22~Aug~2009(六)
29C~33C
今日好熱
陽光普照
又有blog聚啦
822~MegaBox K Buffet
原本有8個人
Jo姐，我，眾人媽打，玻璃人，笨啦啦，JoeJoe，show me，大家姐
後來JoeJoe有約唔嚟得，笨啦啦又話都係嚟唔到，眾人媽打唔舒服，玻璃人有緊要事要辦
終於得番我，Jo姐，大家姐同show me繼續我地嘅約會
最後有驚喜喎，主席終於攞到quote，可以出埋嚟威，我又可以聽佢唱歌啦
出嚟見人，有時間的話
我都會做少少伴手禮
因為好耐無做的關係
好期待呢次可以大顯身手
(唔知羞
希望大家都喜歡
呢隻曲奇想整好耐啦
主席話太得閒整得好好食
所以決定試下
我見有兩本書都有呢隻曲奇嘅譜譜
一本係孟老師100道餅乾
一本係五星級蛋糕甜品
我選擇咗五星級蛋糕甜品一書
做出嚟都唔難
難在一路切啲朱古力會溶溶地
仲切到好鬼肉酸添!
【朱古力杏仁曲奇】~(食譜按此)
又諗咗兩味糯米糍
一黑一白
白嘅係椰絲花生，黑嘅係黑芝麻豆沙餡
今次攞間房唔算大
一去度就出去攞嘢食
但無乜吸引到我
一開始已經攞沙律食啦
想攞籠點心都無乜選擇
我就係食咗咁少嘢咋
不過今次個Buffet差咗好多
唔知係咪星期六嘅關係
次次去到想攞魚生壽司都排到門口
無心機去排呢
而其食物好多時個盆都係空架
(以下相片由主席提供)
因為好多人排唔到~心太軟~關係
而係度投訴
話出得太少排嚟都無用
今晚啲伙計都唔知做乜鬼
個個啲態度都極差
又倒瀉汽水
又唔聽人講嘢
個音響一係大到C一係細到無聲
今次對佢嘅印象真係極差
主席同大家姐和show me都係第一次見面
佢同show me都有去學麵包
所以好好傾
仲有主席今晚祇係唱咗兩首歌
我好失望
佢成日係掛住用佢部戰機影呀影呀
成晚佢地傾多過唱
得我一個成晚係度唱咋
走嘅時候仲攪嘢
問佢地有冇車返樂富同旺角
想再問多聲有冇車入將軍澳
個哥仔即刻叫我地唔好玩佢
喂，我地問下啫
安排唔到咪講話無囉
又係佢地話半個鐘前CALL車
就有呢啲路線嘅
乜一間房係咪祇可以去一個站呀
無車就唔好咁樣講
有專車叫我地CALL嘛
最終唔知係咪我地好惡呢
個哥仔叫咗架車
淨係車我地五個
先入將軍澳
再去樂富跟住出旺角
個司機聽到後面都黑埋
仲係車度CALL朋友
話車一到想抖下去下廁所都唔得喎
闗我地乜事呀??
今次JoeJoe好有心
雖然臨時嚟唔到
都預備咗啲禮物俾我地
佢送俾我嘅禮物
原來同我整同一樣嘅曲奇呢!
不過JoeJoe你呢個鬆化好多喎
我嗰啲就無咁好食呢!
呢兩件咁靚膠紙我好鍾意呀!
好啱用，多謝晒!
show me好細心
買咗呢個俾我地
以後煮餸可以好易咁幫蒜頭除衫啦!
大家姐送咗幾多嘢俾我
佢梗係想我整個月餅
Jo姐
次次都送啲好sweet sweet嘅糖俾我地
我食晒啦，好香桃味好好食
今次同Jo姐唱K
相信有排都唔會再有機會啦!
佢好快就會返美國
祇會係空氣中傾計啦!!!!!
1
回覆刪除[版主回覆08/23/2009 21:34:00]咁長你都攞到第一 沖咗涼未呀
我同 SHOW ME 一早已經見過啦
回覆刪除痾到九彩喎,呢樹真係唔係好電,下次唔好再去啦
show me今日唔見人喎,會會...
[版主回覆08/23/2009 21:46:00]係咩，又好似係喎! 咁你有冇問Jo姐有冇事呀? 咁嘅音響咁嘅服務，下次都係去唱K就唱k，掛住食都唔知唱好定係食好!得個三個鐘?
禽晚打電話俾妳果陣jo姐都係隔離佢話無事嘛,今朝大家姐又過咗黎,我都有問show me不過都未覆
回覆刪除[版主回覆08/23/2009 22:05:00]噚晚jo姐就無事，但今朝有冇問過佢呀?
我真係想要月餅家 ~ 因為姪女好想試 .
回覆刪除主席妳而家無事啦 !
[版主回覆08/23/2009 22:05:00]我今年會試架，如果成功一定預你個份!
你地仲乜呀 ? 食左 d 野肚仔唔舒服呀 ?
回覆刪除[版主回覆08/23/2009 22:32:00]係得主席唔舒服咋，我就係前一日k tea後已經肚痛啦!其他人無事喎!
唔！自助餐真係冇咩好食，可能真係假日關係啦...
回覆刪除見到你地成日可以blog聚，真係好羨慕㗎....
[版主回覆08/23/2009 22:33:00]居然可以食到盆盆都係空架，排隊排到出門口仲有乜心機去攞啫!
又有blog聚...好好玩！
回覆刪除[版主回覆08/23/2009 23:46:00]同Jo姐唱埋呢次送番佢俾你啦
最憎食自助餐時,見到個d盛菜盤是空的~好鬼冇癮的呢~
回覆刪除又有blog聚,開心C呢~
[版主回覆08/24/2009 06:27:00]咪係，想食都無嘢食!
早晨早晨! 又有blog聚,真開心呀!
回覆刪除[版主回覆08/24/2009 06:28:00]係呀，一個好開心嘅晚上!
Mega Box 有K唱？ 下次真係要跟你揾食至得喇！
回覆刪除[版主回覆08/24/2009 09:52:00]咁要睇下你幾時返香港啦，呢間CEO好大架，有成二百間房，每間房嘅裝潢都唔同架!
早晨呀
回覆刪除我無事喎 可能我無食魚生同壽司啦
乜妳早一日TEA完又係肚痛咩
[版主回覆08/24/2009 11:29:00]我見我地都無攞到魚生喎!
How are you all now, food poisoning ah, so scary. I am sure "Chairlady"'s photos are great, definitely better than the food!
回覆刪除[版主回覆08/24/2009 11:30:00]無事喎!淨係主席有事咋! 咁你要等好耐喎，佢今日先出祈福最後一篇!
美人, 你比我同k小姐攪到唱k唱上癮, 好開心呀, 又多個k友, 你大老爺唔好意思答你係咪開心左, 費事你得戚. ^o^ 你攪左個blog應該係開心左, 唔單止你自己學做好多野食, 睇你個blog既人都開心, 因為第一次上你個blog都係你個blog度學到點'静'野食, 好正!
回覆刪除[版主回覆08/24/2009 12:23:00]哈哈....你仲叫我"美人"，真係笑死人啦，好開心以前能夠同你做同事! 最衰係你地啦，而家成日心養養想唱K，開BLOG係令到我開心咗，因為識到大班朋友! 你啲事攪掂啦?
午安呀!
回覆刪除我極愛朱古力杏仁曲奇, 我要, 我要. 下次去唱k預我吖, 我都好like呀!
[版主回覆08/24/2009 12:24:00]咁下次見你我一定預備一大包! 下次呀，不過唔好去呢度啦!
好開心又可以blog聚呢~! 希望好快可以join到你地呀!!
回覆刪除[版主回覆08/24/2009 12:24:00]係呀，下次會叫埋你!
好開心 wor
回覆刪除[版主回覆08/24/2009 16:06:00](Empty)
愛人,妳個曲奇我俾阿大試左,佢話...有層次感同有D苦,不過...OK喎
回覆刪除[版主回覆08/24/2009 17:13:00]哈哈。多謝亞大，我會努力再整過架，我覺得呢個係半失敗作品!
我鍾意個糯米糍, 欣欣鍾意杏仁朱古力曲奇, 不過我下次要砵... 仔... 糕 , 係係好貪心呢
回覆刪除[版主回覆08/24/2009 17:29:00]糯米糍今次個皮厚啲，不過好軟熟，但要即日食，天氣太熱，第二日已經發毛啦! 個朱古力無你個咁鬆喎!好一定!
硬琳我一d都唔覺苦喎,妳係係無望字我食呀
回覆刪除[版主回覆08/24/2009 19:59:00]人家都唔係琳琳試味，你有冇睇字架，係亞大嘅食評呀!
如月...果日個個盆都係空架, 邊有野攞到嚟食呀? 冇野食, 又點會肚痛呢?? , 大家姐估計, 主席因為食左瀨屎蝦, 所以先肚痛wor ...
回覆刪除不過講真, 我冇事呀, 因為我都係食左好少野咋!
好like你整果d曲奇wor, 我就係like佢硬硬地, 有層次感wor, 一d都唔覺得佢半失敗啊!
" 好易咁幫蒜頭除衫 "....笑 c 我啦
[版主回覆08/24/2009 22:19:00]係呀，我都係食好少嘢啫，主席歌都唔唱，密密食密密影，所以咪出事囉! 你鍾意佢硬咩?係咪個譜譜都係硬呢?我又唔知喎!
攪完晒啦, 事事順利都安樂D. 老友! 我地遲下又去食又去玩啦.
回覆刪除[版主回覆08/24/2009 22:48:00]咁就好啦! 真係要遲啲啦，呢個月都好忙呀!
我想睇下個蒜頭嘢係點用...
回覆刪除[版主回覆08/25/2009 06:15:00]係放啲蒜頭入去，用手搓到啲皮脫落為止!
個banner 好似有啲唔同咗咁嘅? 定我又遲鈍依家先睇到呢?
回覆刪除鎖你!!!
[版主回覆08/25/2009 09:02:00]係唔同咗呀，你一啲都唔遲鈍，你係第一個發現架，換咗兩日!
yeah~~~
回覆刪除[版主回覆08/25/2009 12:37:00]Give me five!
好嘢! 有如月既曲奇餅食....萬歲!!!!!!! 好呀, 呢間加洲紅都幾貴. 我好鍾意去新九龍中心間加州紅, 果度有任飲, MOCHA好好飲, 仲有花茶, 不過就吊腳囉.
回覆刪除[版主回覆08/25/2009 20:51:00]呢間係NEWAY嚟架，新九龍???係邊度架??? 俾個地址我呀?
同蒜頭剝衫果舊嘢，好得意呀!
回覆刪除