010 07:55:00]首先多謝你留言! 以前個個生活都係咁樣，但好滿足，唔似現在年青人咁，物質豐富心靈空虛，成日都話自己點慘點慘! 唔好意思，呢排我好煩，所以有感而發，令你唔開心!
你冇令我唔開心，只是因為8月丈夫離世，一星期前父親病逝，同時失去兩個至親，好感觸而已。多謝你的blog就真。
回覆刪除[版主回覆12/15/2010 08:23:00]原來如此，你要好好保重! 大家真係要珍惜眼前人，今日唔知聽日事!
好懷念嗰張櫈.
回覆刪除[版主回覆12/15/2010 12:29:00]而家都無呢啲櫈架啦!
做乜咁感性呀?? 越來越覺得年紀越大, 樣樣野就越複雜、越麻煩, 但亦因為有所領悟, 我越會追求簡單、寧靜和平淡, 亦希望呢種生活態度能隔絕所有是是非非, 在這方面我仍學習和努力中, 大家都希望在明天
回覆刪除[版主回覆12/15/2010 12:29:00]我怕寂寞呀，又點過平淡生活呢! 我都在學習中!
我相信大家都有類似既童年生活 (如果同年代)，我屋企
回覆刪除做假髮、穿膠花、手袋既手挽、薯仔袋繩，重幫人湊仔添，
個時屋企好熱鬧呀；到自己有細路，因為訓練有數，都容易
handle 好多。 o岩傾既咪傾多 d ，緣來緣去，係有少少可惜 ....
[版主回覆12/15/2010 12:28:00]以前年代家家都咁上下! 係架，左鄰右里好關照，個個小朋友都係咁玩埋一齊!
原來我嘅童年都同你差不多.我哋係穿絲花架.
回覆刪除[版主回覆12/15/2010 12:28:00]以前個個生活都差不多架! 我地最初係穿膠花，後來就做絲花啦!
緣起緣滅~算罷~急流勇退是上策~
回覆刪除[版主回覆12/15/2010 12:27:00]哈哈....我都未入流又點退呢
雖然自我們的女兒各有各上了中學而見面少了, 但我都好珍惜我們曾經一起相處的日子。
回覆刪除[版主回覆12/15/2010 12:27:00]我倆相識十幾年啦，盡在不言中! 係喎，幾時需要我教你做蛋糕呀?
如月 送您一首歌
回覆刪除讓一切隨風
http://www.youtube.com/watch?v=JRVWTVoZwsI&feature=related
[版主回覆12/15/2010 14:19:00]好好聽呀，歌詞仲講仲晒，就讓不快事隨風而去!
膠花嫲嫲話揾唔倒錢.....我哋係穿珠仔、釘公仔衫、挑褲腳、繡鞋面同黐天拿水公仔...大架！諗起都一番滋味在心頭，我比較幸福係最細....多數睇住家姐哋做，我只做些輕便的。
回覆刪除[版主回覆12/15/2010 17:46:00]
以前我都有剪過線頭穿過珠仔架，不過都係膠花搵到錢喎! 到我三妹時已經唔使咁做啦!
噢...我小時侯都係咁生活啊 !
回覆刪除[版主回覆12/15/2010 17:45:00]
以前個個生活都差不多架!
香港以前個個都係敢樣生活, 真係與現在變化好大~~
回覆刪除[版主回覆12/15/2010 17:44:00]
以前個個生活都差不多架! 而家真係唔同晒啦!
六十年代既香港, 經濟唔好, 個個都捱過窮架啦! 所以學你話齊, 要珍惜現在所擁有, 包括人與事!
回覆刪除女大十八變, 往日既男仔頭, 變成卜卜脆!!! 再搖身一變, 成為出得廳堂, 入得廚房既女強人!
讓一切隨風 - one of my favorite song by Kenny B! 真應景!
[版主回覆12/15/2010 17:44:00]
以前個個生活都差不多架! 係呀，呢首歌好好聽，我最鍾意欣賞有意思嘅歌詞，而家啲歌仔啲詞真係唔知寫乜架!
乜你好似講緊我o既童年o既!最近整理返媽媽o既舊相，都有好多回憶湧上嚟，過去o既雖然艱苦，但係又好甜，往時日子簡單又美好，好懷念。
回覆刪除有時諗起依家啲細路第日大咗時會回味啲乜嘢呢?
[版主回覆12/15/2010 17:42:00]
以前個個生活都差不多架! 現在細路太多物質享受啦!
我把唔開心的事，拋開一邊好耐了！ 活在當下的！
回覆刪除[版主回覆12/15/2010 20:28:00]我仲學緊活在當下!
你原來係靚女一個!!
回覆刪除[版主回覆12/15/2010 20:27:00]係咪架!
我細個既年代都唔係成日有得影, 所以而家得好少童年相咋 ~
回覆刪除邊似得而家我同姨生仔出次街所影既已經係我全部總和既唔知幾倍喇
[版主回覆12/15/2010 20:27:00]我地童年相都係每年一張咋!
珍惜係好事嚟架, 而家啲小朋友物產太豐富喇..都唔識珍惜
回覆刪除[版主回覆12/15/2010 20:26:00]係呢，現在小朋友真係好幸福!
[版主回覆12/15/2010 22:04:00]多謝你!
回覆刪除Kenny B 嘅名曲呀,好懷念呀. 我地細個都有去影樓影相,印像中好似去過一次咋,系細細路出世果年映過,之後好似冇嘞,所以張相好珍惜架！
回覆刪除[版主回覆12/16/2010 05:58:00]唔知係咪亞爸貪靚呢，佢都影好多相架! 所以我地每年都會一家人去影一張相!
親人離世, 心酸得可以, 只有 - - 捨不得 - - 仍然想念他 , 爸爸 , 仍然記得他 一粒干蒸牛肉分四份吃.
回覆刪除可以add我嗎?
[版主回覆12/16/2010 13:32:00]多謝你，思念係永恆的，將份心意長埋心中! add咗啦!
你呢張相對眼好大呀，隱約都有你現在的面貌！
回覆刪除[版主回覆12/16/2010 15:28:00]都係架，不過塊面大咗相對對眼就細咗!
一年去一次影樓影全家福,已經比我幸運了~
回覆刪除我一張全家福既照片都沒有,只有幾張小學
時,老爸帶我三姐妹去冰頭花園的照片~
我們兒時的物質沒那麼豐富,但..那個時代的
人情味十足,您會偷亞媽的蜜棗及片糖當糖食,
我細個果陣都係噃,好鐘意打開雪櫃搵"甜食"的~
[版主回覆12/16/2010 15:27:00]可能我爸爸好貪靚啦，佢以前做地盤都影好多相架，佢幾靚仔架! 以前邊有錢買糖或朱古力食吖!