8~June~2010(二)
囡囡聽日開始
一連三個星期嘅考試
可惜我無得放假陪佢
6~6~2010
包糉記
記得細個年年都會
幫媽子包糉
所以都識得點樣包
但每次都係媽子預備好材料
所以要點樣預備真係知啲唔知啲
往年都係等食媽子包嘅糉
今年媽子唔包啦
自己又想玩下
向媽子取經後
即刻開工
上網又學咗點包台灣肉糉
個形好靚
又慳糉葉
佢用一塊糉葉咋
可惜我買啲糉葉太細
做唔到呢個包法
下年再試
一早預備好材料
飲完茶返嚟就開工
浸一浸糉葉
跟住要用水煮下啲糉葉
再逐片逐片洗乾淨
瀝乾水備用
糯米同綠豆朝早浸三個鐘
瀝乾水份
加入油及鹽拌勻
紅豆我早一晚浸
腩肉早一晚用五香粉、酒、糖、麻油、胡椒粉、鹽醃
花生浸三個鐘
瑤柱浸三個鐘(水可留作煮餸之用)
[份量]
20-25隻糉
糯米3斤，綠豆1斤，紅豆1碗，花生2碗，腩肉1斤，咸蛋12隻，瑤柱或蝦米適量，糉葉100片
糉葉要剪去頭尾部份
瀝乾水份
今次用咗兩種包法
一種係簡單包法
包出嚟係長形
祇用兩片糉葉
先用一片摺出需要形狀
(注意：呢個方法要用大塊嘅糉葉架，好似我呢次咁，糉葉太少漏晒出嚟)
將材料逐樣放好
在外圍上另一片糉葉(成U字)
從邊位摺好
再將上邊多餘之糉葉摺埋
用水草綁好
要緊一點實一點
另一種係媽子教嘅包法
要用四片糉葉
(呢個方法幾穩陣無漏到，個形又靚啲)
先用兩片糉葉打X形
在中間站屈出漏斗形
放上材料
先將頂部糉摺向自己
再將下邊之糉葉摺向中心
在右邊先放上一片糉葉
對摺(包向糉中心)
再將多餘之糉葉摺好
左邊用同樣方法包上一片糉葉
綁好水草
烚4個鐘
放涼一晚方可食用
味道淡咗啲
腩肉唔夠肥
所以個糉無乜油水
我嘅健康紅豆糉
紅豆糉得我一個人食
所以無落腩肉同咸蛋
祇係落多啲紅豆多啲綠豆
yummy.......
夜晚又開工包鹼水糉
點解咁勤力
仔仔囡囡鍾意食嘛
細路都係鍾意食甜嘅
[材料]
一斤糯米加一湯匙鹼水
今次用兩片糉葉駁長佢
咁樣咪可以包得好啲囉
中間加埋豆沙
綁好水草
烚2個鐘~2個半小時就可以
一斤糯米包咗8隻鹼水糉
[笑話]
有時真係好嬲大老爺
佢份人樣樣都好
就係把口唔好
好似今次咁
話我唔應該放啲糉落水度烚
咁會烚到無晒味
應該用架蒸
又話點解要烚四個鐘啫
四個鐘咪烚到腍晒
仲要唔係講一次
成晚都咁講
(Empty)
回覆刪除2-100000000
回覆刪除點解我無鹼水糭既
回覆刪除[版主回覆06/08/2010 22:33:00]鹼水糉係噚晚先烚，得8隻，分咗五隻俾同事!所以你..........要等下年啦!
10000000000001- 1999999999999999
回覆刪除[版主回覆06/08/2010 22:44:00]點解唔係2000000000000啫?
D糉唔係一定要用水烚先會熟咩？
回覆刪除[版主回覆06/08/2010 22:44:00]烚先好味，要烚到啲腩肉溶晒先好味架!
Carrie 加油呀!
回覆刪除[版主回覆06/08/2010 22:44:00]佢仲睇緊電視呀
硬琳我係你後邊執咗好多“億歷dur”！
回覆刪除Moonmoon咁大工程真係辛苦晒， 世上只有媽媽好！
我都鍾意食 鹼水糉喎！
[版主回覆06/08/2010 22:44:00]億歷dur???? 星期日先可以有時間整咋!
鹼水糭簡單D啱我整呀
回覆刪除[版主回覆06/08/2010 22:44:00]好簡單咋，又好味，小朋友多數鍾意食呢隻!
紅荳糭和鹼水糭啱我呀
回覆刪除[版主回覆06/08/2010 22:44:00]紅荳糉得我食咋!今次啲鹼水糉幾好味!
我包糉都係買少肥既腩肉 ,仲會加瘦叉燒添架
回覆刪除[版主回覆06/08/2010 22:44:00]我呢啲腩肉都好瘦架!
如月，用真空堡煲半個鐘、焗到差不多水凍，再番煲 15分鐘就 ok 啦，唔洗浪費煤氣！
回覆刪除[版主回覆06/08/2010 22:44:00]朋友已經試過用真空煲，煲咗一個鐘放入去，朝早又煲半個鐘，始終都不及真火烚咁正!
嘩...又到妳開工嗱...我星期日係民豐買黎食...
回覆刪除細唔仔真係鍾意食鹼水糭喎...琳琳都係呀...
[版主回覆06/09/2010 08:12:00]民豐好多人架喎，貴唔貴呀? 琳琳鍾意食梘水糉呀?咁我約你下個月包俾你同琳琳食好唔好???
Wow, you made me so hungry early in the morning.
回覆刪除[版主回覆06/09/2010 08:11:00]哈哈....我就見到都飽啦
有啲師奶包嘅鹼水糭有支紅色棍仔0架喎, 唔知係乜冬?
回覆刪除[版主回覆06/09/2010 06:10:00]係呀，係香木嚟架!
我媽媽好似用肥豬肉架???可能佢本身都好多
回覆刪除[版主回覆06/09/2010 08:11:00]今次係媽子幫我買架，可惜晏咗買唔到靚嘅腩肉(仲好我怕肥)
你咪比一隻過大老爺, 等佢自己試吓蒸出黎既效果囉, 寧願豪隻比佢都好過比佢講足一晚但佢又唔知錯先得架 !!
回覆刪除[版主回覆06/09/2010 08:10:00]早晨呀 ~我都想，但已經烚緊邊有得俾佢玩啫! 係呀，你度(新浪網)又要登記先可以同你傾計好煩呀!
嘩.....好得呀！我就冇你咁好心機喇！叻叻如月！
回覆刪除[版主回覆06/09/2010 08:09:00]早晨呀 ~你地都知我幾有心機整嘢架啦!
我都係鐘意食的糉是肥豬肉呀 , 隻糉香好多架....
回覆刪除如果中秋or 端午, 我鐘意端午多d , 因我鐘意食糉多於月餅呀...
[版主回覆06/09/2010 08:09:00]今次係媽子幫我買架，可惜晏咗買唔到靚嘅腩肉(仲好我怕肥)
包得好好...好靚呀 , 我下次再玩時都要學下咁包先, 唔駛用咁多葉...嘻嘻, 因為我今次包嗰d全部都係五塊葉架.
回覆刪除[版主回覆06/09/2010 08:08:00]亞媽嘅方法靚啲但用太多糉葉啦，想上網學台灣嘅包糉法，可惜塊葉太少啦! 五塊?????????咪仲多過我?????????
我包一隻糭要兩塊葉
回覆刪除[版主回覆06/09/2010 08:07:00]早晨呀 ~我睇完用咗兩塊葉包都包唔到你嗰個樣噃
妳老爺同我米飯班主真係一樣 ! 佢地有 FD 做架 !
回覆刪除蒸仲死 , 今次聽佢講蒸 , 蒸左 幾個鐘 , 又唔冧 , 都係烚好呀 !
[版主回覆06/09/2010 08:06:00]哈哈....係咪個個男人都係咁架? 乜你聽你米飯班主講.....真係去蒸呀
咸豆12隻 ?
回覆刪除[版主回覆06/09/2010 08:05:00]哈哈...係咪証明個譜唔係抄呢
回覆刪除第一 次睇包糉.好似幾易咁.
[版主回覆06/09/2010 08:04:00]早晨呀 ~上網好多架!
嘩~好正呀~好多餡料我鐘意呀~
回覆刪除[版主回覆06/09/2010 11:24:00]自己整足料架!
我之前識得有個同事教包糉, 見到佢包糉既預備工夫好多, 而且, 用既時間好長呢, 所以, 好佩服妳, 仲包咁多款既糉
回覆刪除[版主回覆06/09/2010 11:24:00]哈哈....功夫真係多架! 噚日仲包咗水晶糉呢!
嘩...你哋個個都咁勤力.引到我都想包添.拔,我唔識...
回覆刪除[版主回覆06/09/2010 11:25:00]早晨呀 ~我噚日又包咗水晶糉啦
如月,早晨!
回覆刪除糉糉好味呀
[版主回覆06/09/2010 11:25:00]
早晨呀 ~我噚日又包咗水晶糉啦
連包糉都掂好野
回覆刪除[版主回覆06/09/2010 11:25:00]一路都識架，往年懶收亞媽整嘅糉啫!
哈哈...有得食又唔區呀...不過唔駛咁客氣啦...去民豐買係十五蚊隻...當然唔係好大隻...不過一人食一 隻都好飽架...係我地食量計...
回覆刪除[版主回覆06/09/2010 09:41:00]哈哈....因為想約你下個月(10/7)食飯呀 見梘水糉簡單先整俾你咋，咸肉糉咪攪我啦!
你好犀利呀!又好心機又唔怕麻煩,佩服佩服
回覆刪除[版主回覆06/09/2010 11:26:00]一路都識架，往年懶收亞媽整嘅糉啫!
好正呀！
回覆刪除[版主回覆06/09/2010 11:26:00]自家製亞嬋糉好正架!
係呀, 媽打係用五塊的, 我睇住 懷舊鹹肉糉/ 瑤柱火腿糉 個瑤柱糭火腿糉黎包架
回覆刪除[版主回覆06/09/2010 11:29:00]睇咗啦喎，佢用三塊糉葉咋，點解你要用五塊呢?
月如好叻, 所以傳統艺術妳都會..
回覆刪除[版主回覆06/09/2010 11:29:00]一路都識架，往年懶收亞媽整嘅糉啫!
忙完啦 ! 好正 wor !
回覆刪除烚都要四個鐘啦 ，先會綿，至好食；攞去蒸，唔熟架 !
有一年試用真空煲，d 糭會熟，不過唔好食 .....
我用兩塊葉包糭 (潮州)，好環保。 紅豆、花生 都係我鐘意的料 !!!
[版主回覆06/09/2010 14:07:00]係呀，我同事又係咁講，用真空煲係熟但唔好食! 我貪靚嘛，想包三角形!
我阿媽話烚粽要烚好耐架, 所以冇耐力, 呢幾年冇整之嘛, 所以烚4個鐘同放落d水度係正常, 大老爺未烚過粽就真~ 我阿媽會落花紅粉(紫穌葉)醃豬肉~
回覆刪除[版主回覆06/09/2010 14:16:00]係呀，要用水烚真火咁烚先好味! 花紅粉....no啦，紫蘇葉醃好味啲架?
嘩~~!好多糭呀! 如月，妳咁早已包糭，一定係要送俾好多朋友呢! 妳啲朋友有口福喇~!
回覆刪除[版主回覆06/09/2010 14:26:00]唔係呀，玩開玩大咗咋 因為未試過一手一腳整，所以今年想玩下，食唔晒嘛，最好方法係送俾朋友
我初時都有同樣想法，覺得D傻會煲到無哂味道。
回覆刪除[版主回覆06/09/2010 14:33:00]佢咪係咁諗囉
我老豆都係咁架把口唔收, 自己唔識做又成日UM UM 沉沉, 激到我媽媽好嬲又好笑。我媽媽年年都整架, 但我話想食鹼水糭佢話唔識整= =
回覆刪除[版主回覆06/09/2010 22:00:00]真係?乜個個都係咁架? 梘水糉好易咋，你叫佢跟我呢個譜啦!
我唔識包呀，包到漏哂出嚟!
回覆刪除你剩叫大老爺食食食，唔好講咁多!
[版主回覆06/09/2010 22:00:00]試多幾次就得架啦!
真係我蠢攞 !!!! 仲蒸極都唔熟 ..............
回覆刪除[版主回覆06/09/2010 22:00:00]哈哈....你係聽老細話啫!
小時間我媽子做的都是4片葉那種, 大大個的, 我今年都好想試下自己包阿, 剛好你貼了做法, 我借來一用, 謝啦~
回覆刪除[版主回覆06/09/2010 22:00:00]四塊呢個方法幾好架，又唔會漏!
我星期日先開工包糭呀!
回覆刪除[版主回覆06/09/2010 22:00:00]呢個星期唔得閒呀!
好詳細呀.我會照妳的方法做１次,希望好似妳這樣成功
回覆刪除[版主回覆06/09/2010 22:00:00]好呀，祝你成功!
您試過D梘水粽未呀?會否有D澀口呀(一定要自己試味)?皆因我買過陳村的澀口，後來在上水"正和隆"買的，好正!用瓦煲更好味!
回覆刪除[版主回覆06/09/2010 22:00:00]又唔會喎，呢個份量啱啱好，好好味!瓦煲真係無喎
How was Carrie's exam today?
回覆刪除[版主回覆06/09/2010 20:41:00]
Carrie：Mommy，I am OK!
聽講話今年綠豆好貴，我喜歡食多D綠豆糉！
回覆刪除[版主回覆06/09/2010 21:57:00]貴?幾樣一齊買都唔知幾多錢?
我個仔星期一已經開始考喇...不過考兩個禮拜啫...因乜事你個女要考咁耐gei????
回覆刪除[版主回覆06/09/2010 21:57:00]囡囡由9號考到23號呀
嘩 , 妳都包咗好多糉喎 , 仲有咁多種口味 , 勁 !
回覆刪除[版主回覆06/10/2010 08:28:00]係呀，貪心樣樣都想試下包!
唔係喎, 係最尾啲圖, 亞叔係用五塊葉架噃.
回覆刪除[版主回覆06/10/2010 08:28:00]點解我睇唔到嘅，唔通個病又發作
好清楚的description ! Thanks for your receipe.
回覆刪除[版主回覆06/10/2010 08:27:00]咁你整咗俾隻嚟睇下噃!
您真係勤力, 一次包咁多. 仲要咁多唔同種類. 您唔好咁辛苦喇! 不過, 我有糉收既時候, 就唔會叫您休息喇! 哈哈!
回覆刪除[版主回覆06/10/2010 08:27:00]勤力係我優點噢
佢講到好有道理咁呀 MA !
回覆刪除[版主回覆06/10/2010 08:27:00]早晨呀 ~使乜講
上年第一次跟媽咪學玩包糭, 幾好玩, 不過今年要搞 chloe 升小一 d 野, 都約唔到媽咪一齊玩喇 ...
回覆刪除[版主回覆06/10/2010 17:02:00]哈哈....咁下年咪約我一齊玩囉
我中意食粽因為好中意食糯米， 但又好鬼怕肥喎。。。你個紅豆粽岩哂我呀 seventeen
回覆刪除[版主回覆06/12/2010 23:35:00]糉......都係少食為妙，但應下節咪包啲送俾朋友，個紅豆糉係我至愛!~