終於得到肯定啦!!!

11~Oct~2009(日)

天晴

 

今早唔知醒無去跑步

起身已經8點幾

咁落到去都8點半9點

會好曬啦

所以無落去

又偷懶啦

噚日玩咗樣新嘢

之前整咗香芋酥

知道咗酥皮點樣做

咁就唔驚啦

今次試咗個蛋黃蓮蓉酥先

因為屋企仲有好多白蓮蓉

今次大老爺一見到出爐

就話呢個好像樣呀

試咗一件之後

仲即刻話要攞幾個俾佢家姐試下添

氹得我鬼死咁開心!

我終於得到大老爺嘅肯定

因為佢唔係咁易讚人

從來都唔會讚我整嘅嘢好食架

最多就話OK啦

今次真係好開心好開心

我仲同囡囡講

將來佢嫁嘅時候

我可以親手做嫁女餅架!!!

【蛋黃蓮蓉酥】~(食譜按此)

靚唔靚呀

我都試咗半件

真係好鬆化

仲好過上次嘅香芋酥呢!

我買咗皮蛋

下一步就皮蛋酥啦!