9~Aug~2009(日)
29C~33C
天氣真係熱到跳舞
大老爺
我家呢個可愛嘅大老爺好奇怪
好為食
佢成日都買好多零食返嚟
不過佢唔係樣樣都買
佢嘅習慣好得意
一輪輪架
鍾意食花生時
會買好多好多返嚟
鍾意食馬仔時
又會買完又買
呢期興乜????
咪係呢樣
乜東東................?????
咪係紅豆糕囉
個樣子係咪好肉酸呀
我都食過麻麻地啫
而家商場成日都有呢啲檔口仔
大老爺買過一次
食完後又買咗成碟返嚟
乜真係咁吸引咩?
我問佢做乜唔叫我整啫
佢話，呢度十蚊有四件，你做咪仲貴
唔係嘛
你信唔過我就真啦
其實我仲研究緊
係用馬碲粉?粘米粉?糯米粉?
究竟用乜嘢粉呢
我要做得好食過佢嘅
我要你食到安哥
有冇人教到我呀????????
11111
回覆刪除[版主回覆08/09/2009 21:42:00]做唔到喎，仲要係屋企幾多日呢?
呢件糕似用馬蹄粉整的噃~
回覆刪除[版主回覆08/09/2009 21:43:00]馬碲粉，我都係咁諗，不過我唔係好鍾意用馬碲粉啫!
大老爺係唔想你大熱天時煮野辛苦先出去買返來食啫
回覆刪除[版主回覆08/09/2009 21:43:00]我都想佢咁為我，但事實唔係咁架!
其實我同大老爺都係咁諗，成日都覺得買返黎又平又方便，都唔明點解自己咁鬼鍾意整，又貴又浪費時間！
回覆刪除但整完又會好有滿足感，真係好矛盾！
有時諗，用整野食的時間去讀書，可能讀到十個八個學位都唔定！
[版主回覆08/10/2009 06:18:00]早晨呀。我都唔知點解咁鬼鍾意整嘢食架，可能真係份滿足感! 講真，自己整唔見得平，但就安全啲健康啲嘛!
我今日唔知點解入唔到blog又去唔到email
回覆刪除話我"賬戶已受保護"喎
[版主回覆08/10/2009 06:16:00]早晨呀。我仲以為你又去咗威添，不過今日yahoo都好慢!
祝妳早日研究成功!
回覆刪除[版主回覆08/10/2009 06:18:00]早晨呀。我噚日試咗，佢話唔夠爽喎!
大老爺真係唔識貨, 有個咁叻整野食既老婆, 都仲係街買返唻, 可能佢唔想妳咁辛苦呀, 呢幾日妳為仔仔頻頻撲撲, 加上早兩日激親妳, 特登買返D野食返唻哄妳呢...
回覆刪除[版主回覆08/10/2009 06:19:00]早晨呀。我噚日試咗，佢話唔夠爽喎!氹我....佢真係唔會呀!
大老爺錫住你唔想你大熱天時入廚房專登整榚過佢食咋嗎?
回覆刪除[版主回覆08/10/2009 06:20:00]早晨呀。錫住我，休想呀，佢都唔識錫人嘅!
其實你整乜都好食d啦..一定好食過係街買！因為加多d愛心落去嘛！
回覆刪除[版主回覆08/10/2009 06:20:00]早晨呀。佢感受唔到我嘅愛心喎!
早晨早晨! 大老爺其實好錫你架, 佢唔想你咁辛苦,不如買返黎又平又方便.唔駛徒時間徒錢. 但係佢又唔知整嘢食的樂趣. 男人係咁架啦!
回覆刪除[版主回覆08/10/2009 06:21:00]早晨呀。佢都唔識錫人，佢梗係唔明啦!
咁...會唔會係用黃糖加粘米粉做的呢??
回覆刪除[版主回覆08/10/2009 11:32:00]早晨呀‧乜唔係馬碲粉?
仲要係屋企幾多日呢?--->>> 12號便可以放監了~
回覆刪除[版主回覆08/10/2009 11:31:00]早晨呀‧
嘩...妳大老爺真係錫妳...佢唔出聲啫...唔想妳整咁辛苦...妳應該享受呢一刻...
回覆刪除[版主回覆08/10/2009 11:31:00]早晨呀‧你地覺咩，點解我唔覺嘅?
哈 加油~
回覆刪除我都好中意食紅豆糕呢……
[版主回覆08/10/2009 11:31:00]早晨呀‧我今日都整咗請同事食呢!
我又係咁諗, 做咩佢唔叫你整?? 你整好味多多聲la!!
回覆刪除[版主回覆08/10/2009 12:25:00]佢唔like囉!
我有信心以你的功力,一定好过果d多多聲!努力!
回覆刪除[版主回覆08/10/2009 12:59:00]但係佢唔欣賞呢!
係呀，成日整啲嘢出嚟啲人都會問材料買咗幾多錢呀!然後又話，哎唷，不如買咪無咁浪費時間精神，查實係佢哋唔明自己整o既滿足感大好多嘛，自家製有特色嘛!
回覆刪除不過我都係等你研究咗話我知啦!
[版主回覆08/10/2009 12:58:00]問就唔好整啦，老實講自己整可能仲貴過買呢! 佢地唔明白鍾意整嘢食嘅人心態架啦! 好快，我應該知點整啦!
午安呀 食咗晏未
回覆刪除我都係好鍾意嗰種滿足感 下次妳同大老爺一齊整嘛 俾佢感受吓
[版主回覆08/10/2009 13:49:00]食咗啦，而家係度寫緊BLOG呀! 我點叫得郁佢呀?
自己整, 滿足感大 d
回覆刪除同埋知道成份係 d 乜 ....
[版主回覆08/10/2009 13:50:00]就係份滿足感囉，成功整咗一様嘢出嚟好開心架!
旁觀者清呀...妳都迷了去妳家相公對妳的愛錫...
回覆刪除[版主回覆08/10/2009 13:50:00]係真???我又唔覺噃，成日俾佢激到跳下跳下!
你整一定好食過佢啦
回覆刪除[版主回覆08/10/2009 17:25:00]我噚日整佢唔啱食喎
大老爺係反你咋
回覆刪除[版主回覆08/10/2009 22:09:00]佢反我，佢都無我咁好氣呀
哈， 呢件糕令我諗起端午節食嘅簡水糉呀 !
回覆刪除[版主回覆08/10/2009 22:09:00]乜似咩?