6~Aug~2009(四)
27C~30Ｃ
朝早都有大雨
下午天氣放晴
噚晚攰到十點未夠就瞓
朝早8點幾起仲係好攰
成身散晒咁
真係唔認老都唔得
仔仔仲笑我話我少運動喎
仲唔感激媽子幫佢搵到學校
真係俾佢吹漲
因為唔知今日仲需唔需要繼續搵學校
所以係一連請咗兩日假
晏晝約愛人同愛人1號係將軍澳食飯
出門口仲未有雨
點知等車時傾盆大雨
差不多11:45分先上到車
好快去到目的地
見到琳琳三母子
主席已經搵定位等我地飲茶
原來主席係噚日生日
又錯過咗添，衰鬼問極佢都唔講
咁怕羞啫!
我地三大四細一路食一路傾
男仔同男仔玩
女仔同女仔玩
呢度啲嘢都幾好味
款式都幾特別
都唔知係咪攰得滯個人牛牛地
唔記得今日入嚟嘅目的呀
我係請主席食飯補祝生日架嘛
點解無反應
仲要主席俾咗錢
主席))))))))))))))
遲啲再約你去九龍城請你飲芒果冰同生蝦，記住呀，我好無記性架唔記得就無得食架啦!
琳琳好有心
整咗個蛋糕送俾主席
仲記得主席話鍾意食豆腐添
好靚嘅~綠茶豆腐蛋糕~
個形狀好靚
琳琳做得好滑咁
因為飽所以留番主席返屋企慢慢嘆
飲完仲有下文
主席帶咗我地去會所玩
係開...............K房呀
BOOK咗兩個鐘
間房好新好靚
仲有好多新歌添
不過都唔知有冇唱到十五分鐘
因為有兩位咪后
佢地由頭帶到落尾
至於兩位少爺
本來主席book咗電腦俾佢地玩
點知佢地玩唔到5分鐘
就話玩唔到game
走咗返嚟
四個小朋友走來走去
攪到我地都唱唔到歌
傾下唱下又夠鐘啦
啲小朋友飲茶時可能食得好少
個個都話肚餓
咪去咗心心食tea set
跟住我買咗鮑汁蒜香雞做餸
返到屋企勁頭痛呀
今朝飲咗奶茶架
都唔知點解咁鬼頭痛
1
回覆刪除[版主回覆08/06/2009 21:36:00]你得咗啦，可以去沖涼啦!
1
回覆刪除[版主回覆08/06/2009 21:36:00]嘻嘻‧你係咪讓愛人1號啫!
333 我好低能呀! 唔記得 LOGIN 喎! >.<
回覆刪除[版主回覆08/06/2009 21:37:00]哈哈哈 你係咪緊張得滯呀!
好開心0既聚會喎!! 等我去隔離恭喜下先~~~
回覆刪除[版主回覆08/06/2009 21:44:00]其實今日仲係好攰，不過呢排都好忙無時間，既然今日放咗假咪join埋佢地囉!
羊媽做咩甘話自己架 哦...妳唔記得甘抵打,不過我都...
回覆刪除[版主回覆08/06/2009 21:43:00]你都係輸咗少少啫，錫番! 有冇問愛人好唔好食啫!
都唔知點解咁鬼頭痛
回覆刪除妳唔知?我就知啦 因為對住佢地我成日都要食藥架
記得同我去九龍城食先好呀
[版主回覆08/06/2009 21:42:00]哈哈。。。我係未食藥咋! 記唔記得...就要睇我記唔記得食藥啦 其實我仲好掛住佢嘅蒜茸包呀!
咪係囉~~ 係咁等, 到留言先知 ---- 衰左 >.< 呢排好忙呀!! ot 到 8 點, 先飛的返屋企. 好赤.
回覆刪除[版主回覆08/06/2009 21:45:00]咁你要習慣入yahoo登入咗先去探人啦!
又係好開心既blog聚, 仲有埋生日蛋糕, 睇見都想食. 噚日奔波一日, 緊要攰喇, 今晚早d瞓喇.
回覆刪除[版主回覆08/07/2009 06:29:00]早晨呀。今朝瞓醒好好多啦，不過一陣返工又忙啦!
我頭先過左去同主席賀牛一喇 !
回覆刪除美心的蒜香雞好呂好食呀 !
[版主回覆08/07/2009 06:29:00]早晨呀。係囉主席牛一我地都唔知，仲過咗一日，我以為佢8號先係呀! 個雞幾好味噃，$49好抵!
嘩 個蛋糕好靚啊
回覆刪除而今好D嘛 妳太累啦 早D瞓啦
[版主回覆08/07/2009 06:28:00]早晨呀。個蛋糕好靚，唔知好唔好食呢 真係有啲累，今朝好啲啦!
好好節目啊，你無事吧！
回覆刪除[版主回覆08/07/2009 06:27:00]早晨呀。無事啦，噚晚都好早瞓!
個蛋糕真係好靚呀
回覆刪除啲碟好得意喎
[版主回覆08/07/2009 06:26:00]早晨呀。琳琳整蛋糕好靚架!
原來妳今日又放假去玩...約哂啲愛人...
回覆刪除今晚妳又早啲瞓喇...有好多野都唔係妳去諗...玩得開心就得啦...
[版主回覆08/07/2009 06:26:00]早晨呀。本來今日以為仲要搵學校架，無理由唔夠先臨急請假架嘛! 無得諗咁多啦，希望仔仔唔好學壞啦!
您今天係咪去了將軍澳東港城的美心餐廳??
回覆刪除我老公話見到您~~
[版主回覆08/07/2009 06:25:00]早晨呀。唔係話......咁都撞到你老公 點解我見佢唔到架?
有假放又有街去真係好.
回覆刪除[版主回覆08/07/2009 06:24:00]早晨呀。本來以為一日攪唔掂架!
頻撲一日,玩番一日,都冇嘥個假期喎!!!!!!!
回覆刪除[版主回覆08/07/2009 06:24:00]早晨呀。係呀，本來目的係請個朋友食飯，點知自己烚下烚下咁，真係衰啦!
節目好豐富啊~~~~~~~~~~~
回覆刪除[版主回覆08/07/2009 06:23:00]早晨呀。不過啲小朋友仲豐富，三個大人照顧四個小朋友!
早晨早晨! 咦?[乜原來主席住將軍澳架? 好近我屋企呀!
回覆刪除我都試過真味的晚飯,重有火煱,真係唔錯架!
[版主回覆08/07/2009 06:22:00]早晨呀。真味唔錯架!
仲有冇頭痛呀? 如果奶茶唔掂, 都要投靠"必理痛"架喇! 天氣咁熱, 個旦糕唔溶咩?
回覆刪除[版主回覆08/07/2009 12:46:00]噚晚食咗粒傷風藥無乜事啦! 唔知呢，你問問主席!
你冇野丫ma
回覆刪除頭痛係因為你疲勞過度,
再加上淋雨
點解飲奶茶會止痛架
你應食藥或睇醫生至止到呀
[版主回覆08/07/2009 12:47:00]而家無乜事啦! 淋雨....無呀，有帶傘架! 我每日都要飲奶茶，無飲嗰日好容易會頭痛架!
隻蒜香雞好食嘛??你識唔識整架??haha~~我又想學嘢啦!!
回覆刪除你哋可以一齊聚下,主席一定開心到俾錢都無所謂啦~~~
[版主回覆08/07/2009 12:47:00]都幾香幾好食，但我唔識整噃，我好少整雞架，因為好怕洗個肚呢!
我老公呢排係東港城開工,佢話睇住您入美心的,
回覆刪除仲叫我問吓您,佢到底有否認錯人,我昨晚入來見到
您個blog有個美心袋,都知佢沒認錯人的了~
[版主回覆08/07/2009 12:48:00]做乜唔叫我啫，等我請佢食下午茶嘛!
星期三辛苦咗一日,尋日玩餐勁開心番哂
回覆刪除[版主回覆08/07/2009 12:48:00]出年又嚟過呀
早晨 早晨
回覆刪除[版主回覆08/07/2009 12:48:00]早晨呀‧
兩位美少女越來越熟落la!! 我都以為主席今日係正日添.... 你地去九龍城如果係平日夜晚或者weekend記得預埋我呀!!
回覆刪除[版主回覆08/07/2009 12:49:00]佢玩神秘，我摷咗成年嘅blog都唔知佢正日! 好呀，你得請埋你啦!
兩個囡囡都很得意呀! 請問幾多歲?
回覆刪除[版主回覆08/07/2009 12:50:00]唔知噃 因為唔係我架!
咦????原來主席系尋日生日嘎?同我細佬同一日喎~
回覆刪除件 茶綠豆腐蛋糕好正咁啊~~搞到我都口痕痕想去 唱K tim~
[版主回覆08/07/2009 21:47:00]嘻嘻﹒﹒﹒係呀! 我而家都好鍾意唱K架!
一大班老友一齊食吓嘢唱吓K， 真係高興啊 !
回覆刪除真味真係幾好架， 食物水準唔錯， 價錢公道。 晚飯啲小菜都幾大碟幾低食 。
[版主回覆08/07/2009 21:46:00]今次太多細路，都唱唔到K! 乜你係住附近呀!
個蛋糕整得好靚呀！
回覆刪除[版主回覆08/07/2009 21:45:00]你嚟探我呀，蕉仔乖唔乖呀?
個蛋糕真係整得好鬼靚啵
回覆刪除[版主回覆08/07/2009 21:45:00]我都無份食
依.......同我差一日wo.
回覆刪除[版主回覆08/07/2009 22:00:00]係呀，8月好多人生日咁!
唔係將軍澳， 我住嗰頭(藍田)附近都有一間真味架 。
回覆刪除[版主回覆08/08/2009 06:30:00]早晨呀。係咩，呢間我無聽過架!不過啲食物真係唔錯噃!
你哋又去開房!
回覆刪除[版主回覆08/08/2009 09:55:00]係囉
有愛人同美女陪妳都仲頭痛 , 係咪佢哋爭寵攪到妳頭痛呢 .
回覆刪除[版主回覆08/09/2009 20:40:00]我地好和平架，又點爭寵呀